|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
4. Upalivagga 1. Upalisuttavannana [31] Catutthassa pathame samghasutthutayatiadisu samghasutthuta nama samghassa sutthu bhavo, "sutthu deva"ti agatatthane viya "sutthu bhante"ti piyavacanasampaticchanabhavo. 1- Yo ca tathagatassa vacanam sampaticchati, tassa tam digharattam hitaya sukhaya samvattati. Tasma samghassa "sutthu bhante"ti mama vacanasampaticchanattham pannattam asampaticchane adinavam sampaticchane ca anisamsam dassetva, na balakkarena abhibhavitvati etamattham avikaronto aha samghasutthutayati. Samghaphasutayati samghassa phasutaya, 2- sahajivitaya sukhaviharatthayati attho. Dummankunam puggalanam niggahayati dummanku nama dussilapuggala, ye mankutam apadiyamanapi dukkhena apajjanti, vitikkamam karonta va katva va na lajjanti, tesam niggahatthaya. Te hi sikkhapade asati "kim tumhehi dittham, kim sutam, kim amhehi katam, katamasmim vatthusmim katamam apattim aropetva 3- amhe nigganhatha"ti samgham vihethessanti. 4- Sikkhapade pana sati tesam 5- samgho sikkhapadam dassetva saha dhammena niggahessati. Tena vuttam "dummankunam puggalanam niggahaya"ti. Pesalananti piyasilanam bhikkhunam phasuviharatthaya. Piyasila hi bhikkhu kattabbakattabbam savajjanavajjam velam mariyadanca ajananta sikkhattayaparipuriya ghatamana kilamanti, te pana savajjanavajjam velam mariyadanca natva sikkhattayaparipuriya ghatamana natikilamanti. 6- Tena tesam sikkhapadapannapanam phasuviharaya samvattati. 7- Yo va dummankunam puggalanam niggaho, sveva tesam phasuviharo. Dussilapuggale @Footnote: 1 cha.Ma. vacana... 2 cha.Ma. phasubhavaya 3 cha.Ma. ropetva @4 cha.Ma. vihetheyyum 5 cha.Ma. te 6 cha.Ma. na kilamanti 7 cha.Ma. na kilamanti--------------------------------------------------------------------------------------------- page343.
Nissaya hi uposathapavarana na titthanti, samghakammani nappavattanti, samaggi na hoti, bhikkhu anekagga uddesadihi 1- anuyunjitum na sakkonti. Dussilesu pana niggahitesu sabbopi ayam upaddavo na hoti, tato pesala bhikkhu phasum 2- viharanti. Evam 3- "pesalanam bhikkhunam phasuviharaya"ti ettha dvidha attho 4- veditabbo. Ditthadhammikanam asavanam samvarayati ditthadhammika asava nama asamvare thitena tasmimyeva attabhave pattabba panippaharadandappaharasatthappaharahatthaccheda- padacchedaakittiayasavippatisaradayo dukkhavisesa, tesam samvaraya pidahanaya agamanamaggathakanayati attho. Samparayikananti samparayika asava nama asamvare thitena katapapakammamulaka samparaye narakadisu pattabba dukkhavisesa, tesam patighatatthaya vupasamatthaya. Appasannananti sikkhapadapannattiya hi sati sikkhapadapannattim natva va, yathapannattam patipajjamane bhikkhu disva va, yepi appasanna pandita manussa, te "yani vata loke mahajanassa rajjanadussanamuyhanatthanani, tehi ime samana arata virata viharanti, dukkaram vata karonti"ti pasadam apajjanti vinayapitake potthakam disva micchaditthikatavedibrahmana 5- viya. Tena vuttam "appasannanam pasadaya"ti. Pasannananti yepi sasane pasanna kulaputta, tepi sikkhapadapannattim va natva, yathapannattam patipajjamane bhikkhu va disva "aho ayya dukkaram karonti, ye yavajivam ekabhatta brahmacariyasamvaram 6- palenti"ti bhiyyo bhiyyo pasidanti. Tena vuttam "pasannanam bhiyyobhavaya"ti. @Footnote: 1 cha.Ma. uddesadisu 2 cha.Ma. phasu 3 Si. tena vuttam @4 Si. evamettha attho 5 Si. micchaditthikativedibrahmana 6 cha.Ma. vinayasamvaram--------------------------------------------------------------------------------------------- page344.
Saddhammatthitiyati tividho saddhammo pariyattisaddhammo patipattisaddhammo adhigama- saddhammoti. Tattha sakalampi buddhavacanam pariyattisaddhammo nama. Terasa dhutangaguna 1- carittavarittasilasamadhivipassanati ayam patipattisaddhammo nama. Navalokuttaradhammo adhigamasaddhammo nama. So sabbopi yasma sikkhapadapannattiya sati bhikkhu sikkhapadanca tassa vibhanganca tadatthajotanattham annam ca buddhavacanam pariyapunanti, yathapannattanca patipajjamana patipattim puretva patipattiya adhigantabbam lokuttaradhammam adhigacchanti, tasma sikkhapadapannattiya saddhammo ciratthitiko hoti. Tena vuttam "saddhammatthitiya"ti. Vinayanuggahayati sikkhapadapannattiya hi sati samvaravinayo pahanavinayo samathavinayo pannattivinayoti catubbidhopi vinayo anuggahito hoti upatthambhito supatthambhito. Tena vuttam "vinayanuggahaya"ti. 2. Patimokkhatthapanasuttavannana [32] Dutiye parajikoti parajikapattim apanno. Parajikakatha vippakata hotiti "asukapuggalo parajikam apanno nu kho no"ti evam katha arabhita 2- anitthapita hoti. Eseva nayo sabbattha.The Pali Atthakatha in Roman Book 16 page 342-344. http://84000.org/tipitaka/atthapali/read_rm.php?B=16&A=7690&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=7690&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=22&i=31 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=696 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=694 The Pali Tipitaka in Roman Character :- http://84000.org/tipitaka/read/roman_read.php?B=22&A=694 Contents of The Tipitaka Volume 22 http://84000.org/tipitaka/read/?index_22
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]