AtthaPali Vol.26

4. Sakkarasuttavannana [14] Catutthe tena kho pana samayena bhagava sakkato hotiti kappanam satasahassadhikesu catusu asankhyeyyesu paripuritassa punnasambharavisesassa phalabhutena "ito param mayham okaso natthi"ti ussahajatena viya uparupari vaddhamanena sakkaradina bhagava sakkato hoti. Sabbadisasu hi yamakamahamegho vutthahitva mahogham viya sabbaparamiyo "ekasmim attabhave vipakam dassama"ti sampindita viya bhagavato labhasakkaramahogham nibbattayimsu. Tato annapanavatthayana- malagandhavilepanadihattha khattiyabrahmanadayo agantva "kaham buddho, kaham bhagava, kadam devadevo, kaham narasabho, kaham purisasiho"ti bhagavantam pariyesanti. Sakatasatehi paccaye aharitva okasam alabhamana samanta gavutappamanepi sakatadhurena sakatadhuram ahacca titthanti ceva anubandhanti ca andhakavindabrahmanadayo viya. Sabbantam khandhake ^1- tesu tesu ca suttesu agatanayena veditabbam. Yatha ca bhagavato, evam bhikkhusamghassati. Vuttanhetam:- "yavata kho cunda etarahi samgha va gana va loke uppanna, naham cunda annam ekasamghampi samanupassami evam labhaggayasaggappattam, yatharivayam cunda bhikkhusamgho"ti. ^2- @Footnote: ¹ vi.maha. 5/282/53 ² di.pa. 11/176/107

--------------------------------------------------------------------------------------------- page117.

Svayam bhagavato ca bhikkhusamghassa ca uppanno labhasakkaro ekato hutva dvinnam mahanadinam udakogho viya appameyyo ahosi. Tena vuttam "tena kho pana samayena bhagava sakkato hoti .pe. Parikkharanam, bhikkhusamghopi sakkato .pe. Parikkharanan"ti. Titthiya pana pubbe akatapunnataya ca duppatipannataya ca asakkata agarukata, buddhuppadena pana visesato vipannasobha suriyuggamane khajjopanaka viya nippabha nitteja hatalabhasakkara ahesum. Te tadisam bhagavato samghassa ca labhasakkaram asahamana issapakata "evam ime pharusahi vacahi ghatetvava palapessama"ti usuya visuggaram ^1- uggiranta tattha tattha bhikkhu akkosanta paribhasanta vicarimsu. Tena vuttam "annatitthiya pana paribbajaka asakkata honti .pe. Parikkharanam. Athakho te annatitthiya paribbajaka bhagavato sakkaram asahamana bhikkhusamghassa ca, game ca aranne ca bhikkhu disva asabbhahi pharusahi vacahi akkosanti paribhasanti rosenti vihesenti"ti. Tattha asabbhahiti asabhayoggahi sabhayam sadhujanasamuhe vattum ayuttahi, dutthullahiti attho. Pharusahiti kakkhalahi mammacchedikahi. Akkosantiti jatiadihi akkosavatthuhi khumsenti. Paribhasantiti bhandanavasena bhayam uppadenta tajjenti. Rosentiti yatha parassa roso hoti, evam anuddhamsanavasena rosam uppadenti. Vihesentiti vihethenti vividhehi akarehi aphasukam karonti. Kathampanete samantapasadike bhagavati bhikkhusamghe ca akkosadini pavattesunti? bhagavato uppadato pahinalabhasakkarataya upahatacitta pathavim khanitva pakkhalanta viya avane veluriyamanimhi vanam uppadenta viya ca sundarikam @Footnote: ¹ ka. visukani

--------------------------------------------------------------------------------------------- page118.

Nama paribbajikam sannapetva taya satthu bhikkhunanca avannam vutthapetva akkosadini pavattesum. Tampanetam sundarivatthu parato sundarisutte ^1- paliyamyeva agamissati tasma yamettha vattabbam, tam tattheva vannayissama. Bhikkhu bhagavato santikam upasankamitva tam pavattim arocesum. Tena vuttam "athakho sambahula bhikkhu yena bhagava tenupasankamimsu .pe. Vihesenti"ti. Tam vuttatthameva. Etamattham viditvati etam issapakatanam titthiyanam vippatipattim sabbakarato viditva. Imam udananti imam tehi kate vippakare pasannacittehi ca parehi kate upakare tadibhavanubhavadipakam udanam udanesi. Tattha game aranne sukhadukkhaphutthoti game va aranne va yattha katthaci sukhena dukkhena ca phuttho sukhadukkhani anubhavanto, tesam va paccayehi samangibhuto. Nevattato no parato dahethati "aham sukhito, aham dukkhito, mama sukham, mama dukkham, parenidam mayham sukhadukkham uppaditan"ti ca neva attato na parato tam sukhadukkham thapetha. Kasma? na hettha khandhapancake ahanti va mamanti va paroti va parassati va passitabbayuttakam kinci atthi, kevalam sankhara eva pana yathapaccayam uppajjitva khane khane bhijjantiti. Sukhadukkhaggahanancettha desanasisam, sabbassapi lokadhammassa vasena attho veditabbo. Iti bhagava "naham kvacani, kassaci kincanatasmim, na ca mama kvacani, katthaci kincanatatthi"ti catukotikam sunnatam vibhavesi. Idani tassa attato parato ca adahanassa karanam dasseti "phusanti phassa upadhim paticca"ti. Ete sukhavedaniya dukkhavedaniya ca phassa nama @Footnote: ¹ khu.u. 25/38/152

--------------------------------------------------------------------------------------------- page119.

Khandhapancakasankhatam upadhim paticca tasmim sati yathasakam visayam phusanti, tattha pavattantiyeva. Adukkhamasukha hi vedana santasabhavataya sukhe eva sangaham gacchatiti duvidhasamphassavasenevayam atthavannana kata. Yatha pana te phassa na phusanti, tam dassetum "nirupadhim kena phuseyyum phassa"ti vuttam. Sabbaso hi khandhupadhiya asati kena karanena te phassa phuseyyum, na tam karanam atthi. Yadi hi tumhe akkosadivasena uppajjanasukhadukkham na icchatha, sabbaso nirupadhibhaveyeva yogam kareyyathati anupadisesanibbanadhatuya gatham nitthapesi. Evam imina udanena vattavivattam kathitam. Catutthasuttavannana nitthita. --------------

The Pali Atthakatha in Roman Book 26 page 116-119. http://84000.org/tipitaka/atthapali/read_rm.php?B=26&A=2597&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=26&A=2597&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=25&i=54 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=1769 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=1768 The Pali Tipitaka in Roman Character :- http://84000.org/tipitaka/read/roman_read.php?B=25&A=1768 Contents of The Tipitaka Volume 25 http://84000.org/tipitaka/read/?index_25