AtthaPali Vol.26

3. Tatiyanibbanapatisamyuttasuttavannana [73] Tatiye atha kho bhagava etamattham viditvati tada kira bhagavata anekapariyayena samsarassa adinavam pakasetva sandassanadivasena nibbanapatisamyuttaya dhammadesanaya kataya tesam bhikkhunam etadahosi "ayam samsaro bhagavata @Footnote: ¹ vi. maha. 4/7/7, Ma.mu. 12/281/242, Ma.Ma. 13/337/319

--------------------------------------------------------------------------------------------- page422.

Avijjadihi karanehi sahetuko pakasito, nibbanassa pana tadupasamassa na kinci karanam vuttam, tayidam ahetukam, katham sacchikatthaparamatthena upalabbhati"ti, atha bhagava tesam bhikkhunam etam yathavuttam parivitakkasankhatam ^1- attham viditva. Imam udananti tesam bhikkhunam vimatividhamanatthanceva idha samanabrahmananam "nibbanam nibbananti vacavatthumattameva, natthi hi paramatthato nibbanam nama anupalabbhamanasabhavatta"ti lokayatikadayo viya vippatipannanam bahiddha ca puthuditthigatikanam micchavadabhanjanatthanca imam amatamahanibbanassa paramatthato atthibhavadipanam udanam udanesi. Tattha ajatam abhutam akatam asankhatanti sabbanipi padani annamannavevacanani. Atha va vedanadayo viya hetupaccayasamavayasankhataya karanasamaggiya na jatam na nibbattanti ajatam, karanena vina, sayameva va na bhutam na patubhutam na uppannanti abhutam, evam ajatatta abhutatta ca yena kenaci karanena na katanti akatam, jatabhutakatasabhavo ca namarupanam sankhatadhammanam hoti, na asankhatasabhavassa nibbanassati dassanattham asankhatanti vuttam. Patilomato va samecca sambhuya paccayehi katanti sankhatam, tatha na sankhatam sankhatalakkhanarahitanti asankhatanti. Evamanekehi karanehi nibbattitabhave patisiddhe "siya nu kho ekeneva karanena katan"ti asankaya "yena kenaci na katan"ti dassanattham "akatan"ti vuttam. Evam appaccayampi samanam "sayameva nu kho idam bhutam patubhutan"ti asankaya tannivattanattham "abhutan"ti vuttam. "ayancetassa asankhatakatabhutabhavo sabbena sabbam ajatidhammatta"ti dassetum "ajatan"ti vuttam. Evametesam catunnampi padanam satthakabhavam viditva "tayidam nibbanam atthi @Footnote: ¹ Ma. viparitakkasankhatam

--------------------------------------------------------------------------------------------- page423.

Bhikkhave"ti paramatthato nibbanassa atthibhavo paveditoti ^1- veditabbo. Ettha udanentena bhagavata "bhikkhave"ti alapane karanam hettha vuttanayeneva veditabbam. Iti sattha "atthi bhikkhave ajatam abhutam akatam asankhatan"ti vatva tattha hetum dassento "no cetam bhikkhave"tiadimaha. Tassayam sankhepattho:- bhikkhave yadi ajatadisabhava asankhata dhatu na abhavissa na siya, idha loke jatadisabhavassa rupadikkhandhapancakasankhatassa sankhatassa nissaranam anavasesavupasamo na pannayeyya na upalabbheyya na sambhaveyya. Nibbanam hi arammanam katva pavattamana sammaditthiadayo ariyamaggadhamma anavasesakilese samucchindanti. Tenettha sabbassapi vattadukkhassa appavatti apagamo nissaranam pannayati. Evam byatirekavasena nibbanassa atthibhavam dassetva idani anugamavasenapi ^2- tam dassetum "yasma ca kho"tiadi vuttam. Tam vuttatthameva. Ettha ca yasma "appaccaya dhamma asankhata dhamma, ^3- atthi bhikkhave tadayatanam, yattha neva pathavi, ^4- idampi kho thanam duddasam yadidam sabbasankharasamatho sabbupadhipatinissaggo, ^5- asankhatanca vo bhikkhave dhammam desissami asankhatagamininca patipadan"tiadihi ^6- anekehi suttapadehi, "atthi bhikkhave ajatan"ti iminapi ca suttena nibbanadhatuya paramatthato sambhavo sabbalokam anukampamanena sammasambuddhena desito, tasma yadipi tattha apaccakkhakarinampi vinnunam kankha va vimati va natthiyeva. Ye pana paraneyyabuddhino ^7- puggala, tesam vimativinodanattham ayamettha adhippayaniddharanamukhena yuttivicarana:- yatha? @Footnote: ¹ cha.Ma. pakasitoti ² cha.Ma. anvayavasenapi @³ abhi. san. 34/7,8,1454,1456/6,320 ⁴ khu.u. 25/71/212 @⁵ vi.maha. 4/7/7, Ma.mu. 12/281/242, Ma.Ma. 13/337/319 @⁶ sam.sala. 18/674 adi/441 ⁷ Ma. dassaneyyabuddhino

--------------------------------------------------------------------------------------------- page424.

Parinneyyataya sauttaranam kamanam rupadinanca patipakkhabhutam tabbidhurasabhavam nissaranam pannayati, evam tam sabhavanam ^1- sabbesampi sankhatadhammanam patipakkhabhutena tabbidhurasabhavena nissaranena bhavitabbam. Yancetam nissaranam, sa asankhata dhatu. Kinci bhiyyo sankhatadhammarammanam vipassanananam api anulomananam kilese na samucchedavasena pajahitum sakkoti. Tatha sammutisaccarammanam pathamajjhanadisu nanam vikkhambhanavaseneva kilese pajahati, na samucchedavasena. Iti sankhatadhammarammanassa sammutisaccarammanassa ca nanassa kilesanam samucchedappahane asamatthabhavato tesam samucchedappahanakarassa ariyamaggananassa tadubhayaviparitasabhavena arammanena bhavitabbam, sa asankhata dhatu. Tatha "atthi bhikkhave ajatam abhutam akatam asankhatan"ti idam nibbanapadassa paramatthato atthibhavajotakam vacanam aviparitattham bhagavata bhasitatta. Yam hi bhagavata bhasitam, tam aviparitattham paramattham yathatam "sabbe sankhara anicca, sabbe sankhara dukkha, sabbe dhamma anatta"ti ^2- tatha nibbanasaddo katthaci visaye yathabhutaparamatthavisayo upacaramattavuttisabbhavato seyyathapi sihasaddo. ^3- Atha va attheva paramatthato asankhata dhatu, itaram va tabbiparitavinimuttasabhavatta seyyathapi pathavidhatu vedanati evamadihi nayehi yuttitopi ^4- asankhataya dhatuya paramatthato atthibhavo veditabbo. Tatiyasuttavannana nitthita. ------------

The Pali Atthakatha in Roman Book 26 page 421-424. http://84000.org/tipitaka/atthapali/read_rm.php?B=26&A=9428&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=26&A=9428&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=25&i=160 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=4007 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=4271 The Pali Tipitaka in Roman Character :- http://84000.org/tipitaka/read/roman_read.php?B=25&A=4271 Contents of The Tipitaka Volume 25 http://84000.org/tipitaka/read/?index_25