AtthaPali Vol.27

4. Avijjanivaranasuttavannana [14] Catutthe "naham bhikkhave"tiadisu nakaro patisedhattho. Ahanti bhagava attanam niddisati. Annanti idani vattabbaavijjanivaranato annam. Ekanivaranampiti ekanivaranadhammampi. ^1- Samanupassamiti dve samanupassana ditthisamanupassana ca nanasamanupassana ca. Tattha "rupam attato samanupassati"ti adina ^2- agata ayam ditthisamanupassana nama "aniccato samanupassati, no niccato"tiadina pana agata ayam nanasamanupassana nama. Idhapi nanasamanupassanava adhippeta. "samanupassami"ti ca padassa nakarena sambandho. Idam vuttam hoti:- naham bhikkhave sabbannutannanasankhatena samantacakkhuna sabbadhamme hatthamalakam viya olokentopi annam ekanivaranampi na samanupassamiti. Yena nivaranena nivuta paja digharattam sandhavanti samsarantiti yena nivaranasabhavatta nivaranena dhammasabhavam janitum passitum pativijjhitum adatva chadetva pariyonandhitva thanena andhakarena nivuta satta anadimatasamsare ^3- aparimane kappe mahantesu ceva khuddakesu ca bhavadisu aparaparuppattivasena sabbato dhavanti ceva samsaranti ca. Arammanantarasankamanavasena va sandhavanam, @Footnote: ¹ i. ekam nivarakadhammampi @² an.catukka 21/200/239, khu.pati. 31/130/147 ³ Si.,Ma. nadimatisamsare

--------------------------------------------------------------------------------------------- page65.

Bhavantarasankamanavasena samsaranam. Kilesanam balavabhavena va sandhavanam, dubbalabhavena samsaranam. Khanikamaranavasena va ekajatiyam sandhavanam, voharamaranavasena anekasu jatisu samsaranam. Cittavasena va sandhavanam, "cittamassa vidhavati"ti hi vuttam, kammavasena samsaranam. Evam sandhavanasamsarananam viseso veditabbo. Yathayidanti yatha idam yakaro padasandhikaro, sandhivasena rassattam. Avijjanivarananti ettha puretum ayuttatthane kayaduccaritadi avindiyam nama, aladdhabbanti attho. Tam avindiyam vindatiti avijja. Viparitato kayasucaritadi vindiyam nama, tam vindiyam na vindatiti avijja. khandhanam rasattham, ayatananam ayatanattham, dhatunam sunnattham, indriyanam adhipateyyattham, saccanam tathattham, dukkhadinam pilanadivasena vuttam catubbidham attham aviditam karotitipi avijja. Antavirahite samsare satte javapetiti va avijja, paramatthato va avijjamanesu itthipurisadisu javati pavattati, vijjamanesu khandhadisu na javati nappavattatiti avijja. Apica cakkhuvinnanadinam vattharammanapaticcasamuppannadhammanam chadanatopi avijja. Avijjava nivarananti avijjanivaranam. Avijjanivaranena hi bhikkhave nivuta paja digharattam sandhavanti samsarantiti idam purimasseva dalhikaranattham vuttam. Purimam va "yathayidam bhikkhave avijjanivaranan"ti evam opammadassanavasena vuttam, idam nivarananubhavadassanavasena. Kasma panettha avijjava evam vutta, na anne dhammati? adinavappaticchadanena kamacchandadinam visesapaccayabhavato. Tatha hi taya paticchaditadinave visaye ^1- kamacchandadayo pavattanti. Natthannoti adika gatha vuttassa avuttassa ca atthassa sanganhanavasena bhasita. Tattha nivutati nivarita paligunthita, paticchaditati attho. Ahorattanti @Footnote: ¹ ka. paticchaditadinavavisaye

--------------------------------------------------------------------------------------------- page66.

Diva ceva rattinca, sabbakalanti vuttam hoti. Yatha mohena avutati yena pakarena avijjanivaranasankhatena mohena avuta ^1- paticchadita suvinneyyampi ajanantiyo paja samsare samsaranti, tatharupo anno ekadhammopi ekanivaranampi natthiti yojetabbam. Ye ca moham pahantvana, tamokkhandham padalayunti ye pana ariyasavaka pubbabhage tadangadippahanavasena, hetthimamaggehi va tamtammaggavajjham moham pajahitvana aggamaggena vajirupamananena mohasankhatameva ^2- tamorasim padalayimsu, anavasesato samucchindimsu. Na te puna samsarantiti te arahanto:- "khandhananca patipati dhatuayatanana ca abbocchinnam vattamana samsaroti pavuccati"ti evam vutte imasmim samsare na samsaranti na paribbhamanti. Kimkarana? hetu tesam na vijjati, yasma samsarassa hetu mulakaranam avijja, sa tesam na vijjati, sabbaso natthi samucchinnattati. Catutthasuttavannana nitthita. ---------------

The Pali Atthakatha in Roman Book 27 page 64-66. http://84000.org/tipitaka/atthapali/read_rm.php?B=27&A=1389&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=1389&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=25&i=192 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=4610 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=4859 The Pali Tipitaka in Roman Character :- http://84000.org/tipitaka/read/roman_read.php?B=25&A=4859 Contents of The Tipitaka Volume 25 http://84000.org/tipitaka/read/?index_25