AtthaPali Vol.29

5. Dhotakasuttavannana [1068-9] Pucchami tanti dhotakasuttam. Tattha vacabhikankhamiti vacam abhikankhami. Sikkhe nibbanamattanoti attano ragadinam nibbanatthaya adhisiladini sikkheyya. Itoti mama mukhato. [1070] Evam vutte attamano dhotako bhagavantam abhitthavamano kathamkathapamokkham yacanto "passamahan"ti gathamaha. Tattha passamaham @Footnote: ¹ Si.,ka. soti Devamanussaloketi passami aham devamanussaloke. Tam tam namassamiti tam evarupam namassami. Pamuncati pamocehi. [1071] Athassa bhagava attadhinameva kathamkathapamokkham oghataranamukhena dassento "nahan"ti gathamaha. Tattha naham sahissamiti ^1- aham na sahissami na sakkhissami, ^2- na vayamissamiti vuttam hoti. Pamocanayati pamocetum. Kathamkathinti sakankham. Taresiti tareyyasi. [1072-5] Evam vutte attamanataro dhotako tam bhagavantam abhitthavamano anusasanim yacanto "anusasa brahme"ti gathamaha. Tattha brahmati setthavacanametam. Tena bhagavantam amantayamano aha "anusasa brahme"ti. Vivekadhammanti sabbasankharavivekanibbanadhammam. Abyapajjamanoti nanappakaratam anapajjamano. Idheva santoti idheva samano. Asitoti anissito. Ito para dve gatha mettagusutte vuttanaya eva. Kevalanhi tattha dhammam, idha santinti ayam viseso. Tatiyagathayapi pubbaddham tattha vuttanayameva. Aparaddhe sangoti sajjanatthanam, laggananti vuttam hoti. Sesam sabbattha pakatameva. Evam bhagava idampi suttam arahattanikuteneva desesi, desanapariyosane ca vuttasadiso eva dhammabhisamayo ahositi. Paramatthajotikaya khuddakatthakathaya suttanipatatthakathaya dhotakasuttavannana nitthita. -------------- @Footnote: ¹ ka. gamissamiti ² ka. aham nagamissami na sikkhami

The Pali Atthakatha in Roman Book 29 page 440-441. http://84000.org/tipitaka/atthapali/read_rm.php?B=29&A=9913&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=29&A=9913&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=25&i=429 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=11116 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=11137 The Pali Tipitaka in Roman Character :- http://84000.org/tipitaka/read/roman_read.php?B=25&A=11137 Contents of The Tipitaka Volume 25 http://84000.org/tipitaka/read/?index_25