|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
17. Kesakarivimanavannana 1- idam vimanam ruciram pabhassaranti kesakarivimanam. Tassa ka uppatti? bhagava baranasiyam viharati isipatane migadaye. Tena kho pana samayena sambahula bhikkhu pubbanhasamayam nivasetva pattacivaramadaya baranasim pindaya pavisimsu. Te annatarassa brahmanassa gehadvarasamipena gacchanti. Tasmim ca gehe brahmanassa dhita kesakari 2- nama gehadvarasamipe matu sisato uka ganhanti te bhikkhu gacchante disva mataram aha "amma ime pabbajita 3- pathamena yobbanena samannagata abhirupa dassaniya pasadika sukhumala kenaci parijunnena anabhibhuta manne, kasma nu kho ime imasmimyeva vaye pabbajanti"ti. Tam mata aha "atthi amma sakyaputto sakyakula pabbajito buddho loke uppanno, so dhammam deseti adikalyanam majjhekalyanam pariyosanakalyanam sattham sabyanjanam kevalaparipunnam, parisuddham brahmacariyam pakaseti, tassa ime dhammam sutva pabbajanti"ti. Tena ca samayena agataphalo vinnatasasano annataro upasako taya vithiya gacchanto tam katham sutva tasam santikam upasankami. Atha nam brahmani aha "etarahi kho upasaka bahu kulaputta mahantam bhogakkhandham mahantam natiparivattam pahaya sakyasamaye 4- pabbajanti, te kim nu kho atthavasam sampassanta pabbajanti"ti tam sutva upasako "kamesu adinavam, nekkhamme ca anisamsam sampassanta"ti vatva attano nanabalanurupam tamattham vittharato kathesi, tinnanca ratananam gune pakasesi, pancannam silanam ditthadhammikam samparayikanca gunanisamsam pavedesi. Atha brahmanadhita tam "kim amhehipi saranesu ca silesu ca patitthaya taya vutte gunanisamse adhigantum sakka"ti pucchi. So "sabbasadharana ime dhamma @Footnote: 1 paliyam. pesakariyavimana... 2 ka. pesakari @3 Ma. ime pabbajita nama bhattahara 4 Ma. sakyakulasamipe--------------------------------------------------------------------------------------------- page95.
Bhagavata bhasita, kasma na sakka"ti vatva tassa saranani ca silani ca adasi. Sa gahitasarana samadinnasila ca hutva puna aha "kim ito uttari 1- annampi karaniyam atthi"ti. So tassa vinnubhavam sallakkhento "upanissayasampanna bhavissati"ti natva sarirasabhavam vibhavento dvattimsakarakammatthanam kathetva kaye viragam uppadetva upari aniccatadipatisamyuttaya dhammiya kathaya samvejetva vipassanamaggam acikkhitva gato. Sa tena vuttanayam sabbam manasikatva patikula- manasikare samahitacitta vipassanam patthapetva upanissayasampattiya nacirasseva sotapattiphale patitthahi. Athaparena samayena kalam katva sakkassa devaranno paricarika hutva nibbatti, satasahassancassa accharaparivaro ahosi. Tam sakko devaraja disva acchariyabbhutacittajato pamuditahadayo:- [150] "idam vimanam ruciram pabhassaram veluriyathambham satatam sunimmitam suvannarukkhehi samantamotthatam thanam mamam kammavipakasambhavam. [151] Tatrupapanna purimacchara ima satam sahassani sakena kammuna tuvamsi ajjhupagata yasassini obhasayam titthasi pubbadevata. [152] Sasi adhiggayha yatha virocati nakkhattarajariva tarakaganam tatheva tvam accharasanganam 2- imam daddallamana yasasa virocasi. @Footnote: 1 Si. uttarim 2 Si. accharasangamam--------------------------------------------------------------------------------------------- page96.
[153] Kuto nu agamma anomadassane upapanna tvam bhavanam mamam idam brahmamva deva tidasa sahindaka sabbe na tappamase dassanena tan"ti 1- catuhi gathahi taya katakammam pucchi. #[150] Tattha idam vimananti yasmim vimane sa devata uppanna, tam attano vimanam sandhayaha. Satatanti sabbakalam ruciram pabhassaranti yojana. Satatanti va sammatatam, ativiya vitthinnanti attho. Samantamotthatanti samantato avatthatam chaditam. Thananti vimanameva sandhaya vadati. Tam hi titthanti ettha katapunnati thananti vuccati. Kammavipakasambhavanti kammavipakabhavena sambhutam, kammavipakena va sahasambhutam. Mamanti idam mama thanam mama kammavipakasambhavanti dvihipi padehi yojetabbam. #[151] Tatrupapannati gathaya ayam sankhepattho:- tatra tasmim yatha vutte vimane upapanna nibbatta pageva uppannatta pubbadevata ima purima accharayo parimanato satam sahassani. Tuvamsiti tvam asi sakena kammuna kammanubhavena obhasayanti virocamana titthasiti. #[152] Idani tameva obhasanam upamaya vibhavenato "sasi"ti gathamaha. Tassattho:- yatha sasalanchanayogena "sasi"ti nakkhattehi adhikagunataya "nakkhattaraja"ti ca laddhanamo cando sabbam tarakaganam adhiggayha abhibhavitva virocati @Footnote: 1 Si. tvanti--------------------------------------------------------------------------------------------- page97.
Virajati, tatheva tvam imam accharanam devakannanam ganam 1- samuham attano yasasa daddallamana ativiya vijjotamana virocasiti. Ettha ca "ima"ti "iman"ti ca nipatamattam. Keci pana "nakkhattarajariva taraganam 2- tatheva tvan"ti pathanti. #[153] Idani tassa devataya purimabhavam tattha katapunnanca pucchanto "kuto nu agamma"ti gathamaha. Tattha kuto nu agammati kuto nu bhavato kuto nu punnakammato karanabhutato idam mama bhavanam agamma bhadde anomadassane sabbangasobhane tvam upapanna uppattigahanavasena upagata. "anomadassane"ti vuttamevattham upamaya pakasento 3- "brahmamva deva tidasa sahindaka, sabbe na tappamase dassanena tan"ti aha. Tattha yatha brahmanam sahampatim sanankumaram va upagatam saha indenati sahindaka tavatimsa deva passanta dassanena na tappanti, evam tava dassanena mayam sabbe deva na tappamaseti attho. Evam pana sakkena devanamindena pucchita sa devata tamattham pakasenti:- [154] "yametam sakka anupucchase mamam kuto cuta tuvam 4- idha agatati baranasi nama puratthi kasinam tattha ahosim pure kesakarika. 5- [155] Buddhe ca dhamme ca pasannamanasa samghe ca ekantagata asamsaya @Footnote: 1 Si. sangamam 2 Si. tarakaganam 3 Ma. kathento @4 i. kuto cutaya agati tava 5 paliyam. pesakarika--------------------------------------------------------------------------------------------- page98.
Akhandasikkhapada agatapphala sambodhidhamme niyata anamaya"ti gathadvayamaha. #[154-5] Tattha yametanti yam etam panhanti attho. Anupucchaseti anukulabhavena pucchasi. Mamanti mam. Puratthiti puram atthi. Kasinanti kasiratthassa. Kesakarikati purimattabhave attano namam vadati. Buddhe ca dhamme catiadina attano punnam vibhaveti. Puna sakko tassa tam punnasampattinca dibbasampattinca anumodamano aha:- [156] "tantyabhinandamase svagatanca 1- te dhammena ca tvam yasasa virocasi buddhe ca dhamme ca pasannamanase samghe ca ekantagate asamsaye. Akhandasikkhapade agatapphale sambodhidhamme niyate anamaye"ti. #[156] Tattha tantyabhinandamaseti tam te duvidhampi sampattim abhinandama anumodama. Svagatanca 1- teti tuyhanca idhagamanam svagatam, amhakam pitisomanassa- samvaddhanameva. 2- Sesam vuttanayamevati. @Footnote: 1 Si. sagatanca 2 cha.Ma....samvaddhana...evamuparipi--------------------------------------------------------------------------------------------- page99.
Tam pana pavattim sakko devaraja ayasmato mahamoggallanattherassa kathesi, thero bhagavato nivedesi. Bhagava tamattham atthuppattim katva sampattaparisaya dhammam desesi, sa desana sadevakassa lokassa satthika jatati. Kesakarivimanavannana nitthita. Iti paramatthadipaniya khuddakatthakathaya vimanavatthusmim sattarasavatthupatipanditassa pathamassa pithavaggassa atthavannana nitthita. ---------------The Pali Atthakatha in Roman Book 30 page 94-99. http://84000.org/tipitaka/atthapali/read_rm.php?B=30&A=2031&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=30&A=2031&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=17 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=470 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=491 The Pali Tipitaka in Roman Character :- http://84000.org/tipitaka/read/roman_read.php?B=26&A=491 Contents of The Tipitaka Volume 26 http://84000.org/tipitaka/read/?index_26
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]