AtthaPali Vol.30

45. 7. Caturitthivimanavannana abhikkantena vannenati caturitthivimanam. Tassa ka uppatti? bhagavati savatthiyam viharante ayasma mahamoggallano hettha vuttanayena devacarikam caranto tavatimsabhavanam gato. So tattha patipatiya thitesu catusu vimanesu catasso devadhitaro paccekam accharasahassaparivara dibbasampattim anubhavantiyo disva tahi pubbe katakammam pucchanto:- [755] "abhikkantena vannena ya tvam titthasi devate obhasenti disa sabba osadhi viya taraka. @Footnote: ¹ an.catukka. 21/34/40, an.pancaka. 22/38 (sya.), khu.iti. 25/90/308

--------------------------------------------------------------------------------------------- page223.

[756] Kena te'tadiso vanno kena te idha mijjhati uppajjanti ca te bhoga ye keci manaso piya. [757] Pucchami tam devi mahanubhave manussabhuta kimakasi punnam kenasi evanjalitanubhava vanno ca te sabbadisa pabhasati"ti imahi gathahi patipatiya pucchi. Tapi tassa pucchanantaram patipatiya byakarimsu. Tam dassetum:- [758] "sa devata attamana moggallanena pucchita panham puttha viyakasi yassa kammassidam phalan"ti ayam gatha vutta. Ta kira kassapassa bhagavato kale esikanamake ratthe pannakate nama nagare kulagehe nibbatta vayappatta tasmimyeva nagare patikulam gata samaggavasam vasanti. Tasu eka annataram pindacarikam bhikkhum disva pasannacitta indivarakalapam adasi, apara annassa niluppalahatthakam ^1- adasi, apara annassa padumahatthakam adasi, apara annassa sumanamakulani adasi. Ta aparena samayena kalam katva tavatimsabhavane ^2- nibbattimsu, tasam accharasasahassam parivaro ahosi, ta tattha yavatayukam dibbasampattim anubhavitva tato cuta tasseva kammassa vipakavasesena aparaparam tattheva samsarantiyo imasmim buddhuppade tattheva uppanna vuttanayena ayasmata mahamoggallanena pucchita. Tasu eka attana katapunnakammam therassa kathenti:- @Footnote: ¹ Si. niluppalakalapam ² Si.,i. tavatimsesu

--------------------------------------------------------------------------------------------- page224.

[759] "indivaranam hatthakam ahamadasim bhikkhuno pindaya carantassa esikanam unnatasmim nagaravare ^1- pannakate ramme. [760] Tena me'tadiso vanno tena me idha mijjhati uppajjanti ca me bhoga ye keci manaso piya. .pe. Tenamhi evanjalitanubhava vanno ca me sabbadisa pabhasati"ti aha. Apara:- [766] "niluppalahatthakam ahamadasim bhikkhuno pindaya carantassa esikanam unnatasmim nagaravare pannakate ramme. [767] Tena me'tadiso vanno tena me idha mijjhati uppajjanti ca me bhoga ye keci manaso piya. .pe. Tenamhi evanjalitanubhava vanno ca me sabbadisa pabhasati"ti aha. Apara:- @Footnote: ¹ ka. nagare vare. evamuparipi

--------------------------------------------------------------------------------------------- page225.

[773] "odatamulakam haritapattam udakasmim sare jatam ahamadasim bhikkhuno pindaya carantassa esikanam unnatasmim nagaravare pannakate ramme. [774] Tena me'tadiso vanno tena me idha mijjhati uppajjanti ca me bhoga ye keci manaso piya. .pe. Tenamhi evanjalitanubhava vanno ca me sabbadisa pabhasati"ti aha. Apara:- [780] "aham sumana sumanassa sumanamakulani ^1- dantavannani ahamadasim bhikkhuno pindaya carantassa esikanam unnatasmim nagaravare pannakate ramme. [781] Tena me'tadiso vanno .pe. Vanno ca me sabbadisa pabhasati"ti aha. #[759] Tattha indivaranam hatthakanti uddalakapupphahattham vataghatakapupphakalapam. Esikananti esikaratthassa. Unnatasmim nagaravareti unnate bhumipadese @Footnote: ¹ cha.Ma. sumanamakulani. evammuparipi

--------------------------------------------------------------------------------------------- page226.

Nivitthe meghodaram lihantehi ^1- viya accuggatehi pasadakutagaradihi unnate uttamanagare. Pannakateti evamnamake nagare. #[766] Niluppalahatthakanti kuvalayakalapam. #[773] Odatamulakanti setamulam, bhisamulanam dhavalataya vuttam, padumakalapam sandhaya vadati. Tenaha "haritapattan"tiadi. Tattha haritapattanti nilapattam. Avijahitamakulapattassa hi padumassa bahirapattani haritavannani eva hontiti. Udakasmim sare jatanti sare udakamhi jatam, saroruhanti attho. #[780] Sumanati evamnama. Sumanassati sundaracittassa. Sumanamakulaniti jatisumanapupphamakulani. Dantavannaniti sajjukam ullikhitahatthidantasadisavannani. Evam tahi attana katakamme kathite theropi tasam anupubbikatham kathetva saccani pakasesi, saccapariyosane ta sabbapi saparivara sotapanna ahesum. Thero tam pavattim manussalokam agantva bhagavato arocesi. Bhagava tamattham atthuppattim katva sampattaparisaya dhammam desesi, sa dhammadesana mahajanassa satthika jatati. Caturitthivimanavannana nitthita. ------------------

The Pali Atthakatha in Roman Book 30 page 222-226. http://84000.org/tipitaka/atthapali/read_rm.php?B=30&A=4687&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=30&A=4687&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=45 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=1580 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=1574 The Pali Tipitaka in Roman Character :- http://84000.org/tipitaka/read/roman_read.php?B=26&A=1574 Contents of The Tipitaka Volume 26 http://84000.org/tipitaka/read/?index_26