|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
303. 6. Culakattheragathavannana nadanti mora susikha supekhunati ayasmato culakattherassa gatha. Ka uppatti? ayampi purimabuddhesu katadhikaro tattha tattha bhave vivattupanissayam kusalam upacinanto ito ekattimse kappe sikhissa bhagavato kale kulagehe nibbattitva vinnutam patto ekadivasam sattharam disva pasannamanaso chattapaniphalam 1- adasi. So tena punnakammena devamanussesu samsaranto imasmim buddhuppade rajagahe brahmanakule nibbattitva culakoti laddhanamo vayappatto dhanapaladamane satthari laddhappasado pabbajitva samanadhammam karonto indasalaguhayam vasati, so ekadivasam guhadvare nisinno magadhakkhettam olokesi. Tasmim khane pavusakalamegho gambhira- madhuranigghoso satapatalasahassapatalo anjanasikharasannikaso 2- nabham puretva pavassati, mayurasangha ca meghagajjitam sutva hatthatuttha kekasaddam muncitva 3- tattha tattha padese naccanta vicaranti. Therassapi avasagabbhe meghavataphassehi 4- apagataghammatta passaddhakarajakaye 5- kallatam patte utusappayalabhena cittam ekaggam ahosi, kammatthanavithim otari, so tam natva kalasampadadikittanamukhena attanam bhavanaya ussahento:- [211] "nadanti mora susikha supekhuna sunilagiva sumukha sugajjino susaddala capi mahamahi ayam subyapitambu suvalahakam nabham. @Footnote: 1 cha.Ma. chattapanniphalam 2 Si. ajjuna... 3 i. muncanta @4 Si., i. avasagabbhehi meghavatasamphassehi 5 Si. passaddhe karajakaye--------------------------------------------------------------------------------------------- page514.
[212] Sukallarupo sumanassa jhayitam 1- sunikkamo sadhu subuddhasasane susukkasukkam nipunam sududdasam phusahi tam uttamamaccutam padan"ti dve gatha abhasi. Tattha nadanti mora susikha supekhuna, sunilagiva sumukha sugajjinoti ete 2- matthake utthitahi sundarahi sikhahi 3- samannagatatta susikha, nanavannehi anekehi sobhanehi bhaddakapinchehi 4- samannagatatta supekhuna, rajivavannasankasaya 5- sundaraya nilavannaya givaya samannagatatta sunilagiva, sundaramukhataya sumukha, manunnavaditaya 6- sugajjino, mora sikhandino chajjasamvadi kekasaddam muncanta nadanti ravanti. Susaddala capi mahamahi ayanti ayanca mahapathavi susaddala sundaraharitatina. Subyapitambuti abhinavavutthiya taham taham vissandamanasalilataya sutthu byapitajala vitatajala. "susukkatambu"tipi 7- patho, suvisuddhajalati attho. Suvalahakam nabhanti idanca nabham akasam niluppaladalasannibhehi samantato puretva thitehi sundarehi valahakehi meghehi suvalahakam. Sukallarupo sumanassa jhayitanti idani utusappayalabhena sutthu kallarupo kammaniyasabhavo tvam, 8- nivaranehi anajjharulhacittataya sundaramanassa 9- yogavacarassa yam arammanupanijjhanavasena lakkhanupanijjhanavasena ca jhayitam. 10- Sunikkamo .pe. Accutam padanti evam jhayanto ca sadhu subuddhassa sammasambuddhassa sasane sundaranikkamo hutva suparisuddhasilataya susukkam, visuddhasabhavataya 11- sabbassapi @Footnote: 1 cha.Ma. jhayatam 2 Si.,i. ettha ca 3 i. tihi sikhahi 4 Ma. bhinnakapinchehi @5 Ma. rajivattasamkasaya 6 Si. manunnanadataya, i. manunnarutataya @7 Si.,i. susuddhatambutipi 8 Si.,i. kammaniyabhavo, tam jhaya @9 Si.,i. sundaramanasassa 10 Si. yogavacarassa yam yam arammanupanijjhanavasena @ lakkhanupanijjhanavasena ca jhanam tam tam jhaya 11 Si. visuddhabhavataya--------------------------------------------------------------------------------------------- page515.
Sankilesassa gocarabhavanupagamanato sukkam, nipunananagocarataya nipunam, parama- gambhirataya sududdasam, panitabhavena setthabhavena ca uttamam, niccasabhavataya accutam padam tam nibbanam phusahi attapaccakkhakaranena 1- sammapatipattiya sacchikarohiti. Evam thero attanam ovadantova utusappayalabhena samahitacitato vipassanam ussukkapetva arahattam papuni. Tena vuttam apadane 2- :- "kanikaramva jalitam punnamayeva candimam jalantam diparukkhamva addasam lokanayakam. Kadaliya phalam gayha 3- adasim satthuno aham pasannacitto sumano vanditvana apakkamim. Ekatimse ito kappe yam phalamadadim tada duggatim nabhijanami phaladanassidam phalam. Kilesa jhapita mayham .pe. katam buddhassa sasanan"ti. Arahattam pana patva thero attano patipattim paccavekkhitva pitisomanassajato "nadanti mora"tiadina tayeva gatha paccudahasi. Tenassa idameva anna- byakaranam ahositi. Culakattheragathavnana nitthita. -------------The Pali Atthakatha in Roman Book 32 page 513-515. http://84000.org/tipitaka/atthapali/read_rm.php?B=32&A=11476&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=11476&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=303 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=6016 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6145 The Pali Tipitaka in Roman Character :- http://84000.org/tipitaka/read/roman_read.php?B=26&A=6145 Contents of The Tipitaka Volume 26 http://84000.org/tipitaka/read/?index_26
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]