|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
220. 3. Sihattheragathavannana sihappamatto viharati ayasmato sihattherassa gatha. Ka uppatti? so kira purimabuddhesu katadhikaro ito attharasakappasatamatthake 1- atthadassissa bhagavato kale candabhagaya nadiya tire kinnarayoniyam nibbattitva pupphabhakkho pupphanivasano hutva viharanto akasena gacchantam atthadassim bhagavantam disva pasannacitto pujetukamo anjalim paggayha atthasi. Bhagava tassa ajjhasayam natva akasato oruyha annatarasmim rukkhamule pallankena nisidi. Kinnaro candanasaram ghamsitva candanagandhena pupphehi ca pujam katva vanditva padakkhinam katva pakkami. So tena punnakammena devamanussesu samsaranto imasmim buddhuppade mallarajakule 2- nibbatti, tassa sihoti namam ahosi. So bhagavantam disva pasannamanaso vanditva ekamantam nisidi. Sattha tassa ajjhasayam oloketva dhammam kathesi. So dhammam sutva patiladdhasaddho pabbajitva kammatthanam gahetva aranne viharati. Tassa cittam nanarammane vidhavati, ekaggam na hoti, sakattham nipphadetum na sakkoti. Sattha tam disva akase thatva:- [83] "sihappamatto vihara rattindivamatandito bhavehi kusalam dhammam jaha sigham samussayan"ti gathaya ovadi. So gathavasane vipassanam vaddhetva arahattam papuni. Tena vuttam apadane 3- :- "candabhaganaditire ahosim kinnaro tada pupphabhakkho caham asim pupphanivasano tatha. 4- @Footnote: 1 Si. attharasadhikakappasatamatthake 2 Si. mallaratthe mallarajakule @3 khu.apa. 32/17/226 candanapujakattherapadana 4 Si. caham--------------------------------------------------------------------------------------------- page279.
Atthadassi tu bhagava lokajettho narasabho vipinaggena niyyasi hamsarajava ambare. Namo te purisajanna cittam te suvisodhitam pasannamukhavannosi vippasannamukhindriyo. Orohitvana akasa bhuripanno sumedhaso samghatim pattharitvana pallankena upavisi. Vilinam candanadaya agamasim jinantikam pasannacitto sumano buddhassa abhiropayim. Abhivadetvana sambuddham lokajettham narasabham pamojjam janayitvana pakkamim uttaramukho. Attharase kappasate candanam yam apujayim duggatim nabhijanami buddhapujayidam phalam. Catuddase kappasate ito asimsu te tayo 1- rohani nama namena cakkavatti mahabbala. Kilesa jhapita mayham .pe. katam buddhassa sasanan"ti. Ya pana 2- bhagavata ovadavasena vutta "sihappamatto"ti gatha, tattha sihati tassa therassa alapanam. Appamatto viharati satiya avippavasena pamadavirahito sabbiriyapathesu satisampajannayutto hutva viharahi. Idani tam appamadaviharam saha phalena sankhepato dassetum "rattindivan"tiadi vuttam. Tassattho:- rattibhagam divasabhaganca "cankamena nisajjaya avaraniyehi dhammehi cittam parisodheti"ti 3- vuttanayena catusammappadhanavasena atandito akusito araddhaviriyo kusalam samathavipassanadhammanca lokuttaradhammanca bhavehi uppadehi vaddhehi ca, evam bhavetva @Footnote: 1 Si. asimsu terasa 2 Si. ya panassa 3 sam.sala. 18/319/221 asivisavagga: @rathopamasutt(sya), an.tika. 20/16/109 apannakasutta, abhi.vi. 35/519/300 jhanavibhanga--------------------------------------------------------------------------------------------- page280.
Ca jaha sigham samussayanti tava samussayam attabhavam pathamam tava tappatibaddha- chandaragappahanena sigham 1- na cirasseva pajaha, evambhuto ca paccha carimakacittanirodhena anavasesato ca pajahissatiti. Arahattam pana patva thero annam byakaronto tameva gatham paccudahasiti. Sihattheragathavannana nitthita. -------------The Pali Atthakatha in Roman Book 32 page 278-280. http://84000.org/tipitaka/atthapali/read_rm.php?B=32&A=6191&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=6191&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=220 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5461 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5670 The Pali Tipitaka in Roman Character :- http://84000.org/tipitaka/read/roman_read.php?B=26&A=5670 Contents of The Tipitaka Volume 26 http://84000.org/tipitaka/read/?index_26
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]