|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
253. 6. Parapariyattheragathavannana
chaphassayatane hitvati ayasmato parapariyattherassa 2- gatha. Ka uppatti?
ayampi purimabuddhesu katadhikaro tattha tattha bhave punnani upacinanto
piyadassissa bhagavato kale nesadayoniyam nibbattitva tassa vinnutam pattassa
vicaranatthane annatarasmim vanasande piyadassi bhagava tam anugganhitum nirodhasamapattim
samapajjitva nisidi. So ca mige pariyesanto tam thanam gato sattharam disva
pasannamanaso bhagavantam anto katva katam sakhamandapam padumapupphehi kutagara-
karena sanchadetva ularam pitisomanassam patisamvedento sattaham namassamano
@Footnote: 1 pali. supupphite.....vappadese 2 Si. parasariyattherassa
---------------------------------------------------------------------------------------------
page356.
Atthasi. Divase divase ca milatamilatani apanetva abhinavehi chadesi. Sattha
sattahassa accayena nirodhato vutthahitva bhikkhusamgham anussari. Tavadeva asiti-
sahassamatta bhikkhu sattharam parivaresum. "madhuradhammakatham sunissama"ti devata
sannipatimsu, mahasamagamo 1- ahosi. Sattha anumodanam karonto tassa devamanussesu
bhavinim sampattim imasmim buddhuppade savakabodhim ca byakaritva pakkami. So
tena punnakammena devamanussesu samsaranto imasmim buddhuppade rajagahe brahmana-
kule nibbattitva vinnutam patto tinnam vedanam paragu hutva paraparagottataya
parapariyoti 2- laddhasamanno bahu brahmane mante vacento satthu rajagahagamane
buddhanubhavam disva patiladdhasaddho pabbajitva vipassanaya kammam karonto
na cirasseva arahattam papuni. Tena vuttam apadane 3- :-
"piyadassi nama bhagava sayambhu lokanayako
vivekakamo sambuddho samadhikusalo muni.
Vanasandam samoggayha piyadassi mahamuni
pamsukulam pattharitva nisidi purisuttamo.
Migaluddho pure asim aranne 4- kanane aham
pasadam migamesanto 5- ahindami aham tada.
Tatthaddasasim sambuddham oghatinnamanasavam
pupphitam salarajamva sataramsimva uggatam.
Disvanaham devadevam piyadassim mahayasam
jatassaram samoggayha padumam aharim tada.
Aharitvana padumam satapattam manoramam
kutagaram karitvana chadayim padumenaham.
@Footnote: 1 cha.Ma. maha samagamo 2 Si. parasariyoti 3 khu.apa. 32/353/458
@ padumakutagarikattherapadana 4 Si. vipine 5 Si. pasutam migamesanto
---------------------------------------------------------------------------------------------
page357.
Anukampako karuniko piyadassi mahamuni
sattarattindivam buddho kutagare vasi jino.
Puranam chaddayitvana navena chadayim aham
anjalim paggahetvana atthasim tavade aham.
Vutthahitva samadhimha piyadassi mahamuni
disam anuvilokento nisidi lokanayako.
Tada sudassano nama upatthako mahiddhiko
cittamannaya buddhassa piyadassissa satthuno.
Asitiya sahassehi bhikkhuhi parivarito
vanante sukhamasinam upesi lokanayakam.
Yavata vanasandamhi adhivattha ca devata
buddhassa cittamannaya sabbe sannipatum tada.
Samagatesu yakkhesu kumbhande saharakkhase
bhikkhusamghe ca sampatte gatha pabyahari 1- jino.
Yo mam sattaham pujesi avasanca akasi me
tamaham kittayissami sunatha 2- mama bhasato.
Sududdasam sunipunam gambhiram suppakasitam
nanena kittayissami sunatha 2- mama bhasato.
Catuddasani kappani devarajjam karissati
kutagaram mahantassa padumapupphehi chaditam.
Akase dharayissati pupphakammassidam phalam
catubbise kappasate vokinnam samsarissati.
Tattha pupphamayam byamham akase dharayissati
@Footnote: 1 Si. gathayo byahari 2 Si. sunotha
---------------------------------------------------------------------------------------------
page358.
Yatha padumapattamhi toyam na upalimpati.
Tathevimassa nanamhi kilesa nopalimpare
manasa vinivattetva panca nivarane ayam.
Cittam janetva nekkhamme agara pabbajissati
tato pupphamaye byamhe dharente nikkhamissati.
Rukkhamule vasantassa nipakassa satimato
tattha pupphamayam byamham matthake dharayissati.
Civaram pindapatanca paccayam sayanasanam
daditva 1- bhikkhusamghassa nibbayissatinasavo.
Kutagarena carata 2- pabbajjam abhinikkhamim
rukkhamule vasantampi kutagaram dhariyati.
Civare pindapate ca cetana me na vijjati
punnakammena samyutto labhami parinitthitam.
Gananato asankheyya kappakoti bahu mama
rittaka te atikkanta pamutta lokanayaka.
Attharase kappasate piyadassi vinayako
tamaham payirupasitva imam yonim upagato.
Tamaddasami 3- sambuddham anomam nama cakkhumam
tamaham upagantvana pabbajim anagariyam.
Dukkhassantakaro buddho saddhamme 4- desayi jino
tassa dhammam sunitvana pattomhi acalam padam.
Tosayitvana sambuddham gotamam sakyapungavam
sabbasave parinnaya viharami anasavo.
@Footnote: 1 cha.Ma. datvana 2 Si. kutagareva dharana 3 cha.Ma. idha passami 4 cha.Ma. maggam me
---------------------------------------------------------------------------------------------
page359.
Attharase kappasate yam buddhamabhipujayim
duggatim nabhijanami buddhapujayidam phalam.
Kilesa jhapita mayham .pe. katam buddhassa sasanan"ti.
Arahattam pana patva attano patipattim paccavekkhitva sanjatasomanasso
udanavasena:-
[116] "../../bdpicture/chaphassayatane hitva guttadvaro susamvuto
aghamulam vametvana 1- patto me asavakkhayo"ti
gatham abhasi.
Tattha chaphassayatane hitvati cakkhusamphassadinam channam samphassanam
uppattitthanataya "phassayatanani"ti laddhanamani cakkhadini cha ajjhattikayatanani
tappatibaddhasankilesappahanavasena pahaya. Guttadvaro susamvutoti tatoeva cakkhu-
dvaradinam guttatta, tattha pavattanakaram abhijjhadinam papadhammanam pavesananivaranena
satikavatena sutthu pihitatta guttadvaro susamvuto. Athava manacchatthanam
channam dvaranam vuttanayena rakkhitatta guttadvaro, kayadihi sutthu sannatatta
susamvutoti evamettha attho veditabbo. Aghamulam vametvanati aghassa vattadukkhassa
mulabhutam avijjabhavatanhasankhatam dosam, sabbam va kilesadosam ariyamaggasankhata-
vamanayogapanena 2- uggiritva santanato bahi katva, bahikaranahetu va. Patto
me asavakkhayoti kamasavadayo asava ettha khiyanti, tesam va khayena pattabboti
asavakkhayo, nibbanam arahattanca. So asavakkhayo patto adhigatoti udanavasena
annam byakasi.
Parapariyattheragathavannana nitthita.
@Footnote: 1 cha.Ma. vamitva 2 Ma......vamanayogapadanena
The Pali Atthakatha in Roman Book 32 page 355-359.
http://84000.org/tipitaka/atthapali/read_rm.php?B=32&A=7920&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=32&A=7920&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=26&i=253
เนื้อความพระไตรปิฎกฉบับหลวง :-
http://84000.org/tipitaka/read/r.php?B=26&A=5639
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=26&A=5813
The Pali Tipitaka in Roman Character :-
http://84000.org/tipitaka/read/roman_read.php?B=26&A=5813
Contents of The Tipitaka Volume 26
http://84000.org/tipitaka/read/?index_26
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]