|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
432. 3. Aparauttamatherigathavannana 2-
ye ime satta bojjhangatiadika aparaya uttamaya theriya gatha.
Ayampi purimabuddhesu katadhikara tattha tattha bhave vivattupanissayam kusalam
upacinanti vipassissa bhagavato kale bandhumatinagare kuladasi hutva nibbatti. Sa
@Footnote: 1 Ma. avirajetva, i. virajetva 2 ka. annataRa...
---------------------------------------------------------------------------------------------
page63.
Ekadivasam satthusavakam ekam khinasavattheram pindaya carantam disva pasannamanasa
tini modakani adasi. Sa tena punnakammena devamanussesu samsaranti imasmim
buddhuppade kosalajanapade annatarasmim brahmanamahasalakule nibbattitva vinnutam
patta janapadacarikam carantassa satthu santike dhammam sutva patiladdhasaddha pabbajitva
nacirasseva saha patisambhidahi arahattam papuni. Tena vuttam apadane 1-:-
"nagare bandhumatiya kumbhadasi ahosaham
mama bhagam gahetvana gaccham udakaharika.
Panthamhi samanam disva santacittam samahitam
pasannacitta sumana modake tinidasaham.
Tena kammena sukatena cetanapanidhihi ca
ekanavutikappani vinipatam na gacchaham. 2-
Sampattinca 3- karitvana sabbam anubhavim aham
modake tini datvana pattaham acalam padam.
Kilesa jhapita mayham .pe. Katam buddhassa sasanan"ti.
Arahattam pana patva attano patipattim paccavekkhitva udanavasena:-
[45] "ye ime satta bojjhanga magga nibbanapattiya
bhavita te maya sabbe yatha buddhena desita.
[46] Sunnatassanimittassa labhiniham yadicchakam
orasa dhita buddhassa nibbanabhirata sada.
[47] Sabbe kama samucchinna ye dibba ye ca manusa
vikkhino jatisamsaro natthi dani punabbhavo"ti
ima gatha abhasi.
@Footnote: 1 khu.apa. 33/30/301 2 aganchaham (sya) 3 cha.Ma. sampatti tam
---------------------------------------------------------------------------------------------
page64.
Tattha sunnatassanimittassa, labhiniham yadicchakanti sunnatasamapattiya ca
animittasamapattiya ca aham yadicchakam labhini, tattha yam yam samapajjitum icchami
yattha yattha yada yada, tam tam tattha tattha tada tada samapajjitva viharamiti
attho. Yadipi hi sunnatappanihitadinamakassa yassa kassacipi maggassa sunnatadibhedam
tividhampi phalam sambhavati. Ayam pana theri sunnatanimittasamapattiyova samapajjati.
Tena vuttam "sunnatassanimittassa, labhiniham yadicchakan"ti. Yebhuyyavasena va etam
vuttam. Nidassanamattametanti apare.
Ye dibba ye ca manusati ye devalokapariyapanna ye ca manussaloka-
pariyapanna vatthukama, te sabbepi tappatibaddhachandaragappahanena maya sammadeva
ucchinna, aparibhogaraha kata. Vuttanhi "abhabbo avuso khinasavo bhikkhu
kame paribhunjitum, seyyathapi pubbe agariyabhuto"ti. Sesam vuttanayameva.
Aparauttamatherigathavannana nitthita.
--------------------
The Pali Atthakatha in Roman Book 34 page 62-64.
http://84000.org/tipitaka/atthapali/read_rm.php?B=34&A=1329&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=34&A=1329&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=26&i=432
เนื้อความพระไตรปิฎกฉบับหลวง :-
http://84000.org/tipitaka/read/r.php?B=26&A=9063
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=26&A=9121
The Pali Tipitaka in Roman Character :-
http://84000.org/tipitaka/read/roman_read.php?B=26&A=9121
Contents of The Tipitaka Volume 26
http://84000.org/tipitaka/read/?index_26
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]