AtthaPali Vol.36

6. Kancanakkhandhajatakam yo pahatthena cittenati idam sattha jetavane viharanto annataram bhikkhum arabbha kathesi. Eko kira savatthivasi kulaputto satthu dhammadesanam sutva ratanasasane uram datva pabbaji. Athassa acariyupajjhaya avuso ekavidhena silannama duvidhena tividhena catuvidhena pancavidhena chabbidhena sattavidhena atthavidhena navavidhena dasavidhena bahuvidhena silannama idam culasilannama idam majjhimasilannama idam mahasilannama idam patimokkhasamvarasilannama idam indriyasamvarasilannama idam ajivaparisuddhisilannama idam paccayapatisevanasilannamati silam acikkhanti. So cintesi idam silannama atibahum aham ettakam samadaya vattitum na sakkhissami silam puretum asakkontassa ca nama pabbajjaya ko attho aham gihi hutva danadini punnani karissami puttadaranca posessamiti evam pana cintetva bhante aham silam

--------------------------------------------------------------------------------------------- page62.

Rakkhitum na sakkhissami asakkontassa pabbajjaya ko attho aham hinayavatatissami tumhakam pattacivaram ganhathati aha. Atha nam acariyupajjhaya ahamsu avuso evam sante dasabalam vanditva yahiti. Te tam adaya satthu santikam dhammasabham agamamsu. Sattha tam disvava kim bhikkhave anatthikam bhikkhum adaya agatatthati aha. Bhante ayam bhikkhu aham silam rakkhitum na sakkhissamiti pattacivaram niyyadeti atha nam mayam gahetva agatati. Kasma pana tumhe bhikkhave imassa bhikkhuno bahum silam acikkhatha yattakam esa rakkhitum sakkoti tattakameva rakkhissati ito patthaya tumhe etam ma kinci avacuttha ahameva kattabbam janissamiti ehi tvam bhikkhu kim te bahuna silena tiniyeva silani rakkhitum na sakkhissasiti. Sakkhissami bhanteti. Tenahi tvam ito patthaya kayadvaram vacidvaram manodvaranti tini dvarani rakkha ma kayena papakammam kari ma vacaya ma manasa gaccha ma hinayavatta imani tiniyeva silani rakkhati. Ettavata so bhikkhu tutthamanaso sadhu bhante rakkhissami imani tini silaniti sattharam vanditva acariyupajjhayehi saddhimyeva agamasi. So tani tini silani purentova annasi acariyupajjhayehi mayham acikkhitam silampi ettakameva te pana attano abuddhabhavena mam bujjhapetum nasakkhimsu sammasambuddho attano buddhasubuddhataya anuttaradhammarajataya ettakam silam tisuyeva dvaresu pakkhipitva mam ganhapesi

--------------------------------------------------------------------------------------------- page63.

Avassayo vata me sattha jatoti vipassanam vaddhetva katipaheneva arahatte patitthasi. Tam pavuttim natva dhammasabhayam sannipatitva bhikkhu avuso tam kira bhikkhum silani rakkhitum na sakkomiti hinayavattantam sabbasilani tihi kotthasehi sankhipitva gahapetva sattha arahattam papesi aho buddha nama acchariyamanussati buddhagune kathenta nisidimsu. Sattha agantva kaya nuttha bhikkhave etarahi kathaya sannisinnati pucchitva imaya namati vutte na bhikkhave idaneva atigarukopi bharo kotthasavasena bhajetva dinno lahuko viya hoti pubbepi pandita mahantam kancanakkhandham labhitva ukkhipitum asakkontapi vibhagam katva ukkhipitva agamamsuti vatva atitam ahari. Atite baranasiyam brahmadatte rajjam karente bodhisatto ekasmim gamake kasako ahosi. So ekadivasam annatarasmim chadditagamakkhette kasim kasati. Pubbepi tasmim game eko vibhavasampanno setthi urumattaparimanam catuhatthayamam kancanakkhandham nidahitva kalamakasi. Tasmim bodhisattassa nangalam laggitva atthasi. So mulasantanakam bhavissatiti pamsum viyuhanto tam disva pamsuna paticchadetva divasam kasitva atthangate suriye yuganangaladini ekamante nikkhipitva kancanakkhandham ganhitva gacchissamiti tam ukkhipitum nasakkhi asakkonto nisiditva ettakam kucchibharanaya bhavissati ettakam nidahitva thapessami ettakena kammante

--------------------------------------------------------------------------------------------- page64.

Payojessami ettakam danadipunnakiriyaya bhavissatiti cattaro kotthase akasi. Tassevam vibhattakale so kancanakkhandho sallahuko viya ahosi. So tam ukkhipitva gharam netva catuddha vibhajitva danadini punnani katva yathakammangato. Iti bhagava imam dhammadesanam aharitva abhisambuddho hutva imam gathamaha yo pahatthena cittena pahatthamanaso naro bhaveti kusalam dhammam yogakkhemassa pattiya papune anupubbena sabbasamyojanakkhayanti. Tattha pahatthenati vinivaranena. Pahatthamanasoti tayaeva vinivaranataya pahatthamanaso suvannam viya pahamsitva samujjotitasappabhasakkatacitto hutvati attho. Evam sattha arahattanikutena desanam nitthapetva anusandhim ghatetva jatakam samodhanesi tada kancanakkhandhaladdhapuriso ahameva ahositi. Kancanakkhandhajatakam chattham. ------------

The Pali Atthakatha in Roman Book 36 page 61-64. http://84000.org/tipitaka/atthapali/read_rm.php?B=36&A=1213&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=1213&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=56 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=369 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=363 The Pali Tipitaka in Roman Character :- http://84000.org/tipitaka/read/roman_read.php?B=27&A=363 Contents of The Tipitaka Volume 27 http://84000.org/tipitaka/read/?index_27