|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
10 Mahapingalajatakam
sabbo janoti idam sattha jetavane viharanto devadattam
arabbha kathesi.
Devadatte satthari aghatam bandhitva navamasaccayena jetavane
dvarakotthake pathaviyam nimmugge savatthivasino ca sakalaratthavasino
ca buddhapatikantako 1- devadatto pathaviya gilito, nihatapaccamitto
@Footnote: 1 patikandakotipi .pe.
---------------------------------------------------------------------------------------------
page320.
Idani sammasambuddho jatoti tutthahattha ahesum. Tesam sutva
paramparaghosena sakalajambudipavasino yakkhabhutadevagana ca tutthahattha
evameva ahamsu. Athekadivasam bhikkhu dhammasabhayam katham samutthapesum
avuso devadatte pathaviyam nimmugge buddhapatikantako devadatto
pathaviya gilitoti mahajano attamano jatoti. Sattha agantva
kayanuttha bhikkhave etarahi kathaya sannisinnati pucchitva imaya
namati vutte na bhikkhave idaneva devadatte mate mahajano tussati
ceva hasati ca, pubbepi tussati ceva hasati cati vatva atitam ahari.
Atite baranasiyam mahapingalo nama raja adhammena visamena
rajjam karesi, chandadivasena papakammani karonto dandabalijangha-
kahapanadigahanena ucchuyante ucchum viya mahajanam pilesi. So
kakkhalo pharuso sahasiko. Paresu anuddayamattampi namassa
natthi. Gehe itthinampi puttadhitanampi amaccabrahmanagahapatiadinampi
appiyo amanapo akkhimhi patitarajam viya bhattapinde sakkhara
viya panhim vijjhitva pavitthakantako viya ca ahosi. Tada
bodhisatto mahapingalassa putto hutva nibbatti. Mahapingalo
digharattam rajjam karetva kalamakasi. Tasmim kalakate
sakalabaranasivasino hatthatuttha mahahasitam hasitva darunam sakatasahassena
mahapingalam jhapetva anekehi ghatasahassehi alahanam nibbapetva
bodhisattam rajje abhisincitva dhammiko no raja laddhoti
hatthatuttha nagare ussavabherim carapetva samussitadhajapatakam nagaram
---------------------------------------------------------------------------------------------
page321.
Alankaritva dvaradvare mandapam karetva vippakinnalajakusuma-
manditatalesu alankatamandapesu nisiditva khadimsu ceva pivimsu ca.
Bodhisattopi alankatamahatale samussitasetachattassa pallankassa majjhe
mahayasam anubhavanto nisidi. Amacca ca brahmanagahapatika ca
ratthikadovarikadayo ca rajanam parivaretva atthamsu. Atheko
dovariko natidure thatva assasanto passasanto parodi.
Bodhisatto tam disvava samma dovarika mama pitari kalakate sabbe
tutthapahattha ussavam kilanta vicaranti, tvam pana rodamano thito
kim nu kho mama pita taveva piyo ahosi manapoti pucchanto pathamam
gathamaha
sabbo jano himsito pingalena,
tasmim mate paccayam vedayanti,
piyo nu te asi akanhanetto,
kasma nu tvam rodasi dvarapalati.
Tattha himsitoti nanappakarehi dandabaliadihi pilito.
Pingalenati pingalakkhena. Tassa kira dvepi akkhini nibbitthapingalani
bilalakkhivannani ahesum. Tenevassa pingaloti namam akamsu.
Paccayam vedayantiti pitiyo pavedayanti. Akanhanettoti pingalanetto.
Kasma nu tvanti kena karanena tvam rodasi. Atthakathayam
pana kasma tuvantipi patho.
---------------------------------------------------------------------------------------------
page322.
So tassa vacanam sutva naham mahapingalo matoti rodami,
sisam me sukham jatam, pingalaraja hi pasada otaranto ca arohanto
ca kammaramutthikaya hananto viya mayham sise atthattha khatake deti,
so paralokam gantvapi mama sise dadamano viya nirayapalanampi
yamassapi sise khatake dassati, atha nam te ativiya ayam amhe
badhatiti puna idheva anetva vissajjeyyum, atha me so punapi
sise khatake dadeyyati bhayena aham rodamiti imamattham pakasento
dutiyam gathamaha
na me piyo asi akanhanetto,
bhayami paccagamanaya tassa,
ito gato himseyya maccurajam,
so himsito aneyya puna idhati.
Atha nam bodhisatto so raja darunam sakatasahassena daddho
udakassa ghatasatehi parisitto, sapissa alahanabhumi samantato
parikkhitta, pakatiya ca paralokam gato nama annattha gatova,
so puna teneva sarirena na agacchati, ma tvam bhayiti tam
samassasento imam gathamaha
daddho vahasahassehi sitto ghatasatehi so,
parikkhitta ca sa bhumi, ma bhayi, nagamissatiti.
---------------------------------------------------------------------------------------------
page323.
Tato patthaya dovariko assasam patilabhi. Bodhisatto
dhammena rajjam karetva danadini punnani katva yathakammam
gato.
Sattha imam dhammadesanam aharitva jatakam samodhanesi.
Tada mahapingalo devadatto ahosi, putto pana ahamevati.
Mahapingalajatakam dasamam.
Upahanavaggo navamo.
-----------
---------------------------------------------------------------------------------------------
page324.
@Footnote:
@*** hanranir m+mikhramula ***
The Pali Atthakatha in Roman Book 37 page 319-324.
http://84000.org/tipitaka/atthapali/read_rm.php?B=37&A=6334&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=37&A=6334&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=27&i=329
เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=1865
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=1856
The Pali Tipitaka in Roman Character :-
http://84000.org/tipitaka/read/roman_read.php?B=27&A=1856
Contents of The Tipitaka Volume 27
http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]