AtthaPali Vol.38

Kacchapajatakam ko nu vaddhitabhattovati idam sattha jetavane viharanto kosalarajassa dvinnam mahamattanam kalahavupasamanam arabbha kathesi. Paccuppannavatthu dukanipate kathitameva. Atite pana baranasiyam brahmadatte rajjam karente bodhisatto kasikaratthe brahmanakule nibbattitva vayappatto takkasilayam sabbasippani ugganhitva kame pahaya isipabbajjam pabbajitva himavantappadese gangatire assamapadam mapetva tattha abhinna ca samapattiyo ca nibbattetva jhanakilam kilanto vasam kappesi. Imasmim kira jatake bodhisatto paramamajjhatto ahosi upekkhaparamim puresi. Tassa pannasaladvare nisinnassa eko pagabbho dussilamakkato agantva kannasotesu angajatena salakapavesanakammam karoti. Bodhisattopi avaretva majjhatto hutva nisidatiyeva. Athekadivasam eko kacchapo udaka uttaritva gangatire mukham vivaritva atapam tappento niddayati. Tam disva so lolavanaro tassa mukhe salakapavesanakammam akasi. Athassa kacchapo pabujjhitva angajatam samugge pakkhipanto viya damsi. Tassa balavavedana uppajji. Vedanam adhivasetum asakkonto ko nukho mam imamha dukkha moceyya kassa santikam gacchamiti cintetva anno mam imamha dukkha mocetum samattho nama natthi annatra tapasena Tapasasseva santikam maya yatum vattatiti kacchapam dvihi hatthehi ukkhipitva bodhisattassa santikam agamasi. Bodhisatto tena dussilamakkatena saddhim kelim karonto pathamam gathamaha ko nu vaddhitabhattova purahatthova brahmano kahannu bhikkham acari kam saddham upasankamiti. Tattha ko nu vaddhitabhattovati ko esa vaddhitabhatto viya ekam vaddhitakam bhattapurapatim hatthehi gahetva viya ko nu esa agacchatiti attho. Purahatthova brahmanoti kattikamase vacanakam labhitva punnahattho brahmano viya ko nukho esoti vanaram sandhaya vadati. Kahannu bhikkham acariti bho vanara kasmim padese ajja tvam bhikkham acari. Kam saddham upasankamiti kataram nama pubbe pete uddissa katam saddhabhattam va kataram va saddham puggalam tvam upasankami kuto te ayam deyyadhammo laddhoti dipeti. Tam sutva dussilavanaro dutiyam gathamaha aham kapismi dummedho anamasani amasim tvam mam moceyya bhaddante mutto gaccheyya pabbatanti. Tattha aham kapismi dummedhoti bhaddante aham asmi dummedho calacitto makkato. Anamasani amasinti anamasitabbatthanani amasim. Tvam mam moceyya bhaddanteti yo tvam dayalu anukampako mam imamha dukkha mocesi bhaddam te hotu. Mutto gaccheyya pabbatanti soham tavanubhavena imamha byasana mutto pabbatameva Gaccheyyam na puna te cakkhupathe attanam dasseyyanti. Bodhisatto makkatasmim karunnena kacchapena saddhim sallapanto tatiyam gathamaha kacchapa kassapa honti kondanna honti makkata munca kassapa kondannam katam methunakam tayati. Tassattho kacchapa nama kassapagotta honti makkata kondannagotta honti kassapakondannanam ca annamannam avahavivahasambandho atthi addha tayidam lolena makkatena taya saddhim taya va dussilena imina makkatena saddhim gottasadisasankhatassa methunadhammassa anucchavikam dussilakammasankhatam methunakammam katam tasma munca kassapa kondannanti. Kacchapo bodhisattassa vacanam sutva karanena pasanno vanarassa angajatam munci. Makkato muttamattova bodhisattam vanditva palato puna tam thanam nivattitvapi na olokesi. Kacchapopi bodhisattam vanditva attano vasanatthanameva gato. Bodhisattopi aparihinajjhano brahmalokaparayano ahosi. Sattha imam dhammadesanam aharitva saccani pakasetva jatakam samodhanesi tada kacchapavanara dve mahamatta ahesum tapaso pana ahamevati. Kacchapajatakam tatiyam --------

The Pali Atthakatha in Roman Book 38 page 107-109. http://84000.org/tipitaka/atthapali/read_rm.php?B=38&A=2223&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=2223&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=418 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2261 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2230 The Pali Tipitaka in Roman Character :- http://84000.org/tipitaka/read/roman_read.php?B=27&A=2230 Contents of The Tipitaka Volume 27 http://84000.org/tipitaka/read/?index_27