บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
manisukarajatakam dariya satta vassaniti idam sattha jetavane viharanto sundarisamagamam 2- arabbha kathesi. Tena kho pana samayena bhagava sakkato hoti garukato manito pujito apacito labhi civarapindapatasenasanagilanapaccayabhesajjaparikkharanam. @Footnote: 1 setthibhariyam punnalakkhanadevim . 2 sundarimaranam. Bhikkhusanghopi kho sakkato hoti garukato .pe. Parikkharanam. Annatitthiya pana paribbajaka na sakkata honti na garukata amanita apujita .pe. Parikkharanam. Bhagavato kira bhikkhusanghassa pancannam mahanadinam mahoghasadise labhasakkare uppanne hatalabhasakkara annatitthiya suriyuggamanakale khajjopanaka viya nippabha hutva (te) ekato sannipatitva mantayimsu mayam samanassa gotamassa uppannakalato patthaya hatalabhasakkara na no koci atthibhavampi janati samano gotamo labhayasaggappatto jato kena nukho saddhim ekato hutva samanassa gotamassa avannam uppadetva labhasakkaramassa antaradhapeyyamati. Atha nesam etadahosi sundariya saddhim ekato hutva sakkunissamati. Te ekadivasam sundarim titthiyaramam pavisitva vanditva thitam nalapimsu. Sa punappunam sallapantipi pativacanam alabhitva api nu ayya kenaci vihethitati pucchi. Kim bhagini samanam gotamam amhe vihethetva hatalabhasakkare katva vicarantam na passasiti. Sa evamaha maya ettha kim katum vattatiti. Tvam khosi bhagini abhirupa sobhaggappatta samanassa gotamassa ayasam aropetva mahajanam tava vacanam gahapetva hatalabhasakkaram karohiti. Sa sadhuti sampaticchitva vanditva pakkanta tato patthaya malagandhavilepanakappurakatukaphaladini gahetva sayam mahajanassa satthu dhammadesanam sutva nagaram pavisanakale jetavanabhimukhi gacchati kaham gacchasiti ca puttha Samanassa gotamassa santikam aham hi tena saddhim ekagandhakutiyam vasamiti vatva annatarasmim titthiyarame vasitva patova jetavanamaggam otaritva nagarabhimukhi gacchati kim sundari kaham gatasiti ca puttha samanena gotamena saddhim ekagandhakutiyam vasitva tam kilesaratiya ramapetva agatamhiti vadati. Atha nam katipahaccayena dhuttanam kahapane datva gacchatha sundarim maretva samanassa gotamassa gandhakutiya samipe malakacavarantare nikkhipitva ethati vadimsu. Te tatha karimsu. Tato titthiya sundarim na passamati kolahalam katva ranno arocetva kaham vo asankati vutta imesu divasesu jetavane vasati tatrassa pavuttim na janamati vatva tenahi gacchatha nam vicinathati ranna anunnata attano upatthakajanam gahetva jetavanam gantva vicinanta malakacavarantare sundarim disva tam mancake aropetva nagaram pavesetva samanassa gotamassa savaka satthara katam papakammam paticchadessamati sundarim maretva malakacavarantare nikkhipimsuti ranno arocayimsu. Raja tenahi gacchatha nagaram ahindathati aha. Te nagaravithisu passatha samananam sakyaputtiyanam kammanti adina 1- vicaritva puna ranno nivesanadvaram agamimsu. Raja sundariya sariram amakasusane mancakam 2- aropetva rakkhapesi. Savatthivasino thapetva ariyasavake sesa yebhuyyena passatha samananam sakyaputtiyanam @Footnote: 1 adini . 2 attakam. Kammanti adini vatva antonagare ca bahinagare ca bhikkhu akkosanta vicaranti. Bhikkhu tam pavuttim tathagatassa arocesum. Sattha tenahi tumhepi te manusse evam paticodethati abhutavadi nirayam upeti yo vapi katva na karomiti aha ubhopi te pecca sama bhavanti nihinakamma manuja paratthati imam gathamaha. Raja sundariya annehi maritabhavam janathati purise payojesi. Atha tepi kho dhutta tehi kahapanehi suram pivanta annamannam kalaham karonti. Tattheko evamaha tvam sundarim ekappahareneva maretva malakacavarantare nikkhipitva tato laddhakahapanehi suram pivasiti. Rajapurisa te dhutte gahetva ranno dassesum. Atha te raja tumhehi maritati pucchi. Ama devati. Kena marapitati. Annatitthiyehi devati. Raja titthiye pakkosapetva sundarim ukkhipapetva gacchatha tumhe evam vadanta nagaram ahindatha ayam sundari samanassa gotamassa avannam aropetukamehi amhehi marapita neva samanassa gotamassa savakanam doso atthi amhakam dosoti. Te tatha akamsu. Tada balamahajano saddahi. Titthiyapi purisavadhadandena pilita 1-. Tato patthaya buddhanam sakkaro @Footnote: 1 palibuddha. paribuddha. Mahantataro ahosi. Athekadivasam bhikkhu dhammasabhayam katham samutthapesum avuso titthiya buddhanam kalakabhavam uppadessamati sayam kalaka jata buddhanam pana mahantataro labhasakkaro udapaditi. Sattha agantva kayanuttha bhikkhave etarahi kathaya sannisinnati pucchitva imaya namati vutte na bhikkhave sakka buddhanam sankilesam uppadetum buddhanam sankilitthabhavakaranam nama jatimanino kilitthabhavakaranasadisam pubbe jatimanim kilittham karissamati vayamantapi nasakkhimsu kilitatham katunti vatva tehi yacito atitam ahari. Atite baranasiyam brahmadatte rajjam karente bodhisatto ekasmim gamake brahmanakule nibbattitva vayappatto kamesu adinavam disva nikkhamitva himavantappadese tisso pabbatarajiyo atikkamitva tapaso hutva pannasalayam vasi. Tassa avidure maniguha ahosi. Tattha timsamatta sukara vasanti. Guhaya avidure eko siho carati. Tassa manimhi chaya pannayati. Sukara sihacchayam disva bhita utrasa appamamsalohita ahesum. Te imassa manino vippasannatta ayam chaya pannayati imam manim sankilittham vivannam karomati cintetva avidure ekam saram gantva kalale vattetva agantva tam manim ghamsenti. So sukaralomehi ghamsiyamano suddhakasatalo viya vippasannataro ahosi. Sukara upayam apassanta imassa manino vivannakaranupayam tapasam pucchissamati bodhisattam upasankamitva vanditva ekamantam thita Purima dve gatha udaharimsu dariya satta vassani timsamatta vasamase hannama manino abham iti no mantitam ahu yavata mani ghamsama bhiyyo vodayate mani idancidani pucchama kim kiccam idha mannasiti. Tattha dariyati maniguhaya. Vasamaseti vasama. Hannamati hanissama mayampi vivannam karissama. Idancidani pucchamati idani mayam kena karanena ayam mani kilisiyamano vodayateti idam tam pucchama. Kim kiccam idha mannasiti imasmim atthe tvam imam kiccam kinti mannasi. Atha nesam acikkhanto bodhisatto tatiyam gathamaha ayam mani veluriyo akaco vimalo subho nassa sakka sirim hantum apakkamatha sukarati. Tattha akacoti akakkaso. Subhoti sobhano. Sirinti pabham. Apakkamathati imassa manissa pabham vinasetum na sakka tumhe pana imam maniguham pahaya annattha gacchathati. Te tassa katham sutva tatha karimsu. Bodhisatto jhanam uppadetva ayuhapariyosane brahmalokaparayano ahosi. Sattha imam dhammadesanam aharitva jatakam samodhanesi tada tapaso ahamevati. Manisukarajatakam pancamam ----------The Pali Atthakatha in Roman Book 38 page 175-180. http://84000.org/tipitaka/atthapali/read_rm.php?B=38&A=3659&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=3659&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=454 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2405 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2373 The Pali Tipitaka in Roman Character :- http://84000.org/tipitaka/read/roman_read.php?B=27&A=2373 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]