AtthaPali Vol.38

nanachandajatakam nanachanda maharajati idam sattha jetavane viharanto ayasmato anandassa atthavaralabham arabbha kathesi. Vatthu ekadasanipate junhajatake avibhavissati. Atite pana bodhisatto baranasiyam brahmadatte rajjam karente tassa aggamahesiya kucchimhi nibbattitva vayappatto takkasilayam sabbasippani ugganhitva pitu accayena rajjam papuni. Tassa thanato apanito pitu purohito atthi. So duggato hutva ekasmim jaragehe vasati. Athekadivasam bodhisatto annatakavesena

--------------------------------------------------------------------------------------------- page192.

Rattibhage nagaram parigganhanto vicarati. Tamenam katakammacora ekasmim surapane suram pivitva aparampi ghatenadaya attano geham gacchanta antaravithiyam disva are kosi tvanti vatva paharitva uttarasatakam gahetva tam ghatam ukkhipapetva tasenta gacchimsu. Sopikho brahmano tasmim khane nikkhamitva antaravithiyam thito nakkhattam oloketva ranno amittanam hatthagatabhavam natva brahmanim amantesi. Sa kim ayyati vatva vegena tassa santikam agata. Atha nam so aha bhoti amhakam raja amittanam vasam gatoti. Ayya kinte ranno santike pattayasa brahmana janissantiti. Raja brahmanassa saddam sutva thokam gantva dhutte aha duggatomhi sami uttarasangam gahetva visajjetha manti. Te punappunam kathentam karunnena visajjesum. So tesam vasanageham sallakkhetva nivatti. Atha puranakapurohito brahmanopi bhoti amhakam raja amittahatthato muttoti aha. Raja tampi sutva tasseva geham sallakkhetva pasadam abhiruhi. So vibhataya rattiya brahmane pakkosapetva kim acariya rattim nakkhattam olokayitthati pucchi. Ama devati. Sobhananti. Sobhanam devati. Koci gaho natthiti. Natthi devati. Raja asukagehato brahmanam pakkosathati puranakapurohitam pakkosapetva kimacariya rattim te nakkhattam ditthanti pucchi. Ama devati. Atthi koci gahoti. Ama maharaja ajja rattim tumhe

--------------------------------------------------------------------------------------------- page193.

Amittavasam gata muhutteneva muttati. Raja nakkhattajananakena nama evarupena bhavitabbanti sesabrahmane nikkaddhapetva brahmana pasannosmi te varam ganhahiti aha. Maharaja puttadarena saddhim mantetva ganhissamiti. Gaccha mantetva ehiti. So gantva brahmaninca puttanca sunisanca dasinca pakkositva raja me varam deti kim ganhamiti pucchi. Brahmani mayham dhenusatam aharati aha. Putto chattamanavo nama mayham kumudavannehi catuhi sindhavehi yuttaajannarathanti. Sunisa mayham manikundalam adim katva sabbalankaranti. Punna nama dasi mayham udukkhalanca musalanceva suppancati. Brahmano pana gamavaram gahetukamo ranno santikam gantva kim brahmana pucchito te puttadaroti puttho ama maharaja pucchito ^1- anekacchandoti vatva pathamam gathadvayamaha nanachanda maharaja ekagare vasamase aham gamavaram icche brahmani ca gavam satam putto ajannakam ratham kanna ca manikundalam ya cesa punnaka jammi udukkhalam abhikankhatiti. Tattha iccheti icchami. Gavam satanti khiradhenunam gunnam satam. Kannati sunisa. Ya cesati ya esa amhakam ghare punnaka nama dasi sa jammi lamika suppamusalehi saddhim udukkhalam @Footnote: ¹ na panekacchandoti.

--------------------------------------------------------------------------------------------- page194.

Abhikankhati icchatiti. Raja sabbesam icchitaicchitam dethati anapento gathamaha brahmanassa gamavaram brahmaniya gavam satam puttassa ajannakam ratham kannaya manikundalam yancetam punnakam jammim patipadetha udukkhalanti. Tattha yancetanti yam etam punnakanti vadati tam jammim udukkhalam patipadetha sampaticchadethati. Iti raja brahmanena patthitanca annanca mahantam yasam datva ito patthaya amhakam kattabbakiccesu ussukkamapajjati vatva brahmanam attano santike akasi. Sattha imam dhammadesanam aharitva jatakam samodhanesi tada brahmano anando ahosi raja pana ahamevati. Nanachandajatakam navamam ---------

The Pali Atthakatha in Roman Book 38 page 191-194. http://84000.org/tipitaka/atthapali/read_rm.php?B=38&A=3991&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=3991&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=466 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2451 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2416 The Pali Tipitaka in Roman Character :- http://84000.org/tipitaka/read/roman_read.php?B=27&A=2416 Contents of The Tipitaka Volume 27 http://84000.org/tipitaka/read/?index_27