AtthaPali Vol.38

kakatijatakam vati cayam tato gandhoti idam sattha jetavane viharanto

--------------------------------------------------------------------------------------------- page340.

Ekam ukkanthitabhikkhum arabbha kathesi. Tada hi sattha tam bhikkhum saccam kira tvam bhikkhu ukkanthitositi pucchitva saccam bhanteti vutte kasma ukkanthitositi. Kilesavasena bhanteti. Bhikkhu matugamo nama arakkhiyo na sakka rakkhitum poranakapandita pana pubbe matugamam samuddamajjhe simbalirukkhavimane ussapentapi rakkhitum nasakkhimsuti vatva atitam ahari. Atite baranasiyam brahmadatte rajjam karente bodhisatto tassa aggamahesiya kucchimhi nibbattitva vayappatto pitu accayena rajjam karesi. Kakati namassa aggamahesi ahosi abhirupa devacchara viya. Ayamettha sankhepattho. Vittharato pana atitavatthu kunalajatake avibhavissati. Tada paneko supannaraja manussavesenagantva ranna saha jutam kilanto kakatiya aggamahesiya patibaddhacitto tam adaya supannabhavanam netva taya saddhim abhirami. Raja devim apassanto natakuveram gandhabbam vicinahi nanti aha. So tam supannarajanam pariggahetva ekasmim sare erakavane nipajjitva tato supannassa gatakale pattantare nisiditva supannabhavanam patva pattantarato nikkhamitva taya saddhim kilesasamsaggam katva puna tasseva pattantare nisinno agantva supannassa ranna saha jutakilanakale attano vinam gahetva jutamandalam gantva ranno santike thito gitavasena pathamam gathamaha

--------------------------------------------------------------------------------------------- page341.

Vati cayam tato gandho yattha me vasati piya dure ito hi kakati yattha me nirato manoti. Tattha gandhoti tassa dibbagandhavilittaya sariragandho. Yattha meti yattha supannabhavane mama piya vasati tato imina saddhim katakayasamsaggaya tassa imassa kayena saddhim agato gandho vayatiti adhippayo. Dure itoti imamha thana dure. Hikaro nipatamatto. Kakatiti kakatidevi. Yattha meti yassa upari me mano nirato ratto. Tam sutva supannaraja dutiyam gathamaha katham samuddamatari katham atari kepukam katham satta samuddani katham simbalimaruhiti. Tassattho tvam imam jambudipasamuddam tassa purato kepukam nama nadim pabbatanresu thitani satta samuddani ca katham atari kena upayena tinno satta samuddani atikkamitva thitam amhakam bhavanam simbalirukkhanca katham aruhiti. Tam sutva natakuvero tatiyam gathamaha taya samuddamatarim taya atari kepukam taya satta samuddani taya simbalimaruhinti. Tattha tayati taya karanabhutena tava pattantare nisinno aham sabbametam akasinti attho. Tato supannaraja catuttham gathamaha

--------------------------------------------------------------------------------------------- page342.

Dhiratthu mam mahakayam dhiratthu mam acetanam yattha jayayaham jaram avahami vahami vati. Tattha dhiratthu manti attanam garahanto aha. Acetananti mahasarirataya lahubhavagarubhavassa ajananataya acetanam. Yatthati yasma. Idam vuttam hoti yasma aham attano jayaya jaram imam gandhabbam pattantare nisinnam anento avahami nento vahami tasma dhiratthu manti. So tam adaya netva rannova adasi puna na agamasi. Sattha imam dhammadesanam aharitva saccani pakasetva jatakam samodhanesi. Saccapariyosane ukkanthitabhikkhu sotapattiphale patitthahi. Tada natakuvero ukkanthitabhikkhu ahosi. Raja pana ahamevati. Kakatijatakam sattamam -----------

The Pali Atthakatha in Roman Book 38 page 339-342. http://84000.org/tipitaka/atthapali/read_rm.php?B=38&A=7060&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=7060&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=606 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2978 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2941 The Pali Tipitaka in Roman Character :- http://84000.org/tipitaka/read/roman_read.php?B=27&A=2941 Contents of The Tipitaka Volume 27 http://84000.org/tipitaka/read/?index_27