|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Baveruratthajatakam adassanena morassati idam sattha jetavane viharanto hatalabhasakkare titthiye arabbha kathesi. Titthiya hi anuppanne buddhe labhino ahesum. Uppanne pana buddhe hatalabhasakkara suriyuggamane jajjopanaka viya jata. Tesam tam pavuttim arabbha dhammasabhayam katham samutthapesum. Sattha agantva kayanuttha bhikkhave etarahi kathaya sannisinnati pucchitva imaya namati vutte na bhikkhave idaneva pubbepi yava gunavanto na uppajjanti tava nigguna labhayasaggappatta ahesum gunavantesu uppannesu nigguna hatalabhasakkarava jatati vatva atitam ahari. Atite baranasiyam brahmadatte rajjam karente bodhisatto morayoniyam nibbattitva vuddhimanvaya sobhaggappatto aranne vicari. Tada ekacce banija disakakam gahetva navaya baverurattham agamamsu. Tasmim kira kaleyeva baveruratthe sakuna nama natthi. Agatagata ratthavasino tam panjare 1- nisinnam disva passathimassa chavivannam galapariyosanam mukhatundakam manigulasadisani akkhiniti kakameva pasamsitva te banijake ahamsu imam ayya sakunam amhakam detha amhakampi imina attho tumhe attano ratthe annam labhissathati. Tenahi mulena ganhathati. Pancakahapanena @Footnote: 1 kupagge.--------------------------------------------------------------------------------------------- page386.
No dethati. Na demati. Anupubbena vaddhetva satena dethati vutte amhakam esa bahupakaro tumhehi pana saddhim metti hotuti kahapanasatam gahetva adamsu. Te tam netva suvannapanjare pakkhipitva nanappakarena macchamamsena ceva phalaphalena ca patijaggimsu. Annesam sakunanam avijjamanatthane dasahi asaddhammehi samannagato kako labhaggappatto ahosi. Puna vare te banija ekam mayurarajanam gahetva yatha accharasaddena vassati panippaharanasaddena naccati evam sikkhapetva baverurattham agamamsu. So mahajane sannipatite navaya dhure thatva pakkhe vidhunitva madhurassaram niccharetva naccati. Manussa tam disva somanassajata etam ayya sobhaggappattam susikkhitam sakunarajanam amhakam dethati ahamsu. Amhehi pathamam kako anito tam ganhittha idani ekam morarajanam anayimha etampi yacatha tumhakam ratthe sakunam nama gahetva agantum na sakkati. Hotu ayya attano ratthe annampi labhissatha imam no dethati mulam vaddhetva sahassena ganhimsu. Atha nam sattaratanavicitte panjare thapetva macchamamsaphalaphalehi ceva madhulajasakkharapanakadihi patijaggimsu. Mayuraraja labhagga yasaggappatto jato. Tassagatakalato patthaya kakassa labhasakkaro parihayi. Koci nam oloketumpi na icchi. Kako khadaniyabhojaniyam alabhamano ka kati vassanto gantva ukkarabhumiyam otarati.--------------------------------------------------------------------------------------------- page387.
Sattha dve vatthuni ghatetva abhisambuddho hutva ima gatha abhasi adassanena morassa sikhino manjubhanino kakam tattha apujesum mamsena ca phalena ca yada ca sarasampanno moro baverumagato atha labho ca sakkaro vayasassa ahayatha yava nuppajjati buddho dhammaraja pabhankaro tava anne apujesum puthu samanabrahmane yada ca sarasampanno buddho dhammam adesayi atha labho ca sakkaro titthiyanam ahayathati. Tattha sikhinoti sikhaya samannagatassa. Mankhubhaninoti madhurassarassa. Apujesunti apujayimsu. Phalena cati nanappakarena phalaphalena ca. Baverumagatoti baverurattham agato. Paveruntipi patho. Ahayathati parihino. Dhammarajati navahi lokuttaradhammehi parisam ranjetiti dhammaraja. Pabhankaroti sattaloka okasaloka sankharalokesu alokassa katatta pabhankaro. Sarasampannoti brahmassarena samannagato. Dhammam adesayiti catusaccadhammam pakasetiti. Iti ima catasso gatha bhasitva jatakam samodhanesi tada kako niggantho nataputto ahosi moraraja pana ahamevati. Baveruratthajatakam navamam -------------The Pali Atthakatha in Roman Book 38 page 385-387. http://84000.org/tipitaka/atthapali/read_rm.php?B=38&A=7997&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=7997&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=654 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=3148 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=3118 The Pali Tipitaka in Roman Character :- http://84000.org/tipitaka/read/roman_read.php?B=27&A=3118 Contents of The Tipitaka Volume 27 http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]