AtthaPali Vol.39

Vighasadajatakam susukham vata jivantiti idam sattha pubbarame viharanto kelisilake bhikkhu arabbha kathesi. Tesu hi mahamoggallanattherena pasadam kampetva samvejitesu dhammasabhayam bhikkhu tesam agunam kathenta nisidimsu. Sattha agantva kaya nuttha bhikkhave etarahi kathaya sannisinnati pucchitva imaya namati vutte na bhikkhave idaneva pubbepete kelisilakayevati vatva atitam ahari atite baranasiyam brahmadatte rajjam karente bodhisatto sakko ahosi. Athannatarasmim kasikagame satta bhataro kamesu dosam disva nikkhamitva isipabbajjam pabbajitva majjharanne vasanta yoge yogam akatva kayadalhibahula hutva nanappakaram kilam kilanta carimsu. Sakko devaraja ime samvejessamiti suko hutva tesam vasanatthanam agantva ekasmim rukkhe niliyitva te samvejento pathamam gathamaha Susukham vata jivanti ye jana vighasadino dittheva dhamme pasamsa samparaye ca suggatiti. Tattha vighasadinoti bhuttatirekam bhunjante sandhayaha. Dittheva dhammeti ye evarupa te dittheva dhamme pasamsa samparaye ca tesam sugati hoti. Sagge upapajjantiti adhippayena vadati. Atha tesu eko tassa vacanam sutva avasese amantetva dutiyam gathamaha sukassa bhasamanassa na nisametha pandita idam sunatha sodariya amhevayam pasamsatiti. Tattha bhasamanassati manusikaya vacaya bhanantassa. Na nisamethati na sunatha. Idam sunathati idamassa vacanam sunatha. Sodariyati samane udare vuddhabhavena so te alapanto aha. Atha te patikkhipanto suko tatiyam gathamaha naham tumhe pasamsami kunapada sunatha me ucchitthabhojino tumhe na tumhe vighasadinoti. Tattha kunapadati kunapakhadakati te alapati. Te tassa vacanam sutva sabbepi catuttham gathamahamsu sattavassa pabbajita majjharanne sikhindino vighaseneva yapenta mayam ce bhoto garayha ke nu bhoto pasamsitati. Tattha sikhindinoti culaya samannagata. Vighasenevati ettakam Kalam satta vassani sihabyagghavighaseneva yapenta yadi bhoto garayha atha ke nu bhoto pasamseyyati. Te lajjapento mahasatto pancamam gathamaha tumhe sihanam byagghanam balanancavasitthakam ucchittheneva yapenta mannimha vighasadinoti. Tattha balanancavasitthakanti sesabalamigananca avasitthakam ucchitthabhojanam. Tam sutva tapasa sace mayam na vighasada atha ke ca garahi ke vighasadati. Atha tesam so tamattham acikkhanto chattham gathamaha ye brahmanassa samanassa annassa ca vanibbino datvavasesam bhunjanti te jana vighasadinoti. Tattha vanibbinoti tam tam bhandam yacanakassa. Evam te lajjapetva mahasatto sakatthanameva gato. Sattha imam dhammadesanam aharitva jatakam samodhanesi tada te satta bhataro ime kelisilaka bhikkhu ahesum sakko pana ahamevati. Vighasadajatakam atthamam.

The Pali Atthakatha in Roman Book 39 page 109-111. http://84000.org/tipitaka/atthapali/read_rm.php?B=39&A=2170&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=39&A=2170&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=951 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=4212 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=4218 The Pali Tipitaka in Roman Character :- http://84000.org/tipitaka/read/roman_read.php?B=27&A=4218 Contents of The Tipitaka Volume 27 http://84000.org/tipitaka/read/?index_27