|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
9 Suparakajatakam.
Ummujjanti nimujjantiti idam sattha jetavane viharanto pannaparamim
arabbha kathesi.
Ekadivasam hi sayanhasamaye tathagatassa dhammam desetum nikkhamanam
agamayamana bhikkhu dhammasabhayam nisiditva avuso aho vata sattha
mahapanno puthupanno hasapanno javanapanno tikkhapanno
nibbedhikapanno tatra tatra upayaya pannaya samannagato vipulaya
pathavisamaya mahasamuddo viya gambhiraya akaso viya vitthinnaya
ca sakalajambudipasmim hi utthitapanho dasabalam atikkamitva gantum
samatthonama natthi yatha mahasamudde utthita ummi velam pattamattava
bhijjati evam na koci panho dasabalam atikkami satthu padamulam
patto bhijjatievati dasabalassa mahapannaparamim vannayanta
nisidimsu. Sattha agantva kayanuttha bhikkhave etarahi
kathaya sannisinnati pucchitva imayanamati vutte na bhikkhave
tathagato idaneva pannava pubbepi aparipakkananena pannavayeva
andhopi hutva mahasamudde udakasannaya imasmim samudde idamnama
ratananti annasiti vatva atitam ahari
atite kururatthe kururaja nama rajjam karesi. Bharukacchamnama
pattanagamo ahosi. Tada bodhisatto bharukacche niyamakajetthakassa
putto hutva nibbatti pasadiko suvannavanno.
Suparakakumarotissa namam karimsu. So mahantena parivarena vaddhanto
solasavassakaleyeva niyamakasippeyeva nipphattim patva aparabhage
pituaccayena niyamakajetthako hutva niyamakakammam akasi. Pandito
nanasampanno ahosi. Tena arulhanavaya byapattinama natthi.
Tassa aparabhage lonajalapahatani dvepi cakkhuni nassimsu. So tato
patthaya niyamakajetthako hutvapi niyamakakammam akatva rajanam nissaya
jivissamiti rajanam upasankami. Atha nam raja agghapaniyakamme
thapesi. So tato patthaya ranno hatthiratanaassaratananca
muttasaramanisaradini agghapesi. Athekadivasam ranno
mangalahatthi bhavissatiti kalapasanakutavannam ekam varanam anesum.
Tam disva raja panditassa dassethati aha. Atha nam tassa
santikam nayimsu. So hatthena tassa sariram parimajjitva nayam mangalahatthi
bhavitum anucchaviko paccha padehi vamanakadhatuko esa etamhi
mata vijayamana ankena paticchitum nasakkhi tasma bhumiyam patitva
pacchimapadehi vamanakadhatuko jatoti aha. Te hatthim gahetva
agate manusse pucchimsu. Te saccam pandito kathetiti vadimsu. Tam
karanam raja sutva hatthatuttho tassa attha kahapane dapesi.
Punekadivasam ranno mangalaasso bhavissatiti ekam assam anayimsu. Tampi
raja panditassa santikam pesesi. So tampi hatthena paramasitva
ayam mangalaasso bhavitum na yutto etassa hi jatadivaseyeva
mata mari tasma matu khiram alabhanto na samma vaddhitoti
Aha. Asse gahetva agatamanussa sapissa katha saccati
vadimsu. Tampi sutva raja tusitva attha kahapaneyeva dapesi.
Athekadivasam ranno mangalaratho bhavissatiti ratham anayimsu. Tampi
raja tassa santikam pesesi. So tam hatthena paramasitva ayam
ratho susirarukkhena kato tasma ranno na anucchavikoti aha.
Sapissa katha saccava ahosi. Raja tampi sutva tusitva
atthakahapane dapesi. Athassa mahaggham kambalaratanam aharimsu.
Tampi tasseva pesesi. Tampi hatthena paramasitva imassa musikacchinnam
ekam thanam atthiti aha. Sodhenta tam disva ranno arocesum.
Raja tam karanam sutva tusitva attheva kahapane dapesi. So
cintesi ayam raja evarupani acchariyani disva attha kahapane
dapesi imassa dayo nhapitadayo nhapitassa jatiko bhavissati
kim me evarupena rajupatthanena attano vasanatthanameva gamissamiti
so bharukacchapattanameva paccagami. Tasmim tattha vasante banija
navam sajjetva kam niyamakam karissamati mantetva suparakapanditena
arulhanava na byapajjati esa pandito upayakusalo andho
samanopi suparakapandito ca uttamoti tam upasankamitva niyamako
no hohiti vatva tata aham andho katham niyamakakammam karissamiti
vutte sami andhapi tumheyeva amhakam uttamati punappunam yacimsu.
Sadhu tata tumhehi aropitasannaya niyyamako bhavissamiti tesam
navam abhiruhi. Te navaya mahasamuddam pakkhandimsu. Nava
Satta divasani nirupaddava agamasi. Tato akalavatam uppatitam
uppajjati. Nava cattaro mase pakatisamuddapitthe caritvava
khuramalisamuddamnama patta. Tattha maccha manussasamanasarira khuranasa
udake ummujjanimmujjam karonti. Banija te disva mahasattam
tassa samuddassa namam pucchanta pathamam gathamahamsu
ummujjanti nimujjanti manussa khuranasika
suparakantam pucchama samuddo katamo ayanti.
Evam tehi puttho mahasatto attano niyamakasuttena samsandetva
dutiyam gathamaha
bharukaccha payatanam banijanam dhanesinam
navaya vippanatthaya khuramaliti vuccatiti.
Tattha payatananti bharukacchapattana nikkhamitva gacchantanam.
Dhanesinanti tumhakam banijanam dhanam pariyesantanam. Navaya
vippanatthayati tata tumhakam imaya videsam pakkhantaya navaya
kammakaranaya pakatisamuddam atikkamitva sampatto ayam samuddo
khuramaliti vuccatiti evametam pandita kathentiti.
Tasmim pana samudde vajiram ussannam hoti. So mahasatto
sacaham ayam vajirasamuddoti evam etesam kathessami lobhena bahum
vajiram gahetva navam osidapessantiti tesam anacikkhitvava navam
olambapetva upayeneva yottam gahetva macchagahananiyamena
jalam khipapetva vajirasaram uddharitva navaya pakkhipitva annam
Appaggham bhandam chaddapesi. Nava tam samuddam atikkamitva
purato aggimalimnama gata. So pajjalitaaggikkhandho viya
majjhantikasuriyo viya ca obhasam muncanto atthasi. Banija
yatha aggi suriyo ca samuddo patidissati
suparakantam pucchama samuddo katamo ayanti.
Gathaya tam pucchimsu. Puna mahasattopi nesam anantaragathaya
kathesi
bharukaccha payatanam banijanam dhanesinam
navaya vippanatthaya aggimaliti vuccatiti.
Tasmim pana samudde suvannam ussannam ahosi. Mahasattopi
purimanayeneva tatopi suvannam gahapetva navaya pakkhipapesi.
Navapi tam samuddam atikkamitva khiram viya dadhi viya ca obhasantam
dadhimalimnama samuddam papuni.
Banija
yatha dadhi ca khiranca samuddo patidissati
suparakantam pucchama samuddo katamo ayanti
imaya gathaya tassapi namam pucchimsu. Tesam mahasatto
anantaragathaya acikkhi
bharukaccha payatanam banijanam dhanesinam
navaya vippanatthaya dadhimaliti vuccatiti.
Tasmim pana samudde rajat ussannam hoti. Atha so tampi
Upayena gahapetva navaya pakkhipapesi. Nava tam samuddam
atikkamitva nilakusatinamviya sampannasassamiva ca obhasamanam nilavannam
kusamalimnama samuddam papuni. Banija
yatha kuso ca sasso ca samuddo patidissati
suparakantam pucchama samuddo katamo ayanti
gathaya tassapi namam pucchimsu. So anantaragathaya acikkhi
bharukaccha payatanam banijanam dhanesinam
navaya vippanatthaya kusamaliti vuccatiti.
Tasmim pana samudde nilamaniratanam ussannam ahosi. Sopi
nam upayena gahapetva navaya pakkhipapesi. Navapi tam samuddam
atikkamitva nalavanam viya veluvanam viya ca khayamanam nalamalimnama
samuddam papuni. Banija
yatha nalo ca velu ca samuddo patidissati
suparakantam pucchama samuddo katamo ayanti
gathaya tassapi namam pucchimsu. Mahasatto tam anantaragathaya
kathesi
bharukaccha payatanam banijanam dhanesinam
navaya vippanatthaya nalamaliti vuccatiti.
Tasmim pana samudde masaragallaveluriyam ussannam hoti. So
tampi upayena gahapetva navaya pakkhipapesi.
Aparo nayo naloti vicchikanalo kakkatakanalopi so
Rattavanno hoti. Veluti pana pavalassevetam namam so ca
samuddo pavalassa ussanno rattobhaso ahosi. Tasma yatha
nalo ca velu cati pucchimsu.
Mahasatto tato pavalam gahapesiti. Banija nalamalim
atikkamitva balavamukhasamuddamnama passimsu. Tattha udakam ukkujitva
sabbatobhagena uggacchati. Tasmim sabbatobhagena uggatam udakam
sabbatobhagena chinnatatamahasobbho viya pannayati ummiya uggataya
ekato papatasadisam hoti bhayajanano saddo uppajjati sotani
bhindanto viya hadayassa phalento viya ca. Tam disva banija
bhitatasita
mahabbhayo bhimsanako saddo suyyatamanuso
yatha sobbho papatova samuddo patidissati
suparakantam pucchama samuddo katamo ayanti
gathaya tassa namam pucchimsu.
Tattha suyyatamanusoti suyyati amanusso saddo.
Mahasatto
bharukaccha payatanam banijanam dhanesinam
navaya vippanatthaya balavamukhiti vuccatiti.
Bodhisatto anantaragathaya tassa namam acikkhitva tata
imam balavamukham samuddam patta nivattetum samatthanama nava natthi
ayam sampattanavam nimmujjapetva vinasam papetiti aha. Tanca
Navam satta manussasatani abhiruhimsu. Te sabbe maranabhayabhita
ekappahareneva avicimhi paccamanasatta viya atikalunam saram
muncayamana paridevimsu. Mahasatto thapetva mam anno etesam
sotthibhavam katum samatthonama natthi saccakiriyaya tesam sotthim
karissamiti cintetva te amantetva tata khippam mam gandhodakena
nhapetva ahatavatthani nivasapetva punnapatim sajjetva navaya
dhure thapethati. Te banija tatha karimsu. Mahasatto ubhohi
hatthehi punnapatim gahetva navaya dhure thito saccakiriyam karonto
osanagathamaha
yato sarami attanam yato pattosmi vinnutam
nabhijanami sancicca ekapanampi himsitum
etena saccavajjena sotthim nava nivattatuti.
Tattha yatoti yato patthaya aham attanam sarami yato
patthaya camhi vinnutam pattoti attho. Ekapanampi himsitunti
etthantare sancicca ekam kunthakipillikapanampi himsitum nabhijanami.
Desanamattamevetam. Bodhisatto pana tinasalakampi upadaya
annassa santakam na gahitapubbam lobhavasena paradaram na olokitapubbam
musa na bhasitapubba tinaggenapi majjam na pitapubbanti evam
panca silavasena saccakiriyam akasi. Katva ca pana punnapatiya
udakam navaya dhure abhisinci. Cattaro mase videsam pakkhanta
Nava nivattitva iddhima viya saccanubhavena ekadivaseneva
bharukacchapattanam agamasi. Gantva ca pana thale atthausabhamattam
thanam pakkhanditva navikassa gharadvareyeva atthasi. Mahasatto
tesam banijanam suvannarajatamanipavalavajirani bhajetva adasi.
Ettakehi vo ratanehi alam ma puna samuddam pavisathati tesam
ovadam datva yavajivam danadini punnani katva devapuram puresi.
Sattha imam dhammadesanam aharitva evam bhikkhave pubbepi
tathagato mahapannoyevati vatva jatakam samodhanesi tada
andhaparisa buddhaparisa ahesum suparakapandito pana ahamevati.
Suparakajatakam navamam.
Ekadasanipatavannana nitthita.
--------------------
The Pali Atthakatha in Roman Book 40 page 66-74.
http://84000.org/tipitaka/atthapali/read_rm.php?B=40&A=1327&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=40&A=1327&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=27&i=1588
เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=6340
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=6533
The Pali Tipitaka in Roman Character :-
http://84000.org/tipitaka/read/roman_read.php?B=27&A=6533
Contents of The Tipitaka Volume 27
http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]