|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
2 Bhaddasalajatakam.
Ka tvam suddhehi vatthehiti idam sattha jetavane viharanto
natatthacariyam arabbha kathesi.
Savatthiyam hi anathapindikassa nivesane pancannam bhikkhusatanam
nibaddham bhojanam pavattati tatha visakhaya ca kosalaranno ca.
Tattha pana kincapi nanaggarasabhojanam diyati. Bhikkhunam panettha koci
vissasiko natthi tasma bhikkhu rajanivesane na bhunjanti. Te
bhattam gahetva anathapindikassa va visakhaya va annesam va
vissasikanam gharam gantva bhunjanti. Raja ekadivasam pannakaram
abhatam bhikkhunam dethati bhattaggam pesetva bhattagge bhikkhu natthiti
vutte kaham gatati pucchitva attano vissasikagehesu nisiditva
bhunjantiti sutva bhuttapataraso satthu santikam gantva bhante
bhojanamnama kim paramanti pucchi. Vissasikaparamam maharaja
kanjikakanajabhattampi hi vissasikena dinnam madhuram hotiti. Bhante kehi
---------------------------------------------------------------------------------------------
page76.
Pana saddhim bhikkhunam vissaso hotiti. Natihi va sekkhakulehi va
maharajati. Tato raja cintesi ekam sakiyadhitaram anetva
aggamahesim karissami evam maya saddhim bhikkhunam natiko paramavissaso
bhavissatiti. So utthayasana attano nivesanam gantva
kapilavatthupuram dutam pesesi dhitaram kira me dentu aham tumhehi
saddhim natibhavam icchamiti. Sakiya dutassa vacanam sutva
sannipatitva mantayimsu mayam kosalaranno anapavattitthane
vasama sace darikam na dassama mahantam varam bhavissatiti sace
dassama kulavamso no bhijjissati kim nukho katabbanti. Atha
ne mahanamo aha ma cintayittha mama dhita vasabhakhattiyanama
nagamundayanama dasiya kucchismim nibbatta solasavassuddesika
uttamarupadhara sobhaggappatta pitu vasena khattiyajatika tamassa
khattiyakannati pesessamati. Sakiya sadhuti sampaticchitva
dute pakkosapetva sadhu darikam dassama idaneva nam gahetva
gacchathati ahamsu. Tam sutva duta cintesum ime sakiyanama
jatim nissaya atimanino sadisi noti vatva asadisimpi dadeyyum
etehi saddhim ekato bhunjamanameva ganhissamati. Te evamahamsu
mayam gahetva gacchanta ya tumhehi saddhim ekato bhunjati tam
gahetva gamissamati. Sakiya tesam nivasanatthanam dapetva
kim karissamati cintayimsu. Mahanamo aha ma tumhe cintayittha
aham upayam karissami tumhe mama bhojanakale vasabhakhattiyam
---------------------------------------------------------------------------------------------
page77.
Alankaritva anetva maya ekasmim kavale gahitamatteyeva asuko
rajanama pannam pahini imam tava sasanam sunathati pannam
dasseyyathati. Te sadhuti sampaticchitva tasmim bhunjamane
kumarikam alankarimsu. Mahanamo dhitaram me anetha maya saddhim
bhunjatuti. Atha nam alankaritva tavadeva thokam papancam katva
anayimsu. Sa pitara saddhim bhunjissamiti ekapatiya hattham
otaresi. Mahanamo taya saddhim ekapindam gahetva mukhe
thapesi dutiyapindassa hatthe pasaritamatte deva asukarannanama
pannam pahitam imam tava sasanam sunathati pannam upanamesum.
Mahanamo amma tvam bhunjahiti dakkhinahattham patiyayeva
katva vamahatthena pannam gahetva pannam olokesi. Tassa
sasanam upadharentasseva itara bhunji. So tassa bhuttakale
hattham dhovitva mukham vikkhalesi. Te disva duta niccayeneva
sa etassa dhitati nitthamagamamsu na tam antaram janitum sakkhimsu.
Mahanamo mahantena parivarena dhitaram pesesi. Dutapi nam
savatthim netva ayam kumarika jatisampanna mahanamassa dhitati
vadimsu. Atha tam sutva raja tusitva sakalanagaram alankarapetva
tam ratanarasimhi thapetva aggamahesitthane thapetva abhisincapesi.
Sa ranno piya ahosi manapa. Athassa na cirasseva gabbho
patitthahi. Raja gabbhapariharam adasi. Sa dasamasaccayena
suvannavannam puttam vijayi. Athassa namagahanadivase
---------------------------------------------------------------------------------------------
page78.
Raja attano ayyakassa santikam pesesi sakyarajadhita
vasabhakhattiya puttam vijayi kimassa namam karotuti. Tam pana
sasanam gahetva gato amacco thokabadhiradhatuko. So tam gantva
ranno ayyakassa arocesi. So tam sutva vasabhakhattiya
puttam vijayitvapi sabbajanam abhibhavati idani pana ranno ativiya
vallabha bhavissatiti aha. Badhiramacco vallabhati vacanam dussutam
sutva vitatubhoti sallakkhetva rajanam upagantva deva kumarakassa
kira vitatubhoti namam karothati aha. Raja poranakam no
kuladattikam namam bhavissatiti cintetva vitatubhotissa namam akasi.
Tato patthaya kumaro kumarapariharena vaddhanto sattavassikakale
annesam kumaranam matamahakulato hatthirupakaassarupakadini
ahariyamanani disva mataram pucchi amma annesam pitamahakulato
pannakaram ahariyati mayham koci kinci na peseti kim tvam nimmata
nippitikati. Atha nam sa tata tava sakyarajano matamaha
dure vasanta tena te kinci na pesentiti vatva vancesi.
Puna solasavassakale amma matamahakulam passitukamomhiti
vatva alam tata kim tattha karissasiti variyamanopi punappunam
yaci. Athassa mata tenahi gacchati sampaticchi. So pitu
arocetva mahantena parivarena nikkhami. Vasabhakhattiya
puretaram pannam pesesi aham idha sukham vasami samino massa
kinci antaram dassethati. Sakiya vitatubhassa agamanam natva
---------------------------------------------------------------------------------------------
page79.
Tam vanditum na sakkati tasma daharadahare kumarake janapadam
pahinimsu. Kumare kapilavatthum sampatte sakiya santhagare
sannipatimsu. Kumaro santhagaram gantva atthasi. Atha nam
ayante tata pitamaha ayam matuloti vadimsu. So sabbe
vandamano vicari. So yava pitthiya rujanapamana vanditva
ekampi attanam vandantam adisva kinnu kho mam vandenta natthiti
pucchi. Sakiya tata tava kanitthakumara janapadam gatati vatva
tassa mahantam sakkaram karimsu. So katipaham vasitva mahantena
parivarena nikkhami. Atheka dasi santhagare tena nisinnaphalakam
idam vasabhakhattiyaya dasiya puttassa nisinnaphalakanti akkositva
khirodakena dhovi. Eko puriso attano avudham pamussitva
nivatto tam ganhanto vitatubhakumarassa tam akkosanasaddam sutva tam
antaram pucchitva vasabhakhattiya dasiya kucchimhi mahanamasakkassa
jatati natva gantva balanikayassa kathesi. Vasabhakhattiya kira
dasidhitati mahakolahalam ahosi. Kumaro tam sutva ete tava
mama nisinnaphalakam khirodakena dhovantu aham pana rajje patitthitakale
etesam galalohitam gahetva mama nisinnaphalakam dhovissamiti cittam
thapesi. Tasmim savatthim gate amacca sabbam pavuttim ranno arocesum.
Tam sutva raja mayham dasidhitaram adamsuti sakiyanam kujjhitva
vasabhakhattiyaya ca puttassa ca dinnam pariharam acchinditva dasadasihi
laddhabbapariharamattameva dapesi. Tato katipahaccayena sattha
---------------------------------------------------------------------------------------------
page80.
Rajanivesanam gantva nisidi. Raja sattharam vanditva bhante
tumhakam natakehi dasidhita mayham dinna tenassaham saputtaya
pariharam acchinditva dasadasihi ladadhabbapariharamattameva dapesinti
aha. Sattha ayuttameva maharaja sakiyehi katam dadantehinama
samajatika databba assa tam pana maharaja vadami vasabhakhattiya
rajadhita khattiyaranno gehe abhisekam labhi vitatubhopi
khattiyarajanameva paticca jato matu gottamnama kim karissati
pitu gottameva pamananti poranakapandita dalidditthiya
katthaharikaya aggamahesitthanam adamsu tassa ca kucchimhi jatakumaro
dvadasayojanikaya baranasiya rajjam patva katthaharikarajanama
jatoti katthaharikajatakam kathesi. Raja satthu dhammakatham sutva pitu
gottameva kira pamananti tusitva mataputtanam pakatipariharameva
dapesi. Ranno pana bandhulonama senapati mallikamnama
attano bhariyam vanjhim tava kulagharameva gacchahiti kusinarameva
pesesi. Sa sattharam disvava gamissamiti jetavanam pavisitva
tathagatam vanditva ekamantam thita kaham gacchasiti puttha samiko
me bhante kulagharam pesetiti vatva kasmati vutta vanjha
aputtaka bhanteti vatva satthara yadi evam gamanakiccam
natthi nivattahiti vutta tuttha sattharam vanditva nivesanameva
agamasi. Kasma nivattasiti ca puttha dasabalena nivattitaham
samiti aha. Senapati dittham bhavissati tathagatena karananti
---------------------------------------------------------------------------------------------
page81.
Aha. Sa na cirasseva gabbham patilabhitva uppannadohala dohalo
me uppannoti arocesi. Kimdohaloti. Sami vesalinagare
ganarajakulanam abhisekamangalapokkharaniyam otaritva nhatva paniyam
patukamamhi samiti. Senapati sadhuti vatva sahassathamadhanum
gahetva tam rathe aropetva savatthito nikkhamitva
ratham vahento vesalim pavisi. Tasminca kale kosalaranna
ca bandhulasenapatina ca saddhim ekacariyakule uggahitasippo mahali
andho licchavinam atthanca dhammanca anusasanto dvarasamipeyeva
vasati. So rathassa ummare patighatasaddam sutva bandhulamallassa
rathavahanasaddo eso ajja licchavinam bhayam uppajjissatiti aha.
Pokkharaniya anto ca bahi ca arakkha balava upari
lohajalam patthatam sakunanampi okaso natthi. Senapati
pana ratha otaritva arakkhake khaggena paharanto palapetva
lohajalam chinditva antopokkharaniyam bhariyam otarapetva
nhapetva payetva sayampi nhatva mallikam rathe aropetva
nagara nikkhamitva agamanamaggeneva payasi. Arakkhaka gantva
licchavinam arocesum. Te licchavirajano kujjhitva pancarathasatani
aruyha bandhulamallam ganhissamati nikkhamimsu tam pavuttim
mahalissa arocesum. Mahali ma gamittha so hi vo
sabbe ghatessatiti aha. Tepi mayam gamissamayevati vadimsu.
---------------------------------------------------------------------------------------------
page82.
Tenahi cakkassa yava nabhito pavitthatthanam disva nivatteyyatha
tato anivattanta purato asanisaddam viya sunissatha tamha thana
nivatteyyatha tato anivattanta tumhakam rathadhuresu chiddam passissatha
purato ma gamitthati. Te tassa vacanena anivattitva tam
anubandhimsuyeva. Mallika disva ratha sami pannayantiti aha.
Tenahi ekasseva rathassa pannayanakale mama aroceyyasiti.
Sa yada sabbe ekato viya hutva pannayimsu tada ekameva
sami rathasisam pannayatiti aha. Bandhulo tenahi ima rasmiyo
ganhati tassa rasmiyo datva rathe thitova dhanum aropesi.
Rathacakkam yava nabhito pathavim pavisi. Licchavino gantva tam thanam
disvapi na nivattimsu. Itaro thokam gantva khiyam pothesi. So
asanisaddoviya ahosi. Te tatopi na nivattimsu anubandhanta
gacchanteva. Bandhulo rathe thitakova ekam saram khipi. So pancannam
rathasatanam sisam chiddam katva pancannam rajasatanam parikkharabandhathane
vinivijjhitva pathavim pavisi. Te attano viddhabhavam ajanitva
tittha re tittha reti vadanta anubandhimsuyeva. Bandhulo ratham
thapetva tumhe mataka matakehi saddhim mayham yuddhamnama natthiti
aha. Te matakanama amhadisa na hontiti vadimsu. Tenahi
sabbapcchimassa parikkharam mocethati aha. Te mocayimsu.
So muttamattoyeva maritva patito. Atha ne sabbepi tumhe
evarupa attano gharani gantva samvidhatabbam samvidahitva puttadaram
---------------------------------------------------------------------------------------------
page83.
Anusasetva sannaham mocethati aha. Te tatha katva sabbe
jivitakkhayam patta. Bandhulopi mallikam savatthim aneti. Sa
solasakkhattum yamake putte vijayi. Sabbepi putta sura
thamasampanna ahesum sabbasippe nipphattim papunimsu. Ekekassa
purisasahassaparivaro ahosi. Pitara saddhim rajanivesanam gacchantehi
teheva rajanganam paripuri. Athekadivasam vinicchaye kutattaparajita
manussa bandhulam agacchantam disva mahaviravam viravanta vinicchaya-
maccanam kutattakaranam tassa arocesum. So vinicchayam gantva
tam atatam tiretva samikameva samikam akasi asamikameva asamikam
akasi. Mahajano mahasaddena sadhukaram pavattesi. Raja
kimidanti pucchitva tamattham sutva tusitva sabbepi te amacce
haretva bandhulasseva vinicchayam niyyadesi. So tato patthaya
samma vinicchayi. Tato poranakavinicchayika lancam alabhanta
appalabha hutva bandhulo rajjam patthetiti rajakule paribhindimsu.
Raja tesam katham gahetva cittam niggahetum nasakkhi. Imasmim
idheva ghatiyamane garaha uppajjissatiti puna cintesi payuttapurisehi
paccantam paharapetva te puna palapetva nivattakale
antaramagge puttehi saddhim marapetum vattatiti cintetva bandhulam
pakkosapetva paccanto kira kupito tava puttehi saddhim
gantva core ganhahiti pahinitva tatthevassa dvattimsaya puttehi
saddhim sisam chinditva aharathati tehi saddhim annepi samatthe
---------------------------------------------------------------------------------------------
page84.
Mahayodhe pesesi. Tasmim paccantam gacchanteyeva senapati kira
agacchatiti payuttacora palayimsu. So tam padesam avasapetva
janapadam santhapetva nivatti. Athassa nagarato avidure thane te
yodha saddhim puttehi sisam chindimsu. Tam divasam mallikaya pancahi bhikkhusatehi
saddhim dve aggasavaka nimantita honti. Athassa pubbanhasamaye
samikassa te saddhim puttehi sisam chindimsuti pannam aharitva adamsu.
Sa tam pavuttim natva kassaci kinci avatva pannam uccanke katva
bhikkhusanghameva parivisi. Athassa paricarika bhikkhunam bhattam datva
sappipatim aharanta theranam purato patim bhindimsu. Dhammasenapati
upasike bhedanadhammam bhinnam na cintetabbanti aha. Sa
uccankato pannam niharitva dvattimsaya puttehi saddhim pitu sisam
chinnanti me imam pannam aharimsu aham idam sutvapi na cintemi
imissa pana sappipatiya bhinnaya kim cinteyyami bhanteti aha.
Dhammasenapati animittamanannatantiadini vatva dhammam desetva
utthayasana viharam agamasi. Sapi dvattimsasunisayo
pakkosapetva tumhakam samika niraparadha attano
purimakammaphalam labhimsu tumhe ma socittha ranno upari manopadosam
ma karitthati ovadi. Ranno carapurisa tam katham sutva gantva
tesam niddosabhavam ranno kathesum. Raja samvegappatto tassa
nivesanam gantva mallikanca sunisayo cassa dosam khamapetva
mallikaya varam adasi. Sa gahito me hotuti vatva tasmim
---------------------------------------------------------------------------------------------
page85.
Gate matakabhattam datva nhatva rajanam upasankamitva deva tumhehi
me varo dinno mama annena attho natthi dvattimsaya me sunisanam
mamanca kulagamanam anujanathati aha. Raja tassa vacanam sampaticchi.
Sa dvattimsasunisayo sakasakakulam pesetva sayam kusinaranagare attano
kulagharam agamasi. Rajapi bandhulasenapatino bhagineyyassa
dighakarayanassanama senapatitthanam adasi. So pana matulo
me imina maritoti ranno otaram gavesanto carati.
Raja niraparadhassa banadhulassa maritakalato patthaya vippatisari
cittassadam na labhati rajjasukham nanubhoti. Tada sattha sakiyanam
vettanuppannam kulamnama nigamam upanissaya viharati. Raja tattha
gantva aramato avidure khandhavaram nivasetva mahantena
parivarena sattharam vandamiti viharam gantva pancarajakakudhabhandani
dighakarayanassa datva ekakova gandhakutim pavisi. Sabbam
dhammacetiyasuttaniyameneva veditabbam. Tasmim gandhakutim
pavitthe dighakarayano tani rajakakudhabhandani gahetva vitatubham
rajanam katva ranno ekam assam ekanca upatthanakarikam
matugamam nivattetva savatthim agamasi. Raja satthara
saddhim piyakatham kathetva nikkhanto senam adisva tam matugamam
pucchitva tam pavuttim sutva bhagineyyam adaya agantva vitatubham
gahessamiti rajagahanagaram gacchanto vikale dvaresu pidahitesu
nagaram pavisitum asakkonto ekissa salaya nipajjitva vatatapena
---------------------------------------------------------------------------------------------
page86.
Kilamanto rattibhage tattheva kalamakasi. Vibhataya rattiya
deva kosalanarinda idani anathosi jatoti vilapantiya tassa
itthiya paridevasaddam sutva ranno arocesum. So matulassa
mahantena sakkarena sarirakiccam karesi. Vitatubhopi rajjam labhitva
tam veram saritva sabbepi sakiye maressamiti mahatiya senaya
nikkhami. Tam divasam sattha paccusasamaye lokam olokento
natisanghassa vinasam disva natisangaham katum vattatiti cintetva
pubbanhasamaye pindaya caritva pindapatapatikkanto gandhakutiyam
sihaseyyam kappetva sayanhasamaye akasena gantva
kapilavatthusamante ekasmim kavaracchaye rukkhamule nisidi. Tato
avidure vitatubhassa rajjasimayam mahanto sandacchayo nigordharukkho
atthi. Vitatubho sattharam disva upasankamitva vanditva bhante kim
karana evarupaya unhavelaya imasmim kavaracchaye rukkhamule
nisidatha ekasmim sandacchaye nigrodhamule nisidatha bhanteti vatva
hotu maharaja natakanam chayanama sitalati vutte natakanam
rakkhanatthaya sattha agato bhavissatiti cintetva sattharam vanditva
nivattitva savatthimeva paccagami. Satthapi uppatitva jetavanameva
gato. Raja sakiyanam dosam saritva dutiyampi nikkhamitva
tattheva sattharam passitva puna nivatti. Tatiyavare nikkhamitva
tattheva sattharam passitva nivattitva catutthavare pana tasmim
nikkhante sattha sakiyanam pubbakammam oloketva tesam nadiyam
---------------------------------------------------------------------------------------------
page87.
Visapakkhepanapapakammassa appatibahiyabhavam natva catutthavare na
agamasi. Vitatubho raja khirapivadarake adim katva sabbe sakiye
ghatetva galalohitena nisinnaphalakam dhovitva paccagamasi.
Satthari pana tatiyavare gamanato paccagantva punadivase pindaya
caritva nitthapitabhattakicce gandhakutiyam pavisante sayanhe
sannipatita bhikkhu dhammasabhayam nisiditva avuso sattha attanam
dassetva rajanam nivattetva natake maranabhaya mocesi evam
natakanam atthacaro satthati bhagavato gunakatham kathesum. Sattha
agantva kayanuttha bhikkhave etarahi kathaya sannisinnati pucchitva
imayanamati vutte na bhikkhave idaneva tathagato natakanam
attham carati pubbepi acariyevati vatva tehi yacito atitam ahari
atite baranasiyam brahmadattonama raja dasarajadhamme
akopetva dhammena rajjam karento ekadivasam cintesi jambudipatale
rajano bahuthambhesu pasadesu vasanti tasma bahuhi thambhehi
pasadakaranamnama anacchariyam yannunaham ekathambham pasadam kareyyam
evam sabbarajunam aggaraja bhavissamiti. So vaddhakim pakkosapetva
mayham sobhaggappattam ekathambhakam pasadam karothati aha. Te sadhuti
sampaticchitva arannam pavisitva ujumahante ekathambhakapasadarahe
bahu rukkhe disva ime rukkha santi maggo pana visamo na sakka
otaretum ranno acikkhissamati cintetva tatha akamsu.
Raja yena kenaci upayena sanikam otarethati vatva deva
---------------------------------------------------------------------------------------------
page88.
Kenaci upayena na sakkati vutte tenahi mama uyyane ekam rukkham
upadharethati aha. Vaddhaki uyyanam gantva ekam sujatam ujukam
gamanigamapujitam rajakulatopi laddhabalikammam mangalasalarukkham disva ranno
santikam gantva tamattham arocesum. Raja uyyane rukkhonama mama
patiladdho gacchatha tam chindathati aha. Te sadhuti sampaticchitva
gandhamaladihattha uyyanam gantva rukkhe gandhapancangulikam
datva suttena parikkhipitva pupphakannikam bandhitva dipam jaletva
balikammam katva ito sattame divase agantva rukkham chindissama
raja chedapesi imasmim rukkhe nibbattadevata annattha gacchantu
amhakam doso natthiti savesum. Atha tasmim nibbattadevata tam
vacanam sutva nissamsayam ime vaddhaki imam rukkham chindissanti vimanam me
nassissati vimanapariyantikameva kho pana mayham jivitam imanca rukkham
parivaretva thitesu tarunasalarukkhesu nibbattanam mama natidevatanampi
bahuni vimanani nassissanti na kho pana mam tatha attano vinaso badhati
yatha natinam tasma maya nesam jivitadanam datum vattatiti cintetva
addharattikasamaye dibbalankarapatimandito ranno sirigabbham pavisitva
sakalagabbham ekobhasam katva ussisakapasse rodamano atthasi.
Raja tam disva bhitatasito tena saddhim sallapanto pathamam gathamaha
ka tvam suddhehi vatthehi aghe vehasayam thita
kena tyassuni vattanti kuto tam bhayamagatanti.
---------------------------------------------------------------------------------------------
page89.
Tattha ka tvanti nagayakkhasupannasakkadisu kanama tvanti
pucchati. Vatthehiti vacanamattamevetam. Sabbepi pana dibbalankare
sandhayevamaha. Agheti appatighe akase. Vehasayanti tasseva
vevacanam. Kena tyassuniti kena karanena tava assuni pavattanti.
Kutoti nativiyogadhanavinasadinam kim nissaya tam bhayamagatanti pucchati.
Tam sutva devaraja dve gatha abhasi
taveva deva vijite bhaddasaloti mam vidu
satthivassasahassani titthato pujitassa me
karayanta nagarani agare ca disampati
vividhe capi pasade na mante avamannimsu
yatheva mante pujesum
tatheva tvampi pujayati.
Tattha titthatoti maharaja sakalabaranasinagarena ceva gamanigamehi
ca taya ca pujitassa niccam balikammanca sakkaranca labhantassa
mayham imasmim uyyane titthantassa ettako kalo gatoti dasseti.
Nagaraniti nagarapatisankharakammani. Agare cati bhumigehani. Disampatiti
disanam pati maharaja. Na manteti te nagarapatisankharanadini karonta
imasmim nagare poranakarajano mam natimannimsu natikkamimsu na
vihethesum mama nivasanarukkham chinditva attano kammam na karimsu mayham
pana sakkarameva karimsuti avaca. Yathevati tasma yatheva te
---------------------------------------------------------------------------------------------
page90.
Poranakarajano mam pujayimsu ekopi imam rukkham na chindapeti
tavancapi tatheva pujaya ma me rukkham chedayiti. Tato raja dve
gatha abhasi
tava aham na passami thulam kayena te dumam
arohaparinahena abhiruposi jatiya
pasadam karayissami ekathambham manoramam
tattha tam upanessami cirante yakkha jivitanti
tattha kayenati pamanena. Idam vuttam hoti tava pamanena
tam viya thulam mahantam aham annam dumam na passami tvanneva pana
arohaparinahena sujatasankhataya samasanthanaujubhavappakaraya jatiya
ca abhirupo sobhaggappatto ekathambhapasadaraho ahosi. Pasadanti
tasma tam chedapetva aham pasadam karapessameva. Tattha tanti
tam panaham samma devaraja tattha pasade upanessami so tvam maya
saddhim ekatova vasanto aggagandhamaladini labhanto sakkarappatto
sukham jivissasi nivasanatthanabhavena me vinaso bhavissatiti ma
cintayi cirante yakkha jivitam bhavissatiti.
Tam sutva devaraja dve gatha abhasi
evam cittam udapadi sarirena vinabhavo
puthuso mam vikantetva khandaso avakantatha
agge ca chetva majjhe ca paccha mulanca chindatha
evam me chijjamanassa na dukkham maranam siyati.
---------------------------------------------------------------------------------------------
page91.
Tattha evam cittam udapaditi yadi evam cittam tava uppannam.
Sarirena vinabhavoti yadi te mama sarirena bhaddasalarukkhena saddhim mama
vinabhavo patitthito. Puthusoti atha nam bahudha. Vikantetvati
chinditva. Khandasoti khandakhandam katva avakantatha. Agge cati
avakantitva ca pana pathamam agge tato majjhe chetva sabbapaccha
mule chindatha evam me chijjamanassa na dukkham maranam siya sukham nu
khandaso bhaveyyati yacati.
Tato raja dve gatha abhasi
hatthapadam yatha chinde kannanasanca jivite
tato paccha sise chinde tam dukkham maranam siya
sukham nu khandaso chindam bhaddasala vanappati
kim hetu kim upadaya khandaso chindamicchasiti.
Tattha hatthapadanti hatthe ca pade ca. Tam dukkhanti evam
patipatiya chijjantassa corassa maranam dukkham siya. Sukham nuti
samma bhaddasala vajjhappatta cora sukhena maritukama sisacchedam
yacanti na khandaso chedanam tvam pana evam yacasi tena tam pucchami
sukham nu khandaso chindanti. Kim hetuti khandaso chindamnama na
sukham karanena panettha bhavitabbanti tam pucchanto evamaha.
Athassa acikkhanto bhaddasalo dve gatha abhasi
yanca hetum upadaya hetudhammupasanhitam
khandaso chindamicchami maharaja sunohi me
---------------------------------------------------------------------------------------------
page92.
Nati me sukhasamvaddha mama passe nivataja
tepiham upahimseyyam paresam asukhocitanti.
Tattha hetudhammupasanhitanti maharaja yam hetusabhavayuttameva
na hetupatirupakam hetum upadaya arabbha sandhayaha khandaso
chindamicchami tam ohitasoto sunahiti attho. Nati meti mama
bhaddasalarukkhassa chayaya sukhasamvaddha. Mama passeti tarunasalarukkhesu
nibbatta maya katavataparittanatta nivataja mama nataka devasangha
atthi. Te aham visalasakhavitapo mule chinditva patanto upahimseyyam
sambhaggavimane karonto vinaseyyanti attho. Paresam asukhocitanti
evam sante maya tesam paresam natidevasanghanam asukham dukkham ocitam
vaddhitam nacaham tesam dukkhakamo tasma bhaddasalam khandaso chindamicchamiti
ayametthadhippayo.
Tam sutva raja dhammiko vatayam devaputto attano
vimanavinasatopi natinam vimanavinasam na icchati natinam attham carati
abhayamassa dassamiti tusitva osanagathamaha
cetayarupam cetesi bhaddasala vanappati
hitakamosi natinam abhayam samma dadami teti.
Tattha cetayarupam cetesiti natisu muducittam taya cintetabbayuttakameva
cetesi samma bhaddasala. Cetayarupam chedesitipi patho. Tassattho
khandaso chindamicchanto chedetabbayuttakameva chedesiti. Abhayanti
etasmim te samma gune pasiditva abhayam dadami na me
---------------------------------------------------------------------------------------------
page93.
Pasadenattho naham tam chedapessami gaccha natisanghaparivuto
sakkato garukato sukham jivati aha.
Devaraja ranno dhammam desetva agamasi. Raja tassovade
thatva danadini punnani katva saggapadam puresi.
Sattha imam dhammadesanam aharitva evam bhikkhave pubbepi
tathagato natthacariyam acariyevati vatva jatakam samodhanesi tada
raja anando ahosi tarunasalesu nibbattadevata buddhaparisa
ahesum bhaddasaladevaraja pana ahamevati.
Bhaddasalajatakam dutiyam.
-----------------
The Pali Atthakatha in Roman Book 40 page 75-93.
http://84000.org/tipitaka/atthapali/read_rm.php?B=40&A=1511&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=40&A=1511&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=27&i=1613
เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=6417
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=6620
The Pali Tipitaka in Roman Character :-
http://84000.org/tipitaka/read/roman_read.php?B=27&A=6620
Contents of The Tipitaka Volume 27
http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]