|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
5 Janasandhajatakam.
Dasa khalumani thananiti idam sattha jetavane viharanto kosalaranno
ovadatthaya kathesi.
Ekasmim hi kale raja issariyamadamatto kilesasukhanissito
vinicchayampi na patthapesi buddhupatthanampi pamajji. So ekadivasam dasabalam
anussaritva sattharam vandissamiti bhuttapataraso rathavaramaruyha
viharam gantva sattharam vanditva nisidi. Atha nam sattha
kim maharaja ciram na pannayasiti vatva bahukiccataya no
bhante buddhupatthanassa okaso na jatoti vutte maharaja
madisenama ovadadayake sabbannubuddhe dhuravihare viharante ayuttam
---------------------------------------------------------------------------------------------
page117.
Tava pamajjitum rannanama rajakiccesu appamattena ratthavasinam
matapitusamena agatigamanam pahaya dasarajadhamme akopetva rajjam
karetum vattati ranno hi dhammikabhave sati parisapissa dhammika
honti anacchariyam kho panetam yam mayi anusasante tvam dhammena rajjam
kareyyasi poranakapandita anusasake acariye avijjamanepi
attano matiya tividhasucaritadhamme patitthaya mahajanassa dhammam
desetva saparisa saggapuram purayamana agamamsuti vatva tena
yacito atitam ahari
atite baranasiyam brahmadatte rajjam karente bodhisatto
tassa aggamahesiya kucchimhi nibbatti. Janasandhakumarotissa namam karimsu.
Athassa vayappattassa takkasilato sabbasippani ugganhitva agatakale
raja sabbani bandhanagarani sodhapetva uparajjam adasi.
So aparabhage pitu accayena rajje patitthaya catusu nagaradvaresu
nagaramajjhe rajadvare cati cha danasalayo karetva divase
divase cha satasahassani pariccajitva sakalajambudipam samkhobhetva
mahadanam pavattento bandhanagarani niccam vivatani karetva
dhammagandikam sodhapetva catuhi sangahavatthuhi lokam sanganhanto
pancasilani rakkhanto uposathavasam vasanto dhammena rajjam karesi.
Antarantara ca ratthavasino sannipatetva danam detha silam
samadiyatha dhammam caratha dhammena kammante ca vohare ca payojetha
daharakaleyeva sippani ugganhatha dhanam uppadetha gamakutakammam pisunakammam
---------------------------------------------------------------------------------------------
page118.
Ma karittha canda pharusa ma ahuttha matupatthanam pitupatthanam
puretha kulejetthapacayino bhavathati dhammam desetva mahajanam
sucaritadhamme patitthapesi. So ekadivasam pannarasiuposathe
samadinnuposatho mahajanassa bhiyyo bhiyyo hitasukhatthaya
appamadaviharatthaya dhammam desessamiti cintetva nagare
bherincarapetva attano orodhe adim katva sabbam nagarajanam
sannipatetva rajangane alankataratanamandapamajjhe pannattavarapallanke
nisiditva ambho nagaravasino tumhakam tapaniye ca atapaniye ca
dhamme desessami appamatta hutva ohitasota sakkaccam sunathati
dhammam desesi. Sattha saccaparibhavitam mukharatanam vivaritva tam desanam
madhurena sarena kosalaranno avikaronto
dasa khalumani thanani yani pubbe akaritva
sa paccha anutappati iccaha raja janasandho
aladdha cittam tapati pubbe asamudanitam
na pubbe dhanamesissam iti pacchanutappati
sakyarupam pure santam maya sippam na sikkhitam
kiccha vutti asippassa iti pacchanutappati
kutavedi pure asim pisuno pitthimamsiko
cando ca pharuso casim iti pacchanutappati
panatipati pure asim luddho capi anariyo
bhutanam navajanissam iti pacchanutappati
---------------------------------------------------------------------------------------------
page119.
Bahusu vata santisu anapadasu itthisu
paradaram asevissam iti pacchanutappati
bahumhi vata santamhi annapane upatthite
na pubbe adadim danam iti pacchanutappati
mataram pitaram capi jinnake gatayobbane
pahusanto na posissam iti pacchanutappati
acariyamanusattharam sabbakamarasaharam
pitaram atimannissam iti pacchanutappati
samane brahmane capi silavante bahussute
na pubbe payirupasissam iti pacchanutappati
sadhu hoti tapo cinno santo ca payirupasito
acinno me tapo pubbe iti pacchanutappati
yo ca etani thanani yoniso patipajjati
karam purisakiccani na ca pacchanutappatiti
ima gatha aha.
Tattha thananiti karanani. Pubbeti pathamameva akaritva.
Sa paccha anutappatiti so pathamam kattabbani akarako puggalo idha
lokepi paralokepi tappati kilamati. Paccha va anutappatitipi
patho. Iccahati evam raja janasandho avoca. Iccasuhatipi
patho. Tattha sukaro nipatamattam. Iccasu ahati padacchedo.
Imani dasa tapaniyakaranani pakasetum bodhisattassa dhammakatha hoti.
---------------------------------------------------------------------------------------------
page120.
Tattha pubbeti pathameva tarunakale parakkamam akatva asamudanitam
asambhutam dhanam mahallakakale alabhitva tappati socati pare ca
sukhite disva sayam dukkham jivanto pubbe dhanam pariyesissanti evam
pacchanutappati tasma mahallakakale sukham jivitukama daharakaleyeva
dhammikani kasikammadini katva dhanam pariyesathati dasseti. Pure
santanti pubbe daharakale acariye payirupasitva maya katum
sakyarupam samanam hatthisippadikam kinci sippam na sikkhitam. Kicchati
mahallakakale asippassa dukkha jivitavutti neva sakka tada sippam
sikkhitum tasma mahallakakale jivitukama tarunakaleyeva sippani
sikkhathati dasseti. Kutavediti kutajananako gamakuto va lokassa
anatthakarako va tulakutani karako va kutattakarako vati attho.
Asinti evarupo aham pubbe ahosim. Pisunoti pesunnakarako.
Pitthimamsikoti lancam gahetva asamike samike samike asamike
karonto paresam pitthimamsam khadako. Iti pacchati evam maranamance
nipanno anutappati tasma sace niraye na vasitukamattha ma evarupam
papakammam karitthati ovadati. Luddhoti daruno sahasiko.
Anariyoti na ariyo asannito dussilo nicasamacaro.
Navajanissanti khantimettanudayavasena nicavuttiko nahosim. Sesam
purimanayeneva yojetabbam. Anapadasuti apadanam apado pariggahoti
attho. Na apado yasam atthiti anapada. Annehi
akatapariggahasuti attho. Upatthiteti paccupatthite. Na pubbeti
---------------------------------------------------------------------------------------------
page121.
Ito pubbe danam na adadam. Pahusantoti dhanabalenapi kayabalenapi
positum samattho patibalo samano. Acariyanti acarasikkhapanataya
idha pita acariyoti adhippeto. Anusattharanti anusasakam.
Sabbakamarasaharanti sabbe vatthukamarase aharitva positanam.
Atimannissanti tassa ovadam aganhanto atikkamitva mannissam.
Na pubbeti ito pubbe dhammikasamanabrahmane gilane milate
civaradini datva appatijagganena payirupasissam. Tapoti sucaritatapo.
Santoti kayadihi dvarehi upasanto silava. Idam vuttam
hoti tividhasucaritasankhato tapo cinno evarupo ca santo
payirupasitonama sadhu sundaro. Na pubbeti maya daharakale
evarupo tapo na cinno iti paccha jarajinno maranabhayatajjito
anutappati socati. Sace tumhe evam na socitukama tapokammam
karothati vadati. Yo ca etani thananiti yo pana etani
dasakaranani pathamameva upayena patipajjati samadaya vattati
purisehi kattabbani dhammikakiccani karonto so appamadavihari-
puriso paccha nanutappati somanassappattova hotiti.
Iti mahasatto anvaddhamasam imina niyamena mahajanassa
dhammam desesi. Mahajanopi tassa ovade thatva tani dasa thanani
puretva saggaparayano ahositi.
Sattha imam dhammadesanam aharitva evam maharaja poranaka-
pandita anacariyaka attanova matiya dhammam desenta mahajanam
---------------------------------------------------------------------------------------------
page122.
Saggapure patitthapesunti vatva jatakam samodhanesi tada parisa
buddhaparisa ahosi janasandharaja pana ahamevati.
Janasandhajatakam pancamam.
----------------
The Pali Atthakatha in Roman Book 40 page 116-122.
http://84000.org/tipitaka/atthapali/read_rm.php?B=40&A=2364&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=40&A=2364&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=27&i=1649
เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=6520
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=6741
The Pali Tipitaka in Roman Character :-
http://84000.org/tipitaka/read/roman_read.php?B=27&A=6741
Contents of The Tipitaka Volume 27
http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]