|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
5 Dutajatakam. Dute te brahme pahesinti idam sattha jetavane viharanto attano pannapasamsanam arabbha kathesi. Dhammasabhayam bhikkhu satthu gunakatham samutthapesum passathavuso dasabalassa upayakosallam nandassa kulaputtassa accharayo dassetva arahattam adasi cullapanthakassa pilotikam datva saha patisambhidahi arahattam adasi kammaraputtassa padumam datva arahattam adasi evam nanaupayehi satte vinetiti. Sattha agantva kaya nuttha bhikkhave etarahi kathaya sannisinnati pucchitva imaya namati vutte na bhikkhave idaneva tathagato idam hotiti upayajananena upayakusalo pubbepi upayakusaloyevati vatva atitam ahari atite baranasiyam brahmadatte rajjam karente janapado ahiranno ahosi. So hi janapadam piletva dhanameva sankaddhi. Tada bodhisatto kasikagame brahmanakule nibbattitva vayappatto takkasilam gantva paccha dhammena bhikkham caritva acariyassa dhanam aharissamiti vatva sippam patthapetva nitthitasippo anuyogam datva acariya tumhakam acariyadhanam aharissamiti apucchitva nikkhamma janapade caranto dhammena samena pariyesitva satta nikkhe labhitva acariyassa dassamiti gacchanto antaramagge gangam taritum navam abhiruhi. Tassa tattha navaya parivattamanaya tam suvannam udake--------------------------------------------------------------------------------------------- page180.
Pati. So cintesi dullabham hirannam janapade puna acariyadhane pariyesiyamane papanco bhavissati yannunaham gangatireyeva niraharo nisideyyam tassa me nisinnabhavam anupubbena raja janissati tato amacce pesessati aham tehi saddhim na mantessami tato raja sayam agamissati imina upayena tassa santike acariyadhanam labhissamiti. So gangatire uttarisatakam parupitva yannasuttam bahi thapetva rajatapatavanne valukatale suvannapatima viya nisidi. Tam niraharam nisinnam disva mahajano kasma nisinnositi pucchati. Kassaci na kathesi. Punadivase dvaragamavasino tassa tattha nisinnabhavam sutva agantva pucchimsu. Tesampi na kathesi. Te tassa kilamatham disva paridevanta pakkamimsu. Tatiyadivase nagaravasino agamimsu catutthadivase nagarato issarajana pancamidivase rajapurisa. Chatthadivase raja amacce pesesi. Tehipi saddhim na kathesi. Sattame divase raja bhayappatto hutva tassa santikam gantva pucchanto pathamam gathamaha dute te brahme pahesim gangatirasmi jhayato tesam puttho na byakasi dukkham tuyham matam nu teti. Tattha tuyham matam nu teti kim nukho brahmana yam tava dukkham uppannam tam tuyhameva matam na annassa acikkhitabbanti. Tam sutva mahasatto maharaja dukkham nama haritum samatthassevacikkhi- tabbam na annassati vatva satta gatha abhasi--------------------------------------------------------------------------------------------- page181.
Sace te dukkham uppajje kasinam ratthavaddhana ma kho no tassa akkhahi yo tam dukkham na mocaye. Yo tassa dukkhajatassa ekantam api bhasato vippamoceyya dhammena kamam tassa pavedaye. Suvijanam singalanam sakuntananca vassitam manussavassitam raja dubbijanataram tato. Api ce mannati poso natimitto sakhati va yo pubbe sumano hutva paccha sampajjate diso. Yo attano dukkhamananuputtho pavedaye jantumakalarupe anandino tassa bhavanti mitta hitesino tassa dukkhi bhavanti. Kalanca natvana tathavidhassa medhavinam ekamanam viditva akkheyya tippani parassa dhiro sanham giram atthavatim pamunce. Sace ca janna avisayhamattano nayam niti mayha sukhagamaya ekopi tippani saheyya dhiro saccam hirottappamapekkhamanoti. Tattha uppajjeti sace tava uppajjeyya. Ma akkhahiti--------------------------------------------------------------------------------------------- page182.
Ma kathehi. Dubbijanataram tatoti tiracchanagatavassitatopi dubbijanataram tasma tathato ajanitva haritum asamatthassa attano dukkham na kathetabbamevati. Api ceti gathaya kathitattava. Ananuputthoti punappunam puttho. Pavedayeti katheti. Akalarupeti akale. Kalanti attano guyhassa kathanakalam. Tathavidhassati panditapurisam attana saddhim ekamanam viditva tathavidhassa acikkheyya. Tippaniti dukkhani. Saceti yadi attano dukkham avisayham attano va paresam va purisakare sati kiccam janeyya. Nititi evam lokapaveni atthalokadhammati attho. Idam vuttam hoti atha ayam lokapaveni na ca mayhameva sukhagamaya uppannehi atthahi lokadhammehi mutto nama natthi evam sante sukhameva patthentena parassa dukkharopanam nama ayuttam netam hirottappasampannena kattabbam atthi ca me hirottappanti saccam samvijjamanam attani hirottappam apekkhamanova annassa anarocetva ekova tippani saheyya dhiroti. Evam mahasatto sattahi gathahi ranno dhammam desetva attano acariyassa dhanassa pariyesitabhavam dassento catasso gatha abhasi aham ratthani vicaranto nigame rajadhaniyo bhikkhamano maharaja acariyassa dhanatthiko.--------------------------------------------------------------------------------------------- page183.
Gahapati rajapurise mahasale ca brahmane alattham satta nikkhani suvannassa janadhipa te me nattha maharaja tasma socamiham bhusam. Purisa te maharaja manasanuvicintita nalam dukkha pamocetum tasma tesam na byaharim. Tvanca mesi maharaja manasanuvicintito alam dukkha pamocetum tasma tuyham pavedayinti. Tattha bhikkhamanoti ete gahapatiadayo yacamano. Te meti te satta nikkha mama gangatarantassa nattha gangaya patita. Purisa teti maharaja tava dutapurisa. Manasanuvicintitati nalam ime mam dukkha mocetunti maya nata. Tasmati tena karanena tesam attano dukkham nacikkhim. Pavedayinti kathesim. Raja tassa dhammakatham sutva ma cintayi brahmana aham te acariyadhanam dassamiti dvigunam dhanam adasi. Tamattham pakasento sattha osanagathamaha tassadasi pasannacitto kasinam ratthavaddhano jatarupamaye nikkhe suvannassa catuddasati tattha jatarupamayeti te suvannassa cuddasa nikkhe jatarupamaye yeva adasi na ca yassa va tassa va suvannassati attho. Mahasatto ranno ovadam datva acariyassa dhanam datva danadini punnani katva rajapi tassovade thito dhammena rajjam--------------------------------------------------------------------------------------------- page184.
Karetva ubhopi yathakammam gata. Sattha imam dhammadesanam aharitva na bhikkhave idaneva pubbepi tathagato upayakusaloyevati vatva jatakam samodhanesi tada raja anando ahosi acariyo sariputto manavo pana ahamevati. Dutajatakam pancamam. -------------The Pali Atthakatha in Roman Book 40 page 179-184. http://84000.org/tipitaka/atthapali/read_rm.php?B=40&A=3644&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=40&A=3644&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=1777 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=6918 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=7166 The Pali Tipitaka in Roman Character :- http://84000.org/tipitaka/read/roman_read.php?B=27&A=7166 Contents of The Tipitaka Volume 27 http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]