บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
9. Tacchakasukarajatakam. Yadesamana vicarimhati idam sattha jetavane viharanto dve mahallakatthere arabbha kathesi. Mahakosallo kira bimbisarassa dhitaram dento dhitu nhaniyamulatthaya kasikagamam adasi. Pasenadiraja ajatasattuna pitari marite tam gamam acchindi. Tesu tassatthaya yujjhantesu pathamam ajatasattussa jayo ahosi. Kosalaraja parajayam patto amacce pucchi kena nukho upayena ajatasattum ganheyyamati. Maharaja bhikkhunama mantakusala honti carapurise pesetva bhikkhunam katham parigganhitum vattatiti. Raja sadhuti patisunitva etha tumhe viharam gantva paticchanna hutva bhadantanam katham parigganhathati purise payojesi. Jetavanepi bahu rajapurisa pabbajita honti. Tesu dve mahallakatthera viharapaccante pannasalaya vasanti eko dhanuggahatissattheronama eko mantadattattheronama. Te sabbarattim supitva paccusakale pabujjhimsu. Tesu dhanuggahatissatthero aggim jaletva aha bhante mantadattattherati. Kim bhanteti. Niddayatha tumheti. Na niddayama kim katabbanti. Bhante balako vatayam pasenadikosalaraja patimattabhojanameva paribhunjitum janatiti. Atha kim bhanteti. Attano kucchimhi panakamattena ajatasattuna parajito rajati. Kim pana bhante katum vattatiti. Bhante Mantadattatthera yuddhamnama sakatabyuhacakkabyuhapadumabyuhadivasena tividham tesu bhagineyyam ajatasattum ganhantena sakatabyuham katva ganhitum vattatiti asukamnama asukamnama pabbatkhandam dvisu passesu purise thapetva purato balam dassetva anto pavitthabhavam natva naditva vaggitva kumine pavitthamacchamviya antomutthiyam katva gahetum sakkati. Payojitapurisa tam katham sutva gantva ranno arocesum. Raja mahatiya senaya gantva tatha katva ajatasattum gahetva sankhalikabandhanena bandhitva katipaham nimmadam katva puna evarupam ma kariti assasetva mocetva dhitaram vajirakumarimnama tassa datva mahantena parivarena visajjesi. Kosalaranna dhanuggahatissattherassa samvidhanena ajatasattu gahitoti bhikkhunam antare katha samutthahi. Dhammasabhayam tameva katham samutthapesum. Sattha agantva kayanuttha bhikkhave etarahi kathaya sannisinnati pucchitva imayanamati vutte na bhikkhave idaneva pubbepi dhanuggahatissatthero yuddhasamvidhane chekoti vatva atitam ahari atite baranasinagarassa dvaragamavasi eko vaddhaki attano daruatthaya arannam pavisitva avate patitam ekam sukarapotakam disva anetva tacchakasukarotissa namam katva posesi. So tassa upakarako ahosi. Tundena rukkham parivattitva deti nasikaya vethetva kalasuttam kaddhati mukhena damsitva vasinikhadanamuggaram aharati. So vuddhipatto mahabalo mahasariro ahosi. Atha vaddhakipi tasmim puttapemam paccupatthapetva imam idheva vasantam kocideva himseyyati aranne visajjesi. So cintesi aham imasmim aranne ekakova vasitum na sakkhissami natake pariyesitva tehi parivuto vasissamiti. So vanaghataya sukare pariyesanto bahu sukare disva tusitva tisso gatha abhasi yadesamana vicarimha pabbatani vanani ca anvesam vipule nati teme adhigata maya. Bahum cidam mulaphalam bhakkho cayam anappako rammapi girinadiyo phasuvaso bhavissati. Idhevaham vasissami saha sabbehi natibhi appossukko nirasanki asoko akutobhayoti. Tattha yadesamanati yam natiganam pariyesanta mayam vicarimha. Anvesanti ciram vata anvesantopi carim. Temeti te ime. Bhakkhoti sveva vanamulaphalaphalasankhato bhakkho. Appossukkoti appossukko hutva. Sukara tassa vacanam sutva catuttham gathamahamsu annamhi lenam pariyesa sattu no idha vijjati so taccha sukare hanati idhagantva varamvaranti. Tattha tacchati tam namena alapati. Varamvaranti sukare hanati hananto thulasariram varam varanneva hanati. Ito param uttanasambandhagatha palinayeneva veditabba Konamhakam idha sattu ko nati susamagate duppadhamse padhamseti tam me akkhahi pucchito. Uddhaggaraji migaraja bali dadhavudho migo so taccha sukare hanti idhagantva varamvaram. Na no dadhani vijjanti balam kaye samuhatam sabbesamagga hutvana vasam gahama ekakam. Hadayangamam kannasukham vacam bhasasi tacchaka yopi yuddhe palapetha tampi paccha hanamaseti. Tattha konamhakanti aham tumhe disvava ime sukra appamamsalohita bhayena tesam bhavitabbanti cintayim tasma me acikkhatha ko nu amhakam idha sattu. Uddhaggarajiti uddhaggahi sarirarajihi samannagato byaggham sandhayevamahamsu. Yopiti yo amhakam antare ekopi palayissati tam mayam paccha hanissamati. Tacchakasukaro sabbe sukare ekacitte katva pucchi kaya velaya byaggho agamissatiti. Ajja patova ekam gahetva gato sve patova agamissatiti. So yuddhakusalo imasmim thane thito na sakka jetunti bhumisisam janati tasma ekam padesam sallakkhetva rattimeva sukare gocaram gahapetva balavapaccusato patthaya yuddhamnama sakatabyuhadivasena tividham hotiti vatva padumabyuham samvidahitva majjhatthane khirapite sukarapotake thapesi te parivaretva tesam mataro ta parivaretva majjhimasukariyo tasam antara Sukarapotake tesam antara makuladadhe tarunasukare tesam antara mahadadhe tesam antara jinnasukare tattha tattha dasavaggam visativaggam timsavagganca katva balagumbam thapetva attano atthaya ekam avatam byagghassa patanatthaya ekam suppasanthanam pabbharakam katva khanapesi dvinnam avatanam antare attano vasanatthaya pithakam karesi. So thamasampanne yodhasukare gahetva tasmim tasmim thane sukare assasento vicari. Tassevam karontassa suriyo uggacchati. Atha byaggharaja kutajatilassa assamapada nikkhamitva pabbatatale atthasi. Tam disva sukara agato no bhadante veriti vadimsu. Ma bhayatha yam esa karoti tam sabbam patipakkha hutva karothati. Byaggho sariram vidhunitva salatam osakkantoviya passavamakasi. Sukarapi tatheva karimsu. So tesam kiriyam disva cintesi na imepubbasadisa ajja mayham patisattuno hutva vaggavagga thita samvidahako tesam senanayakopi atthi ajja maya etesam santikam gantum na vattatiti maranabhayabhito nivattitva kutajatilassa santikam gato. Atha nam so tucchahattham disva navamam gathamaha panatipata virato nusajja abhayam nu te sabbabhutesu dinnam dadha nu te migaviriya na santi yo sanghappatto kapanovajjhayasiti. Tattha sanghappattoti yo tvam sukarasanghappatto hutva kinci gocaram alabhitva kapanoviya jhayasiti. Athassa byaggho tisso gatha abhasi na me dadha na vijjanti balam kaye samuhatam nati ca disvana samangi ekato tasmajjhayami vanamhi ekako. Imassudam yanti disadisam pure bhayaddita lenagavesino puthu tedani sangamma vasanti ekato yattha thita duppasahajja te maya. Parinayakasampanna sahita ekavadino te mam samagga himseyyum tasma tesam na patthayeti. Tattha samangi ekatoti sahito hutva ekato thite. Imassudanti ime sudam maya akkhini ummiletva olokitamattava pubbepi disodisam gacchanti. Puthuti visum visum. Yattha thitati yasmim bhumibhage thita. Parinayakasampannati senanayakasampanna. Tasma nesam na patthayeti tena karanena etesam na patthemi. Tam sutva kutajatilo tassa ussaham janento gathamaha ekova indo asure jinati ekova seno hanti dije pasayha Ekova byaggho migasanghapatto varamvaram hanti balanhi tadisanti. Tattha migasanghapattoti migaganapatto hutva varamvaram migam hanati. Balanhi tadisanti tadisam tassa balam. Atha nam byaggho gathamaha naheva indo na seno napi byaggho migadhipo samagge sahite nati byaggho na kurute vaseti. Tattha byaggho nati byagghasadise hutva sariravidhunanadini katva thite vase na kurute attano vase vattapetum na sakkotiti attho. Puna jatilo ussahento dve gatha abhasi kumbhilika sakunika sanghino ganacarino sammodamana ekajjham uppatanti uyyanti ca. Tesam bandhiyamananam ekettha apasakkati tanca seno nitaleti veyyagghiyeva sa gatiti. Tattha kumbhilikati evannamaka khuddakasakuna. Uppatantiti gocare caranta. Uyyanti cati gocaram gahetva akasena gacchanti. Ekettha apasakkatiti ekova etesu osakkitva va ekapassena va visum gacchati. Nitaletiti paharitva ganhati. Veyyagghiyeva sa gatiti byagghanameva sa gati veyyagghi byagghanam samaggavasam gacchantanampi esa evarupa gati byagghanam gatiyevanama hoti na hi sakka sabbehi ekatova gantum tasma yo evam tattha eko Gacchati tam ganhati. Evanca pana vatva byaggharaja tvam attano balam na janasi ma bhayi kevalam naditva pakkhandi ekatova gacchantanama natthiti ussahesi. So tatha akasi. Tamattham pakasento sattha aha ussahito jatilena luddhenamisacakkhuna dadhi dadhisu pakkhandi mannamano yatha pureti. Tattha dadhiti sayam dadhavudho itaresu dadhavudhesu pakkhandi. Yatha pureti yam pubbe mannati tatheva mannamano. So kira gantva pabbatatale atthasi. Sukara punagato sami coroti tacchakassa arocesum. So ma bhayathati te assasetva utthaya dvinnam avatanam antare pithakaya atthasi. Byaggho vegam janetva tacchakasukaram sandhaya pakkhandi. Tacchakasukaro parivattitva pacchamukho purimavate pati. Byaggho vegam sandharetum asakkonto gantva suppapabbharavate patitva punjakato atthasi. Tacchakasukaro vegena utthaya avata uttaretva tassa antarasatthimhi dadham otaretva yava hadaya phaletva gacchati. Mamsam khaditva mukhena damsitva bahiavate patetva ganhatha mamsanti aha. Pathamagata ekavarameva tundotaranamattam labhimsu. Paccha agata alabhitva Byagghamamsamnama kidisanti vadimsu. Tacchakasukaro avata uttaritva sukare oloketva kim nukho na tussathati aha. Sami eko tava byaggho gahito anno paneko dusakabyaggho gahito anno paneko byagghanayako atthiti. Konamesoti. Byagghena abhatabhatam mamsam khadako kutajatiloti. Tenahi etha ganhissama nanti tehi saddhim vegena pakkhandi. Jatilo byaggho cirayatiti tassa agamanamaggam olokento bahu sukare agacchante disva ime byaggham maretva mama maranatthaya agacchanti manneti palayitva ekam udumbararukkham abhiruhi. Sukara etam rukkham arulhoti vadimsu. Kim rukkhanti. Udumbararukkhanti. Tenahi ma cintayittha idani nam ganhissamati tarunasukare pakkositva rukkhamulato pamsum apabyuhapesi sukarihi mukhapuram udakam aharapesi mahadadhasukarehi samanta mulani chindapesi ekam ujukam otinnamulameva atthasi tato sesasukare tumhe apethati ossaretva jannukehi patitthahitva dadhena mule pahari. Pharasuna pahatamviya chinditva tam rukkham parivattetva kutajatilam patitamattameva sampaticchitva mamsam bhakkhesum. Tam acchariyam disva rukkhadevata gathamaha sadhu sambahula nati api rukkha arannaja sukarehi samaggehi byaggho ekayane hatoti. Tattha ekayane hatoti ekamaggasmimyeva hato. Ubhinnampi ca nesam hatabhavam pakasento sattha imam gathamaha Brahmananceva bayagghanca ubho hantavana sukara anandino pamodita mahanadamanadimsuti. Puna tacchakasukaro pucchi annepi vo amitta atthiti. Sukara natthi samiti vatva tam abhisincitva rajanam karissamati udakam pariyesanta jatilassa paniyasankham disva tam dakkhinavattam sankharatanam puretva udakam aharitva tacchakasukaram udumbaramuleyeva abhisincimsu. Abhisekaudakam abhisittam sukarim tassa aggamahesim karimsu. Tato patthaya udumbarabhaddapithe nisidapetva dakkhinavattasankhena abhisekakaranam pavattam. Tampi attham pakasento sattha osanagathamaha tesudumbaramulasmim sukara susamagata tacchakam abhisincimsu tvam no rajasi issaroti. Tattha tesudumbaramulasminti te sukara sukaronipatamattam. Udumbaramulasminti udumbarassa mule. Sattha imam dhammadesanam aharitva na bhikkhave idaneva pubbepi dhanuggahatisso yuddhasamvidhane chekoti vatva jatakam samodhanesi tada kutajatilo devadatto ahosi tacchakasukaro dhanuggahatisso rukkhadevata pana ahamevati. Tacchakasukarajatakam navamam. ------------The Pali Atthakatha in Roman Book 40 page 338-347. http://84000.org/tipitaka/atthapali/read_rm.php?B=40&A=6889&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=40&A=6889&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=1975 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=7658 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=8040 The Pali Tipitaka in Roman Character :- http://84000.org/tipitaka/read/roman_read.php?B=27&A=8040 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]