AtthaPali Vol.50

35. 3. Mahakaccanattherapadanavannana padumuttaranathassatyadikam ayasmato mahakaccanattherassa apadanam. Ayampi purimabuddhesu katadhikaro tattha tattha bhave vivattupanissayani punnani upacinanto padumuttarassa bhagavato kale gahapatimahasalakulagehe nibbattitva vuddhippatto ekadivasam satthu santike dhammam sunanto satthara sankhittena bhasitassa vittharena attham vibhajantanam aggatthane thapiyamanam ekam bhikkhum disva @Footnote: ^1-1 cha.Ma. kappasatasahassadevamanussesu ubhayasampattiyo anubhavitva. @^2-2 cha.Ma. pattaarahattaphalo. ³ cha.Ma. ayam patho na dissati. Sayampi tam thanantaram patthento panidhanam katva ^1- danadini punnani katva devamanussesu samsaranto sumedhassa bhagavato kale vijjadharo hutva akasena gacchanto sumedham bhagavantam ^2- vanasande nisinnam disva pasannamanaso kanikarapupphehi pujam akasi. So tena punnakammena aparaparam sugatisuyeva parivattetva kassapassa dasabalassa kale baranasiyam kulaghare nibbattitva parinibbute bhagavati suvannacetiyakaranatthanam satasahassagghanikaya ^3- suvannitthakaya pujam katva "bhagava mayham etassa nissandena ^4- nibbattanibbattatthane sariram suvannavannam hotu"ti patthanam akasi. Tato yavajivam kusalakammam katva ekabuddhantaram devamanussesu samsaritva imasmim buddhuppade ujjeniyam ranno candapajjotassa purohitassa gehe nibbatti, tassa namaggahanadivase matapitaro "amhakam putto suvannavanno attano namam gahetva agato"ti kancanamanavotveva namam karimsu. So vuddhimanvaya tayo vede ugganhitva pitu accayena purohitatthanam labhi. So gottavasena kaccanoti pannayittha. Raja candapajjoto buddhuppadam sutva "acariya tvam tattha gantva sattharam idhanehi"ti pesesi. So attatthamo satthu santikam upagato. Tassa sattha dhammam desesi. Desanapariyosane so sattahi janehi saddhim saha patisambhidahi arahatte patitthasi. Atha sattha "etha bhikkhavo"ti hattham pasaresi. Te tavadeva dvangulamattakesamassuka iddhimayapattacivaradhara vassasatikatthera ^5- viya ahesum. Evam thero sadattham nipphadetva "bhante raja candapajjoto tumhakam @Footnote: ¹ cha.Ma. panidhanam katvati na dissati. ² cha.Ma. sattharam. ³ cha.Ma. dasasahassagghanikaYu. @⁴ cha.Ma. etassa nissandenati na dissati. ⁵ cha.Ma. vassasatthikattheRa. Pade vanditum dhammanca sotum icchati"ti satthu arocesi. Sattha "tvamyeva bhikkhu tattha gaccha, tayi gatepi raja pasidissati"ti aha. Thero attatthamo tattha gantva rajanam pasadetva avantisu sasanam patitthapetva puna satthu santikameva gato. [31] Evam so pattaarahattaphalo "etadaggam bhikkhave mama savakanam bhikkhunam sankhittena bhasitassa vittharena attham vibhajantanam yadidam mahakaccayano"ti ^1- etadaggatthanam patva attano pubbakammam saritva pubbacaritapadanam pakasento padumuttaranathassatyadimaha. Tattha padumam nama cetiyanti padumehi chaditatta va padumakarehi katatta va bhagavato vasanagandhakutiviharova pujaniyabhavena cetiyam, yatha "gotamakacetiyam, alavakacetiyan"ti vutte tesam yakkhanam nivasanatthanam pujaniyatthanatta cetiyanti vuccati, evamidam bhagavato vasanatthanam cetiyanti vuccati, na dhatunidhayakacetiyanti veditabbam. Na hi aparinibbutassa bhagavato sariradhatunam abhava dhatucetiyam akari. Silapatam ^2- karayitvati tassa padumanamikaya gandhakutiya pupphadharatthaya hettha phalikamayam silapatam karetva. Suvannenabhilepayinti tam silapatam jambonadasuvannena abhivisesena lepayim chadesinti attho. [32] Ratanamayam sattahi ratanehi katam chattam paggayha muddhani dharetva valavijaninca setapavaracamarivijanim ^3- paggayha buddhassa abhiropayim. Lokabandhussa tadinoti sakalalokabandhusadisassa tadigunasamangino buddhassa dharesinti attho. Sesam uttanatthamevati. Mahakaccanattherapadanavannana nitthita. ----------- @Footnote: ¹ an.ekaka. 20/197/23. ² cha.Ma. silasanam. @³ cha.Ma. setapavaracamarinca.

The Pali Atthakatha in Roman Book 50 page 63-65. http://84000.org/tipitaka/atthapali/read_rm.php?B=50&A=1396&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=1396&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=35 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=1934 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=2490 The Pali Tipitaka in Roman Character :- http://84000.org/tipitaka/read/roman_read.php?B=32&A=2490 Contents of The Tipitaka Volume 32 http://84000.org/tipitaka/read/?index_32