AtthaPali Vol.50

51. 9. Subhaddattherapadanavannana padumuttaro lokavidutiadikam ayasmato subhaddattherassa apadanam. Ayampi purimabuddhesu katadhikaro tattha tattha bhave nibbanadhigamanatthaya punnani upacinanto padumuttarassa bhagavato kale vibhavasampanne saddhasampanne ekasmim kulagehe nibbatto vinnutam patva gharabandhanena baddho ratanattaye pasanno parinibbanamance nipannam padumuttaram bhagavantam disva sannipatita dasasahassa- cakkavaladevatayo ca disva pasannamanaso niggundiketakanilakasokasitadianekehi Sugandhapupphehi pujesi. So tena punnakammena yavatayukam thatva tato cavitva tusitadisu dibbasampattiyo anubhavitva tato manussesu manussasampattiyo anubhavitva nibbattanibbattatthanesu ca sugandhehi pupphehi pujito ahosi. Imasmim pana buddhuppade ekasmim vibhavasampanne kule nibbattitva vinnutam patto kamesu adinavam disvapi yava buddhassa bhagavato parinibbanakalo tava aladdhabuddha- dassano bhagavato parinibbanamance nipannakaleyeva pabbajitva arahattam papuni. Pubbe katapunnanamena subhaddoti pakato ahosi. [101] So attano pubbakammam saritva somanassavasena pubbacaritapadanam pakasento padumuttaro lokavidutiadimaha. Tam uttanatthameva. Sunatha mama bhasato .pe. Nibbayissatinasavoti idam parinibbanamance nipannova padumuttaro bhagava byakasi. Pancamabhanavaravannana nitthita. ------------ [115] So attano patipattim dassento pubbakammena samyuttotiadimaha. Ekaggoti ekaggacitto. Susamahitoti sutthu samahito, santakayacittoti attho. Buddhassa oraso puttoti buddhassa urasa hadayena niggataovadanusasanim sutva pattaarahattaphaloti attho. Dhammajomhi sunimmitoti dhammato kammatthanakammato ^1- jato ariyaya jatiya sunimmito sutthu nipphaditasabbakicco amhi bhavamiti attho. [116] Dhammarajam upagammati dhammena sabbasattanam rajanam issarabhutam bhagavantam upagantva samipam gantvati attho. Apucchim panhamuttamanti uttamam khandhayatanadhatusaccasamuppadadipatisamyuttam panham apucchinti attho. Kathayanto ca @Footnote: ¹ cha.Ma. kammatthanadhammato. Me panhanti eso amhakam bhagava me mayham panham kathayanto byakaronto. Dhammasotam upanayiti anupadisesanibbanadhatusankhatam dhammasotam dhammapavaham upanayi pavisiti attho. [118] Jalajuttamanayakoti padumuttaranamako makarassa yakaram katva katavoharo. Nibbayi anupadanoti upadane pancakkhandhe aggahetva nibbayi na pannayi adassanam agamasi, manussalokadisu katthacipi apatitthitoti attho. Dipova telasankhayati vattitelanam sankhaya abhava padipo iva nibbayiti sambandho. [119] Sattayojanikam asiti tassa parinibbutassa padumuttarassa bhagavato ratanamayam thupam sattayojanubbedham asi ahositi attho. Dhajam tattha apujesinti tattha tasmim cetiye sabbabhaddam sabbato bhaddam sabbaso manoramam dhajam pujesinti attho. [120] Kassapassa ca buddhassati padumuttarassa bhagavato kalato patthaya agatassa devamanussesu samsarato me mayham oraso putto tisso nama kassapassa sammasambuddhassa aggasavako jinasasane buddhasasane dayado asi ahositi sambandho. [121] Tassa hinena manasati tassa mama puttassa tissassa aggasavakassa hinena lamakena manasa cittena abhaddakam asundaram ayuttakam "antako pacchimo"ti vacam vacanam abhasim kathesinti attho. Tena kammavipakenati tena arahantabhakkhanasankhatassa akusalakammassa vipakena. Pacchime addasam jinanti pacchime pariyosane parinibbanakale mallanam upavattane salavane Parinibbanamance nipannam jinam jitasabbamaram ^1- amhakam gotamasammasambuddham addasam ahanti attho. "paccha me asi bhaddakan"tipi patho. Tassa paccha tassa bhagavato avasanakale nibbanasannakale me mayham bhaddakam sundaram catusaccapativijjhanam asi ahositi attho. [122] Pabbajesi mahaviroti mahaviriyo sabbasattahito karunayutto jitamaro muni mallanam upavattane salavane pacchime sayane parinibbanamance sayitova mam pabbajesiti sambandho. [123] Ajjeva dani pabbajjati ajja eva bhagavato parinibbanadivaseyeva mama pabbajja, tatha ajja eva upasampada, ajja eva dvipaduttamassa sammukha parinibbanam ahositi sambandho. Sesam suvinneyyamevati. Subhaddattherapadanavannana nitthita. ---------------

The Pali Atthakatha in Roman Book 50 page 87-90. http://84000.org/tipitaka/atthapali/read_rm.php?B=50&A=1943&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=1943&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=51 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=2334 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=2956 The Pali Tipitaka in Roman Character :- http://84000.org/tipitaka/read/roman_read.php?B=32&A=2956 Contents of The Tipitaka Volume 32 http://84000.org/tipitaka/read/?index_32