AtthaPali Vol.50

52. 10. Cundattherapadanavannana siddhatthassa bhagavatotiadikam ayasmato cundattherassa apadanam. Ayampi purimabuddhesu katapunnasambharo tattha tattha bhave vivattupanissayani punnani upacinanto siddhatthassa bhagavato kale vibhavasampanne kule nibbatto vinnutam patva satthari pasiditva sattaratanamayam suvannagghiyam karetva sumanapupphehi chadetva bhagavantam pujesi. Tani pupphani akasam samuggantva vitanakarena atthamsu. Atha nam bhagava "anagate gotamassa nama bhagavato sasane cundo nama savako bhavissati"ti byakasi. So tena punnakammena tato cuto @Footnote: ¹ i. jitapancamaram Devaloke uppanno ^1- kamena chasu kamavacaradevesu sukham anubhavitva manussesu cakkavattiadisampattiyo ca anubhavitva imasmim buddhuppade brahmanakule rupasariya putto sariputtattherassa kanittho hutva nibbatti. Tassa vinnutam pattassa arohaparinaharupavayanam sundarataya sakarassa cakaram katva cundoti namam karimsu. So vayappatto gharavase adinavam pabbajjaya ca anisamsam disva bhatuttherassa santike pabbajitva vipassanam vaddhetva nacirasseva arahattam papuni. [125] So pattaarahattaphalo ekadivasam attano pubbakammam saritva somanassajato pubbacaritapadanam pakasento siddhatthassa bhagavatotiadimaha. Tam hettha vuttatthameva. Agghiyantiadayopi uttanatthayeva. [128] Vitinnakankho sambuddhoti visesena maggadhigamena vicikicchaya khepitatta vitinnakankho asamsayo sambuddho. Tinnoghehi purakkhatoti kamoghadinam catunnam oghanam tinnatta atikkantatta oghatinnehi khinasavehi purakkhato parivaritoti attho. Byakaranagatha uttanatthayeva. [139] Upatthahim mahaviranti uttamatthassa nibbanassa pattiya papunanatthaya kappasatasahassadhikesu caturasankhyeyyesu kappesu paramiyo purentena kataviriyatta mahaviram buddham upatthahim upatthanam akasinti attho. Anne ca pesale bahuti na kevalameva buddham upatthahim, pesale piyasile silavante anne ca bahuaggappatte savake, me mayham bhataram sariputtattheranca upatthahinti sambandho. @Footnote: ¹ cha.Ma. upapanno [140] Bhataram me upatthahitvati mayham bhataram upatthahitva vattapativattam katva tassa parinibbutakale bhagavato pathamam parinibbutatta tassa dhatuyo gahetva pattamhi okiritva lokajetthassa naranam asabhassa buddhassa upanamesim adasinti attho. [141] Ubho hatthehi paggayhati tam maya dinnam dhatum so bhagava attano ubhohi hatthehi pakarena gahetva tam dhatum sam sutthu dassayanto aggasavakam sariputtattheram kittayi pakasesiti attho. Sesam uttanatthamevati. Cundattherapadanavannana nitthita. Pancamavaggavannana nitthita. ------------

The Pali Atthakatha in Roman Book 50 page 90-92. http://84000.org/tipitaka/atthapali/read_rm.php?B=50&A=2005&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=2005&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=52 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=2381 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=3011 The Pali Tipitaka in Roman Character :- http://84000.org/tipitaka/read/roman_read.php?B=32&A=3011 Contents of The Tipitaka Volume 32 http://84000.org/tipitaka/read/?index_32