AtthaPali Vol.50

21. 9. Sopakattherapadanavannana pabbharam sodhayantassatiadikam ayasmato sopakattherassa apadanam. Ayampi purimabuddhesu katadhikaro tattha tattha bhave vivattupanissayani punnani upacinanto siddhatthassa bhagavato kale annatarassa kutumbikassa putto hutva nibbatti. Ekadivasam sattharam disva bijapuraphalani satthu upanesi, paribhunji bhagava tassanukampam upadaya. So bhikkhu satthari samghe ca abhippasanno salakabhattam patthapetva samghuddesavasena tinnam bhikkhunam yavatayukam khirabhattam adasi. So tehi punnehi aparaparam devamanussesu sampattiyo anubhavanto ekada manussayoniyam nibbatto ekassa paccekabuddhassa khirabhattam adasi. Evam tattha tattha punnani katva sugatisuyeva paribbhamanto imasmim buddhuppade purimakammanissandena savatthiyam annataraya duggatitthiya kucchimhi patisandhim ganhi. Sa tam dasamase kucchina pariharitva paripakke gabbhe

--------------------------------------------------------------------------------------------- page31.

Vijayanakale vijayitum asakkonti muccham apajjitva bahuvelam mata viya nipajji. Nataka "mata"ti sannaya susanam netva citakam aropetva devatanubhavena vatavutthiya utthitaya aggim adatva pakkamimsu. Darako pacchimabhavikatta devatanubhaveneva arogo hutva matukucchito nikkhami. Mata pana kalamakasi. Devata manussarupenupagamma tam gahetva susanagopakassa gehe thapetva katipaham kalam patirupena aharena posesi. Tato param susanagopako attano puttam katva vaddhesi. So tatha vaddhento tassa puttena suppiyena nama darakena saddhim kilanto vicari. Tassa susane jatasamvaddhabhavato sopakoti samanna ahosi. Athekadivasam sattavassikam tam bhagava paccusavelayam nanajalam pattharitva veneyyabandhave olokento nanajalassa antogatam ^1- disva susanatthanam agamasi. Darako pubbahetuna codiyamano pasannamanaso sattharam upasankamitva vanditva atthasi. Sattha tassa dhammam kathesi. So dhammam sutva pabbajjam yacitva pitara "anunnatosi"ti vutto pitaram satthu santikam anesi. Tassa pita sattharam vanditva "imam darakam pabbajetha bhante"ti anujani, tam pabbajetva bhagava mettabhavanaya niyojesi. So mettakammatthanam gahetva susane viharanto nacirasseva mettajhanam padakam katva vipassanam vaddhetva arahattam sacchakasi. Araha hutvapi annesam sosanikabhikkhunam mettabhavanavidhim dassento "yathapi ekaputtasmin"ti ^2- gatham abhasi. Idam vuttam hoti:- yatha ekaputtake piye manape mata pita ca kusali ekantahitesi bhaveyya, evam puratthimadibhedasu sabbasu disasu kamabhavadibhedesu va sabbesu bhavesu @Footnote: ¹ Ma. antogadham. ² khu.thera. 26/33/266.

--------------------------------------------------------------------------------------------- page32.

Daharadibhedasu sabbasu avatthasupi thitesu sabbesu sattesu ekantahitesitaya kusali bhaveyya "mitto, udasino, paccatthiko"ti simam akatva simaya sambhedavasena sabbattha ekarasam mettam bhaveyyati imam pana gatham vatva "sace tumhe ayasmanto evam mettam bhaveyyatha, ye te bhagavata `sukham supati'tiadina ^1- ekadasamettanisamsa ca vutta, ekamsena tesam bhagino bhavatha"ti ovadam adasi. [112] Evam so pattaphaladhigamo attano katapunnam paccavekkhitva sanjatasomanasso pubbacaritapadanam dassento pabbharam sodhayantassatiadimaha. Tattha pabbharanti silapabbatassa vivekatthanam, tam pabbajitanurupatta itthakapakaram katva dvarakavatam yojetva bhikkhunam vasanatthaya adasi, pakarena bharo patthetabboti pabbharo. Tam sodhayantassa mama santikam siddhattho nama bhagava agacchi papuni. [113] Buddham upagatam disvati evam mama santikam agatam disva tadino itthanitthesu akampiyasabhavatta tadigunayuttassa lokajetthassa buddhassa santharam tinapannadisantharam katthattharam pannapetvana nitthapetva pupphasanam pupphamayam asanam aham adasim. [114] Pupphasane nisiditvati tasmim pannatte pupphasane nisiditva lokanayako siddhattho bhagava. Mamanca gatimannayati mayham gatim ayatim uppattitthanam annaya janitva aniccatam aniccabhavam udahari kathesi. [115] Anicca vata sankharati vata ekantena sankhara paccayehi samecca samagantva kariyamana sabbe sappaccayadhamma hutva abhavatthena @Footnote: ¹ vi.pa. 8/331/298, an.ekadasaka. 24/15/284.

--------------------------------------------------------------------------------------------- page33.

Anicca. Uppadavayadhamminoti uppajjitva vinassanasabhava uppajjitva patubhavitva ete sankhara nirujjhanti vinassantiti attho. Tesam vupasamo sukhoti tesam sankharanam visesena upasamo sukho, tesam vupasamakaram nibbanameva ekantasukhanti attho. [116] Idam vatvana sabbannuti sabbadhammajananako bhagava lokanam jettho vuddho naranam asabho padhano viro idam aniccapatisamyuttam dhammadesanam vatvana kathetva ambare akase hamsaraja iva nabham ^1- akasam abbhuggamiti sambandho. [117] Sakam ditthim attano laddhim khantim rucim ajjhasayam jahitvana pahaya. Bhavayaniccasannahanti anicce aniccanti pavattasannam aham bhavayim vaddhesim manasi akasim. Tattha kalakato ^2- ahanti tattha tissam jatiyam tato jatito aham kalam kato mato. [118] Dve sampatti anubhotvati manussasampattidibbasampattisankhata dve sampattiyo anubhavitva. Sukkamulena coditoti puranakusalamulena, mulabhutena kusalena va codito sancodito. Pacchime bhave sampatteti ^3- pariyosane bhave sampatte papunite. Sapakayonupagaminti sakam pacitabhattam sapakam yonim upagamim. Yassa kulassa attano pacitabhattam annehi abhunjaniyam, tasmim candalakule nibbattosmiti attho. Atha va sa vuccati sunakho, sunakhocchitthabhattabhunjanaka- candalakule jatoti attho. Sesam uttanatthamevati. Sopakattherapadanavannana nitthita. -------------- @Footnote: ¹ pali. nabhe. ² cha.Ma. kalam kato. ³ pali. pacchimabbhavasampatto.

The Pali Atthakatha in Roman Book 50 page 30-33. http://84000.org/tipitaka/atthapali/read_rm.php?B=50&A=650&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=650&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=32&i=21 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=1433 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=1883 The Pali Tipitaka in Roman Character :- http://84000.org/tipitaka/read/roman_read.php?B=32&A=1883 Contents of The Tipitaka Volume 32 http://84000.org/tipitaka/read/?index_32