บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
9. Yathakammupagatananakathavannana [377] Idani yathakammupagatananakatha nama hoti. Tattha yesam "iti dibbena cakkhuna visuddhena .pe. Yathakammupage satte pajanati"ti 1- suttam ayoniso gahetva yathakammupagananameva dibbacakkhunti laddhi, te sandhaya puccha sakavadissa, patinna itarassa. Puna yathakammupagatanca manasi karotiti puttho ekacittassa arammanadvayabhava patikkhipati. Dutiyam puttho nanacittavasena patijanati. Puna lesokasam adatva dvinnam phassananti puttho patikkhipati. Iti yatha imina yathakammupagatapadena, evameva ime vata bhonto sattatiadipadehipi saddhim yojanasu attho veditabbo. [378] Ayasma sariputto yathakammupagatam nanam janatiti idam sakavadi yasma thero appicchataya abhinnananani na valanjetiti ekacce na jananti, tani panassa neva atthiti mannanti, tasma tam "dibbacakkhuno alabhi thero"ti mannamanam pucchati. Teneva karanena "atthayasmato sariputtassa dibbacakkhu"ti parato puttho patikkhipati. Dutiyam puttho yankinci savakena pattabbam, sabbantam therena anuppattanti patijanati. Idanissa vikkhepam karonto sakavadi nanu ayasma @Footnote: 1 di.Si. 9/246/83, khu.pati. 31/257/169 (sya) Sariputtotiadimaha. Imanhi gatham thero valanjanapanidhiyaeva abhavena aha, na abhinnanananam 1- abhavena. Paravadi pana abhavenevati attham sallakkheti. Tasma tassa laddhiya therassa yathakammupagatananameva atthi, no dibbacakkhu. Tena vuttam "tena hi na vattabbam yathakammupagatananam dibbacakkhu"ti. Yathakammupagatananakathavannana nitthita. ----------The Pali Atthakatha in Roman Book 55 page 198-199. http://84000.org/tipitaka/atthapali/read_rm.php?B=55&A=4450&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=4450&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=36&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A= The Pali Tipitaka in Roman Character :- http://84000.org/tipitaka/read/roman_read.php?B=36&A= Contents of The Tipitaka Volume 36 http://84000.org/tipitaka/read/?index_36
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]