AtthaPali Vol.55

21. Atthipaccayaniddesavannana [21] Atthipaccayaniddese cattaro khandhatiadihi sahajatavasena atthipaccayo niddittho. Cakkhvayatanantiadihi purejatavasena. Yam rupam nissayati ettha sahajatapurejatavasena atthipaccayo niddittho. Evamayam pali sahajatananneva atthipaccayavasena agata. Panhavare pana sahajatam purejatam pacchajatamaharamindriyantiimesam vasenaagatatta pacchajataaharindriyavasenapi atthipaccayo labbhati. Idha pana savasesadesana katati ayam tavettha palivannana. Ayam pana atthipaccayo nama duvidho annamannato na annamannato. Tattha annamannam tividham arupam arupena, rupam rupena, ruparupam ruparupena.

--------------------------------------------------------------------------------------------- page440.

"cattaro khandha arupino"ti ettha hi sabbacittuppattivasena arupam arupena vuttam. "cattaro mahabhuta"ti ettha sabbasantativasena rupam rupena. "okkantikkhane namarupan"ti ettha patisandhikkhandhananceva vatthuno ca vasena ruparupam ruparupena vuttam. Na annamannampi tividham arupam arupassa, rupam rupassa, rupam arupassa. "cittacetasika dhamma"ti ettha hi pancavokaravasena arupam rupassa vuttam. "mahabhuta upadarupanan"ti ettha sabbasantativasena rupam rupassa. "cakkhvayatanam cakkhuvinnanadhatuya"tiadisu vattharammanavasena rupam arupassa atthipaccayoti vuttam. Apicesa atthipaccayo nama sankhepato khanattayappattam namanceva rupanca, vattamana pancakkhandhatipi vattum vattati. So jatibhedato kusalakusalavipakakiriya- rupavasena pancadha bhijjati. Tattha kusalo sahajatapacchajatavasena duvidho hoti, tatha akusalo vipakakiriyasankhato ca. Tesu kusalo kamavacaradivasena ^1- catudha bhijjati, akusalo kamavacarova, vipako catubhumiko, kiriyasankhato tebhumiko. Rupasankhato atthipaccayo kamavacarova. So pana sahajatapurejatavasena duvidho. Tattha panca vatthuni arammanani ca purejataneva, hadayavatthu sahajatam va hoti purejatam va. Panhavare pana agato aharo indriyanca sahajatadibhedam na labbhatiti evamettha nanappakarabhedato vinnatabbo vinicchayo. Evam bhinne panettha catubhumikakusalopi sahajato atthipaccayo pancavokare "eko khandho tinnannam khandhanan"tiadina nayena annamannam khandhananceva cittasamutthanarupassa ca, thapetva pana rupavacarakusalam avaseso arupe sampayuttak- khandhananneva sahajatakusalo atthipaccayena paccayo hoti. Catubhumiko panesa pancavokare catusamutthanikatisamutthanikakayassa pacchajatakusalo ^2- atthipaccayena paccayo hoti. Akusalepi eseva nayo. Sopi hi pancavokare sampayuttakkhandhananceva @Footnote: ¹ cha.Ma. kamavacaradibhedena ² cha.Ma. pacchajato kusalo

--------------------------------------------------------------------------------------------- page441.

Cittasamutthanarupassa ca, catuvokare sampayuttakkhandhananneva sahajatakusalo ^1- atthipaccayena paccayo, pancavokare catusamutthanikatisamutthanikakayassa pacchajatakusalo atthipaccayena paccayo. Vipakato pana kamavacararupavacaro atthipaccayo niyameneva patisandhikkhane khandhananceva katattarupassa ca sahajatatthipaccayena paccayo. Pavatte pana sampayuttakkhandhananceva cittasamutthanarupassa ca sahajatatthipaccayena paccayo, thitippattassa catusamutthanikatisamutthanikakayassa pacchajatatthipaccayena paccayo. Arupavacaravipako pana arupe uppannalokuttaravipako ca attana sampayuttak- khandhananneva sahajatatthipaccayena paccayo. Pancavokare lokuttaravipako attana ^2- sampayuttakkhandhananceva cittasamutthanarupassa ca sahajatatthipaccayena paccayo, catusamutthanikatisamutthanikakayassa pacchajatatthipaccayena paccayo. Kiriyato rupavacaro atthipaccayo sampayuttakkhandhananceva cittasamutthanarupassa ca sahajatatthipaccayena paccayo, catusamutthanikatisamutthanikakayassa pacchajatatthipaccayena paccayo. Kamavacara- rupavacara ^3- pana arupe sampayuttakkhandhananneva, pancavokare cittasamutthana- rupassapi sahajatatthipaccayena paccayo, catusamutthanikatisamutthanikakayassa pacchajatatthipaccayena paccayo. Rupasankhato pana atthipaccayo sahajato purejato aharo indriyanti catubbidho. Tattha ^4- sahajato rupatthipaccayo samutthanavasena catudha titthati. ^4- Tattha kammasamutthano sahajatatthipaccayo ekam mahabhutam tinnannam mahabhutanam, tini ekassa, dve dvinnam, mahabhuta upadarupananti evam sahajatatthipaccayena paccayo hoti. Patisandhikkhane vatthurupam kamavacararupavacaravipakakkhandhanam @Footnote: ¹ cha.Ma. sahajatakusalo ² cha.Ma. ayam patho na dissati ³ cha.Ma. kamavacararupavacaro @^4-4 cha.Ma. sahajatarupatthipaccayo catusamutthanavasena catudha thito

--------------------------------------------------------------------------------------------- page442.

Sahajatatthipaccayena paccayo hoti. Tesampi tisamutthanikarupam ekam mahabhutam tinnannam mahabhutanam, tini ekassa, dve dvinnam, mahabhuta upadarupananti evam sahajatatthi- paccayena paccayo hoti. Purejatatthipaccayo pana vatthupurejataarammanapurejatavasena duvidho hoti, so duvidhopi hettha purejatapaccaye vuttanayeneva yojetva gahetabbo. Aharatthipaccayopi hettha kabalinkaraharapaccaye yojitanayeneva yojetabbo. Idha panesa attano aniruddhakkhane paccayabhavena atthipaccayoti vutto. Rupa- jivitindriyampi hettha indriyapaccaye rupajivitindriyayojanayam vuttanayeneva gahetabbam. ^1- Idha panetampi attano aniruddhakkhaneyeva paccayabhavena atthipaccayoti vuttanti evamettha paccayuppannatopi vinnatabbo vinicchayoti. Atthipaccayaniddesavannana nitthita. ------------

The Pali Atthakatha in Roman Book 55 page 439-442. http://84000.org/tipitaka/atthapali/read_rm.php?B=55&A=9926&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=9926&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=36&i=527 เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A=2672 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A=2731 The Pali Tipitaka in Roman Character :- http://84000.org/tipitaka/read/roman_read.php?B=36&A=2731 Contents of The Tipitaka Volume 36 http://84000.org/tipitaka/read/?index_36