อรรถกถาเล่มที่ ๒ ภาษาบาลีอักษรไทย
 วินย.อ. (สมนฺต.๒)

     {๕๗๐} จตุตฺถสิกฺขาปเท ฯ อวรุทฺธา โหนฺตีติ ปฏิวิรุทฺธา โหนฺติ ฯ
     {๕๗๓} ปญฺจนฺนํ ปฏิสํวิทิตนฺติ ปญฺจสุ สหธมฺมิเกสุ ยงฺกิญฺจิ เปเสตฺวา
ขาทนียํ วา โภชนียํ วา อาหริสฺสามาติ ปฏิสํวิทิตํ กตํปิ
อปฏิสํวิทิตเมวาติ อตฺโถ ฯ อารามํ อารามูปจารํ เปตฺวาติ
อารญฺกเสนาสนารามํ จ ตสฺส อุปจารํ จ เปตฺวา อุปจารโต
นิกฺขนฺตํ อนฺตรามคฺเค ภิกฺขุํ ทิสฺวา วา คามํ อาคตสฺส วา ปฏิสํวิทิตํ
กตํปิ อปฏิสํวิทิตเมว โหตีติ เวทิตพฺพํ ฯ สเจ สาสงฺกํ โหติ
สาสงฺกนฺติ อาจิกฺขิตพฺพนฺติ กสฺมา อาจิกฺขิตพฺพํ ฯ อาราเม โจเร
วสนฺเต อมฺหากํ นาโรเจนฺตีติ วจนปริโมจนตฺถํ ฯ โจรา
วตฺตพฺพา มนุสฺสา อิธูปจรนฺตีติ กสฺมา วตฺตพฺพา ฯ อตฺตโน
อุปฏฺาเกหิ อมฺเห คณฺหาเปนฺตีติ วจนปริโมจนตฺถํ ฯ ยาคุยา
ปฏิสํวิทิเต ตสฺสา ปริวาโร อาหรียตีติ ยาคุยา ปฏิสํวิทิตํ กตฺวา
กึ สุทฺธยาคุยา ทินฺนาย ปูวภตฺตาทีนิปิ เอติสฺสา ยาคุยา ปริวารํ
กตฺวา ทสฺสามาติ เอวํ ยงฺกิญฺจิ อาหรนฺติ สพฺพํ ปฏิสํวิทิตเมว
โหติ ฯ ภตฺเตน ปฏิสํวิทิเตติอาทีสุปิ เอเสว นโย ฯ อสุกนฺนาม
กุลํ ปฏิสํวิทิตํ กตฺวา ขาทนียาทีนิ คเหตฺวา คจฺฉตีติ สุตฺวา
อญฺานิปิ เตน สทฺธึ อตฺตโน เทยฺยธมฺมํ อาหรนฺติ วฏฺฏติ ฯ
ยาคุยา ปฏิสํวิทิตํ กตฺวา ปูวํ วา ภตฺตํ วา อาหรนฺติ เอตํปิ
วฏฺฏตีติ กุรุนฺทิยํ วุตฺตํ ฯ {๕๗๕} คิลานสฺสาติ อปฏิสํวิทิเตปิ คิลานสฺส
อนาปตฺติ ฯ ปฏิสํวิทิเต วา คิลานสฺส วา เสสกนฺติ เอกสฺสตฺถาย
ปฏิสํวิทิตํ กตฺวา อาหฏํ ตสฺส เสสกํ อญฺสฺสาปิ ภุญฺชิตุํ
วฏฺฏติ ฯ จตุนฺนํ วา ปญฺจนฺนํ วา ปฏิสํวิทิตํ กตฺวา พหุํ
อาหฏํ โหติ อญฺเสํปิ ทาตุํ อิจฺฉนฺติ ฯ เอตํปิ ปฏิสํวิทิตเสสกเมว
สพฺเพสํปิ วฏฺฏติ ฯ อถ อธิกเมว โหติ สนฺนิธึ โมเจตฺวา
ปิตํ ทุติยทิวเสปิ วฏฺฏติ ฯ คิลานสฺส อาหฏาวเสเสปิ เอเสว
นโย ฯ ยํ ปน อปฏิสํวิทิตเมว กตฺวา อาหฏํ ตํ พหิอารามํ
เปเสตฺวา ปฏิสํวิทิตํ กาเรตฺวา อาหราเปตพฺพํ ฯ ภิกฺขูหิ วา
คนฺตฺวา อนฺตรามคฺเค คเหตพฺพํ ฯ ยํปิ วิหารมชฺเฌน คจฺฉนฺตา วา
วนจรกาทโย วา วนโต อาหริตฺวา เทนฺติ ปุริมนเยเนว ปฏิสํวิทิตํ
กาเรตพฺพํ ฯ ตตฺถ ชาตกนฺติ อาราเม ชาตกเมว มูลขาทนียาทึ
อญฺเน กปฺปิยํ กตฺวา ทินฺนํ ปริภุญฺชโต อนาปตฺติ ฯ สเจ ปน
นํ คามํ หริตฺวา ปจิตฺวา อาหรนฺติ น วฏฺฏติ ปฏิสํวิทิตํ
กาเรตพฺพํ ฯ เสสเมตฺถ อุตฺตานเมว ฯ กินสมุฏฺานํ กิริยากิริยํ
โนสญฺาวิโมกฺขํ อจิตฺตกํ ปณฺณตฺติวชฺชํ กายกมฺมํ วจีกมฺมํ
ติจิตฺตํ ติเวทนนฺติ ฯ
     จตุตฺถปาฏิเทสนียํ สมตฺตํ วณฺณนากฺกเมนาติ ฯ
สมนฺตปาสาทิกาย วินยสํวณฺณนาย ปาฏิเทสนียวณฺณนา นิฏฺิตา ฯ
                    ---------------

             อรรถกถาภาษาบาลีอักษรไทย เล่มที่ ๒ หน้า ๔๙๐-๔๙๒.
http://84000.org/tipitaka/atthapali/read_th.php?B=2&A=10338&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=2&A=10338&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=2&i=794
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=2&A=15053
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=2&A=9492
             The Pali Tipitaka in Roman Character :-
http://84000.org/tipitaka/read/roman_read.php?B=2&A=9492
             สารบัญพระไตรปิฎกเล่มที่ ๑
http://84000.org/tipitaka/read/?index_2