อรรถกถาเล่มที่ ๑๓ ภาษาบาลีอักษรไทย
 สํ.อ. (สารตฺถ.๓)

    นิมิตฺตสฺสาทคถิตนฺติ นิมิตฺตสฺสาเทน จ คนฺถิตํ พนฺธํ. วิญฺาณนฺติ
กมฺมวิญฺาณํ. ตสฺมึ เจ สมเย กาลํ กเรยฺยาติ น โกจิ สงฺกิลิฏฺเน จิตฺเตน
กาลํ กโรนฺโต นาม อตฺถิ. สพฺพสตฺตานํ หิ ภวงฺเคเนว กาลกิริยา โหติ.
กิเลสภยํ ปน ทสฺเสนฺโต เอวมาห. สมยวเสน วา เอวํ วุตฺตํ. จกฺขุทฺวารสฺมึ
หิ อาปาถคเต อารมฺมเณ รตฺตจิตฺตํ วา ทุฏฺจิตฺตํ วา มุฬฺหจิตฺตํ วา อารมฺมณรสํ
อนุภวิตฺวา ภวงฺคํ โอตรติ, ภวงฺเค ตฺวา กาลกิริยํ กโรติ. ตสฺมึ สมเย กาลํ
กโรนฺตสฺส เทฺวว คติโย ปาฏิกงฺขา, อิมสฺส สมยสฺส วเสน ตํ วุตฺตํ.
    อิมํ ขฺวาหํ ภิกฺขเว อาทีนวนฺติ อิมํ อเนกานิ วสฺสสตสหสฺสานิ นิรเย
อนุภวิตพฺพํ ทุกฺขํ สมฺปสฺสมาโน เอวํ วทามิ ตตฺตาย อโยสลากาย อกฺขีนิ
อญฺชาเปตุกาโมติ. อิมินา นเยน สพฺพตฺถ อตฺโถ เวทิตพฺโพ. อโยสํกุนาติ
อยสูเลน. สมฺปลิมฏฺนฺติ เทฺวปิ กณฺณจฺฉิทฺทานิ วินิวิชฺฌิตฺวา ปวิยํ
อาโกฏนวเสน สมฺปลิมฏฺ.
    ตติยวาเร สมฺปลิมฏฺนฺติ นขจฺเฉทนํ ๑- ปเวเสตฺวา อุกฺขิปิตฺวา สห
ธุนฏฺเน ๒- ฉินฺทิตฺวา ปาตนวเสน สมฺปลิมฏฺ. จตุตฺถวาเร สมฺปลิมฏฺนฺติ
พนฺธนมูลํ เฉตฺวา ปาตนวเสน สมฺปลิมฏฺ. ปญฺจมวาเร สมฺปลิมฏฺนฺติ ติขิณาย
สตฺติยา กายปสาทํ อุปฺปาเฏตฺวา ปาตนวเสน สมฺปลิมฏฺ. สตฺติยาติ ๓- เอตฺถ
มหตี ทณฺฑกวาสี เวทิตพฺพา. โสตฺตนฺติ นิปชฺชิตฺวา นิทฺโทกฺกมนํ. ยถารูปานํ
วิตกฺกานํ วสํ คโต สํฆํ ภินฺเทยฺยาติ อิมินา วิตกฺกานํ ยาว สํฆเภทา
ปาปกมฺมาวหนตา ทสฺสิตา. เสสเมตฺถ อุตฺตานเมว.

             อรรถกถาภาษาบาลีอักษรไทย เล่มที่ ๑๓ หน้า ๖๐.
http://84000.org/tipitaka/atthapali/read_th.php?B=13&A=1282&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=13&A=1282&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=18&i=303
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=18&A=4669
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=18&A=4251
             The Pali Tipitaka in Roman Character :-
http://84000.org/tipitaka/read/roman_read.php?B=18&A=4251
             สารบัญพระไตรปิฎกเล่มที่ ๑๘
http://84000.org/tipitaka/read/?index_18