อรรถกถาเล่มที่ ๒๙ ภาษาบาลีอักษรไทย
 สุตฺต.อ.๒ (ปรมตฺถ.๒)

"อนิจฺจานุปสฺสนาาณํ นิจฺจนิมิตฺตโต วิมุจฺจตีติ อนิมิตฺโต วิโมกฺโข"ติอาทินา
นเยน, ราคนิมิตฺตาทีนํ วา อคฺคหเณน อนิมิตฺตโวหารํ ลภติ. ยถาห:-
            "โส ขฺวาหํ อาวุโส สพฺพนิมิตฺตานํ อมนสิการา อนิมิตฺตํ
        เจโตสมาธึ อุปสมฺปชฺช วิหรามิ. ตสฺส มยฺหํ อาวุโส อิมินา
        วิหาเรน วิหรโต อนิมิตฺตานุสาริ วิญฺาณํ โหตี"ติ. ๑-
      มานานุสยมุชฺชหาติ อิมาย อนิมิตฺตภาวนาย อนิจฺจสญฺ ๒- ปฏิลภิตฺวา
"อนิจฺจสญฺิโน เมฆิย อนตฺตสญฺา สณฺาติ, อนตฺตสญฺี อสฺมิมานสมุคฺฆาตํ
ปาปุณาตี"ติ ๓- เอวมาทินานุกฺกเมน มานานุสยํ อุชฺชห ปชห ปริจฺจชาหีติ
อตฺโถ. ตโต มานาภิสมยา, อุปสนฺโต จริสฺสสีติ อเถวํ อริยมคฺเคน มานสฺส
อภิสมยา ขยา วยา ปหานา ปฏินิสฺสคฺคา อุปสนฺโต นิพฺพุโต สีติภูโต
สพฺพทรถปริฬาหวิรหิโต ยาว อนุปาทิเสสาย นิพฺพานธาตุยา ปรินิพฺพายิ, ตาว
สุญฺตานิมิตฺตาปฺปณิหิตานํ อญฺตรญฺตเรน ผลสมาปตฺติวิหาเรน จริสฺสสิ
วิหริสฺสสีติ อรหตฺตนิกูเฏน เทสนํ นิฏฺาเปสิ.
      อิโต ปรํ ๔- "อิตฺถํ สุทํ ภควา"ติอาทิ สงฺคีติการกานํ วจนํ. ตตฺถ
อิตฺถํ สุทนฺติ อิตฺถํ สุ อิทํ, เอวเมวาติ วุตฺตํ โหติ. เสสเมตฺถ อุตฺตานตฺถเมว.
เอวํ โอวทิยมาโน จายสฺมา ราหุโล ปริปากคเตสุ วิมุตฺติปริปาจนิเยสุ ธมฺเมสุ
จูฬราหุโลวาทสุตฺตปริโยสาเน อเนเกหิ เทวตาสหสฺเสหิ สทฺธึ อรหตฺเต
ปติฏฺาสีติ.
                     ปรมตฺถโชติกาย  ขุทฺทกฏฺกถาย
                          สุตฺตนิปาตฏฺกถาย
                       ราหุลสุตฺตวณฺณนา นิฏฺิตา.
                          -------------
@เชิงอรรถ: ๑ สํ.สฬา. ๑๘/๕๒๓/๓๓๐ (สฺยา)  ๒ ก. อนิมิตฺตสญฺี
@๓ องฺ.นวก. ๒๓/๓/๒๙๖, ขุ.อุ. ๒๕/๓๑/๑๔๓  ๔ ฉ.ม. ตโต ปรํ

             อรรถกถาภาษาบาลีอักษรไทย เล่มที่ ๒๙ หน้า ๑๖๑.
http://84000.org/tipitaka/atthapali/read_th.php?B=29&A=3611&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=29&A=3611&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=25&i=328
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=25&A=8111
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=25&A=8090
             The Pali Tipitaka in Roman Character :-
http://84000.org/tipitaka/read/roman_read.php?B=25&A=8090
             สารบัญพระไตรปิฎกเล่มที่ ๒๕
http://84000.org/tipitaka/read/?index_25