อรรถกถาเล่มที่ ๒ ภาษาบาลีอักษรไทย
 วินย.อ. (สมนฺต.๒)

     {๕๒๗} เตน สมเยนาติ อุปกฺขฏสิกฺขาปทํ ฯ ตตฺถ อตฺถาวุโส มํ
โส อุปฏฺาโกติ อาวุโส ยํ ตฺวํ ภณสิ อตฺถิ เอวรูโป โส มม
อุปฏฺาโกติ อยเมตฺถ อตฺโถ ฯ อปิมยฺยา เอวํ โหตีติ อปิ
เม อยฺยา เอวํ โหติ ฯ อปิ เมยฺยา เอวํ โหตีติปิ ปาโ ฯ
     {๕๒๘-๕๒๙} ภิกฺขุํ ปเนว อุทฺทิสฺสาติ เอตฺถ อุทฺทิสฺสาติ อปทิสฺส อารพฺภ ฯ
ยสฺมา ปน ยํ อุทฺทิสฺส อุปกฺขฏํ โหติ ตํ ตสฺสตฺถาย อุปกฺขฏํ
นาม โหติ ตสฺมาสฺส ปทภาชเน ภิกฺขุสฺสตฺถายาติ วุตฺตํ ฯ
ภิกฺขุํ อารมฺมณํ กริตฺวาติ ภิกฺขุํ ปจฺจยํ กตฺวา ฯ ยํ หิ ภิกฺขุํ
อุทฺทิสฺส อุปกฺขฏํ ตํ นิยเมเนว ภิกฺขุํ ปจฺจยํ กตฺวา อุปกฺขฏํ
โหติ ฯ เตน วุตฺตํ ภิกฺขุํ อารมฺมณํ กริตฺวาติ ฯ ปจฺจโยปิ หิ
ลภติ มาโร อารมฺมณนฺติ อาทีสุ อารมฺมณนฺติ อาคโต ฯ อิทานิ
อุทฺทิสฺสาติ เอตฺถ โย กตฺตา ตสฺส อาการทสฺสนตฺถํ ภิกฺขุํ
อจฺฉาเทตุกาโมติ วุตฺตํ ฯ ภิกฺขุํ อจฺฉาเทตุกาเมน หิ เตน ตํ
อุทฺทิสฺส อุปกฺขฏํ น อญฺเน การเณน ฯ อิติ โส อจฺฉาเทตุกาโม
โหติ ฯ เตน วุตฺตํ ภิกฺขุํ อจฺฉาเทตุกาโมติ ฯ อญฺาตกสฺส
คหปติสฺส วาติ อญฺาตกคหปตินา วาติ อตฺโถ ฯ กรณตฺเถ
หิ อิทํ สามิวจนํ ฯ ปทภาชเน ปน พฺยญฺชนํ อวิจาเรตฺวา
อตฺถมตฺตเมว ทสฺเสตุํ อญฺาตโก นาม ฯเปฯ คหปติ นามาติ อาทิ
วุตฺตํ ฯ จีวรเจตาปนนฺติ จีวรมูลํ ฯ ตํ ปน ยสฺมา หิรญฺาทีสุ
อญฺตรํ โหติ ตสฺมา ปทภาชเน หิรญฺ วาติ อาทิ วุตฺตํ ฯ
อุปกฺขฏํ โหตีติ สชฺชิตํ โหติ สํหริตฺวา ปิตํ ฯ ยสฺมา ปน
หิรญฺ วาติ อาทินา วจเนนสฺส อุปกฺขฏภาโว ทสฺสิโต โหติ
ตสฺมา อุปกฺขฏํ นามาติ ปทํ อุทฺธริตฺวา วิสุํ ปทภาชนํ น
วุตฺตํ ฯ อิมินาติ อุปกฺขฏํ สนฺธายาห ฯ เตเนวสฺส ปทภาชเน
ปจฺจุปฏฺิเตนาติ วุตฺตํ ฯ ยญฺหิ อุปกฺขฏํ สํหริตฺวา ปิตํ ตํ
ปจฺจุปฏฺิตํ โหตีติ ฯ อจฺฉาเทสฺสามีติ โวหารวจนเมตํ ฯ
อิตฺถนฺนามสฺส ภิกฺขุโน ทสฺสามีติ อยํ ปเนตฺถ อตฺโถ ฯ เตเนวสฺส
ปทภาชเนปิ ทสฺสามีติ วุตฺตํ ฯ ตตฺร เจ โส ภิกฺขูติ ยตฺร โส
คหปติ วา คหปตานี วา ตตฺร โส ภิกฺขุ ปุพฺเพ อปฺปวาริโต
อุปสงฺกมิตฺวา จีวเร วิกปฺปํ อาปชฺเชยฺย เจ อิติ อยเมตฺถ
ปทสมฺพนฺโธ ฯ ตตฺถ อุปสงฺกมิตฺวาติ อิมสฺส คนฺตฺวาติ อิมินาว
อตฺเถ สิทฺเธ ปจุรโวหารวเสน ฆรนฺติ วุตฺตํ ฯ ยตฺร ปน โส
ทายโก ตตฺร คนฺตฺวาติ อยเมตฺถ อตฺโถ ฯ ตสฺมา ปุนปิ วุตฺตํ
ยตฺถ กตฺถจิ อุปสงฺกมิตฺวาติ ฯ วิกปฺปํ อาปชฺเชยฺยาติ วิสิฏฺกปฺปํ
อธิกวิธานํ อาปชฺเชยฺย ฯ ปทภาชเน ปน เยน การเณน
วิกปฺปํ อาปนฺโน โหติ ตเมว ทสฺเสตุํ อายตํ วาติ อาทิ วุตฺตํ ฯ
สาธูติ อายาจเน นิปาโต ฯ วตาติ ปริวิตกฺเก ฯ มนฺติ อตฺตานํ
อุทฺทิสติ ฯ อายสฺมาติ ปรํ อาลปติ อามนฺเตติ ฯ ยสฺมา ปน
อทํ สพฺพํ พฺยญฺชนมตฺตเมว อุตฺตานตฺถเมว ตสฺมาสฺส ปฺทภาชเน
อตฺโถ น วุตฺโต ฯ กลฺยาณกมฺยตํ อุปาทายาติ สุนฺทรกามตํ
วิสิฏฺกามตํ จิตฺเตน คเหตฺวา ฯ ตสฺส อาปชฺเชยฺย เจ อิติ อิมินา
สมฺพนฺโธ ฯ ยสฺมา ปน โย กลฺยาณกมฺยตํ อุปาทาย อาปชฺชติ
โส สาธุตฺถิโก มหคฺฆตฺถิโก โหติ ตสฺมาสฺส ปทภาชเน พฺยญฺชนํ
ปหาย อธิปฺเปตตฺถเมว ทสฺเสตุํ ตเทว วจนํ วุตฺตํ ฯ ยสฺมา
ปน น อิมสฺส อาปชฺชนมตฺเตเนว อาปตฺติ สีสํ เอติ ตสฺมา ตสฺส
วจเนนาติ อาทิ วุตฺตํ ฯ {๕๓๑} อนาปตฺติ าตกานนฺติ อาทีสุ าตกานํ
จีวเร วิกปฺปํ อาปชฺชนฺตสฺส อนาปตฺตีติ เอวมตฺโถ ทฏฺพฺโพ ฯ
มหคฺฆํ เจตาเปตุกามสฺส อปฺปคฺฆํ เจตาเปตีติ คหปติสฺส
วีสติอคฺฆนกํ จีวรํ เจตาเปตุกามสฺส อลํ มยฺหํ เอเตน ทสคฺฆนกํ วา
อฏฺคฺฆนกํ วา เทหีติ วทโต อนาปตฺตีติ ฯ อปฺปคฺฆนฺติ อิทํ จ
อติเรกนิวารณตฺถเมว วุตฺตํ ฯ สมเกปิ ปน อนาปตฺติ ฯ ตญฺจ โข
อคฺฆวเสเนว น ปมาณวเสน ฯ อคฺฆวฑฺฒนกญฺหีทํ สิกฺขาปทํ
ตสฺมา โย วีสติอคฺฆนกํ อนฺตรวาสกํ เจตาเปตุกาโม ตํ เอตฺตกเมว
อคฺฆนกํ จีวรํ เทหีติ วตฺตุํปิ วฏฺฏติ ฯ เสสํ อุตฺตานตฺถเมว ฯ
สมุฏฺานาทีนิปิ ตทุตฺตริสิกฺขาปทสทิสาเนวาติ ฯ
              ปมอุปกฺขฏสิกฺขาปทวณฺณนา นิฏฺิตา ฯ

             อรรถกถาภาษาบาลีอักษรไทย เล่มที่ ๒ หน้า ๑๙๙-๒๐๒.
http://84000.org/tipitaka/atthapali/read_th.php?B=2&A=4185&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=2&A=4185&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=2&i=62
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=2&A=1204
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=2&A=755
             The Pali Tipitaka in Roman Character :-
http://84000.org/tipitaka/read/roman_read.php?B=2&A=755
             สารบัญพระไตรปิฎกเล่มที่ ๑
http://84000.org/tipitaka/read/?index_2