อรรถกถาเล่มที่ ๑๕ ภาษาบาลีอักษรไทย
 องฺ.อ. (มโนรถ.๒)

"เสฺวว อุโปสถิโก ภวิสฺสามี"ติ อชฺเชว "อิทญฺจิทญฺจ กเรยฺยาถา"ติ อาหาราทิ-
วิธานํ วิจาเรตพฺพํ. อุโปสถทิวเส ปาโตว ภิกฺขุสฺส วา ภิกฺขุนิยา วา ทสสีล-
ลกฺขณญฺุโน อุปาสกสฺส วา อุปาสิกาย วา สนฺติเก วาจํ ภินฺทิตฺวา
อุโปสถงฺคานิ สมาทาตพฺพานิ. ปาลึ อชานนฺเตน ปน "พุทฺธปญฺตฺตํ อุโปสถํ
อธิฏฺามี"ติ อธิฏฺาตพฺพํ. อญฺ อลภนฺเตน อตฺตนาปิ อธิฏฺาตพฺพํ, วจีเภโท
ปน กาตพฺโพเยว. อุโปสถํ อุปวสนฺเตน ปโรปโรธปฏิสํยุตฺตํ ๑- กมฺมนฺตํ น
วิจาเรตพฺพํ, อายวยคณนํ กโรนฺเตน น วีตินาเมตพฺพํ, เคเห ปน อาหารํ
ลภิตฺวา นิจฺจภตฺติกภิกฺขุนา วิย ปริภุญฺชิตฺวา วิหารํ คนฺตฺวา ธมฺโม วา
โสตพฺโพ, อฏฺตึสาย อารมฺมเณสุ อญฺตรํ วา มนสิกาตพฺพํ.
     สุทสฺสนาติ สุนฺทรทสฺสนา. โอภาสยนฺติ โอภาสมานา. อนุปริยนฺตีติ
วิจรนฺติ. ยาวตาติ ยตฺตกํ านํ. อนฺตลิกฺขคาติ อากาสํ คมา. ปภาสนฺตีติ
โชตนฺติ ปภํ ๒- มุญฺจนฺติ. ทิสาวิโรจนาติ สพฺพทิสาสุ วิโรจมานา. อถวา
ปภาสนฺตีติ ทิสาวิทิสา ๓- โอภาสนฺติ. วิโรจนาติ วิโรจมานา. เวฬุริยนฺติ มณีติ
วตฺวาปิ อิมินา ชาติมณิภาวํ ทสฺเสติ. เอกวสฺสิกเวฬุวณฺณํ หิ เวฬุริยํ ชาติมณิ
นาม. ตํ สนฺธาเยวมาห. ภทฺทกนฺติ ลทฺธกํ. สิงฺคิสุวณฺณนฺติ โคสิงฺคสทิสํ
หุตฺวา อุปฺปนฺนตฺตา เอวํ นามกํ สุวณฺณํ. กาญฺจนนฺติ  ปพฺพเตยฺยํ ปพฺพเต
ชาตสุวณฺณํ. ชาตรูปนฺติ สตฺถุวณฺณสุวณฺณํ. หฏกนฺติ กิปิลฺลิกาหิ นีหฏสุวณฺณํ.
นานุภวนฺตีติ น ปาปุณนฺติ. จนฺทปฺปภาติ สามิอตฺเถ ปจฺจตฺตํ. จนฺทปฺปภายาติ
อตฺโถ. อุปวสฺสุโปสถนฺติ อุปวสิตฺวา อุโปสถํ. สุขุทฺรยานีติ สุขผลานิ
สุขเวทนียานิ. สคฺคมุเปนฺติ านนฺติ สคฺคสงฺขาตํ านํ อุปคจฺฉนฺติ, เกนจิ
อนินฺทิตา หุตฺวา เทวโลเก อุปฺปชฺชนฺตีติ อตฺโถ. เสสเมตฺถ ยํ อนฺตรนฺตรา น
วุตฺตํ, ตํ วุตฺตานุสาเรเนว เวทิตพฺพนฺติ.
                          มหาวคฺโค ทุติโย.
@เชิงอรรถ: ๑ ฉ.ม. ปรูปโรธปฏิสํยุตฺตา  ๒ ฉ.ม. ปภา   ๓ ฉ.ม. ทิสาหิ ทิสา

             อรรถกถาภาษาบาลีอักษรไทย เล่มที่ ๑๕ หน้า ๒๒๓.
http://84000.org/tipitaka/atthapali/read_th.php?B=15&A=5165&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=15&A=5165&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=20&i=510
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=20&A=5421
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=20&A=5538
             The Pali Tipitaka in Roman Character :-
http://84000.org/tipitaka/read/roman_read.php?B=20&A=5538
             สารบัญพระไตรปิฎกเล่มที่ ๒๐
http://84000.org/tipitaka/read/?index_20