อรรถกถาเล่มที่ ๒๖ ภาษาบาลีอักษรไทย
 อุ.อ. (ปรมตฺถที.)

    ตตฺถ ททโต ปุญฺ ปวฑฺฒตีติ ทานํ เทนฺตสฺส จิตฺตสมฺปตฺติยา จ
ทกฺขิเณยฺยสมฺปตฺติยา จ ทานมยํ ปุญฺ อุปจียติ, มหปฺผลตรญฺจ มหานิสํสตรญฺจ
โหตีติ อตฺโถ. อถ วา ททโต ปุญฺ ปวฑฺฒตีติ เทยฺยธมฺมํ ปริจฺจชนฺโต ๑-
ปริจฺจาคเจตนาย พหุลีกตาย อนุกฺกเมน สพฺพตฺถ อนาปตฺติพหุโล สุวิสุทฺธสีลํ
รกฺขิตฺวา สมถวิปสฺสนญฺจ ภาเวตุํ สกฺโกตีติ ตสฺส ทานาทิวเสน ติวิธมฺปิ
ปุญฺ อภิวฑฺฒตีติ เอวเมตฺถ อตฺโถ เวทิตพฺโพ. สํยมโต สีลสํยเมน
สํยเมนฺตสฺส, สํวเร ิตสฺสาติ อตฺโถ. เวรํ น จียตีติ ปญฺจวิธเวรํ นปฺปวตฺตติ,
อโทสปฺปธานตฺตา วา อธิสีลสฺส กายวาจาจิตฺเตหิ สํยมนฺโต สุวิสุทฺธสีโล
ขนฺติพหุลตาย เกนจิ เวรํ น กโรติ, กุโต ตสฺส อุปจโย. ตสฺมาสฺส สํยมโต
สํยมนฺตสฺส, สํยมเหตุ วา เวรํ น จียติ. กุสโล จ ชหาติ ปาปกนฺติ กุสโล
ปน าณสมฺปนฺโน สุวิสุทฺธสีเล ปติฏฺิโต อฏฺตฺตึสาย อารมฺมเณสุ อตฺตโน
อนุรูปํ กมฺมฏฺานํ คเหตฺวา อุปจารปฺปนาเภทํ ฌานํ สมฺปาเทนฺโต ปาปกํ
ลามกํ กามจฺฉนฺทาทิอกุสลํ วิกฺขมฺภนวเสน ชหาติ ปริจฺจชติ. โส ตเมว ฌานํ
ปาทกํ กตฺวา สงฺขาเรสุ ขยวยํ ปฏฺเปตฺวา วิปสฺสนาย กมฺมํ กโรนฺโต
วิปสฺสนํ อุสฺสุกฺกาเปตฺวา อริยมคฺเคน อนวเสสํ ปาปกํ ลามกํ อกุสลํ สมุจฺเฉทวเสน
ชหาติ. ราคโทสโมหกฺขยา ส นิพฺพุโตติ โส เอวํ ปาปกํ ปชหิตฺวา ราคาทีนํ
ขยา อนวเสสกิเลสนิพฺพาเนน, ตโต ปรํ ขนฺธนิพฺพาเนน จ นิพฺพุโต โหตีติ.
เอวํ ภควา จุนฺทสฺส จ ทกฺขิณสมฺปตฺตึ, อตฺตโน จ ทกฺขิเณยฺยสมฺปตฺตึ
นิสฺสาย ปีติเวควิสฺสฏฺ อุทานํ อุทาเนสิ.
                       ปญฺจมสุตฺตวณฺณนา นิฏฺิตา.
                         --------------
@เชิงอรรถ: ๑ สี. ปริจฺจชนฺเตน

             อรรถกถาภาษาบาลีอักษรไทย เล่มที่ ๒๖ หน้า ๔๓๔.
http://84000.org/tipitaka/atthapali/read_th.php?B=26&A=9707&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=26&A=9707&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=25&i=162
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=25&A=4034
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=25&A=4293
             The Pali Tipitaka in Roman Character :-
http://84000.org/tipitaka/read/roman_read.php?B=25&A=4293
             สารบัญพระไตรปิฎกเล่มที่ ๒๕
http://84000.org/tipitaka/read/?index_25