อรรถกถาเล่มที่ ๑๑ ภาษาบาลีอักษรไทย
 สํ.อ. (สารตฺถ.๑)

                         ๑๐. สุริยสุตฺตวณฺณนา
     [๙๑] ทสเม สุริโยติ สุริยวิมานวาสี เทวปุตฺโต. อนฺธกาเรติ
จกฺขุวิญฺาณุปตฺตินิวารเณน อนฺธภาวกรเณ. เวโรจโนติ วิโรจโน. ๑- มณฺฑลีติ
มณฺฑลสณฺาโน. มา ราหุ คิลี จรมนฺตลิกฺเขติ อนฺตลิกฺเข จรํ สุริยํ ราหุ มา
คิลีติ วทติ. กึ ปเนส ตํ คิลตีติ. อาม คิลติ. ราหุสฺส หิ อตฺตภาโว มหา,
อุจฺจตฺตเนน อฏฺ โยชนสตาธิกานิ จตฺตาริ โยชนสหสฺสานิ, พาหนฺตรมสฺส
ทฺวาทส โยชนสตานิ, พหลนฺเตน ๒- ฉ โยชนสตานิ, สีสํ  นวโยชนสตํ, นลาตํ ๓-
ติโยชนสตํ, ภมุกนฺตรํ ปญฺาสโยชนํ, ภมุกํ ทฺวิโยชนสตํ, ๔- มุขํ ทฺวิโยชนสตํ,
ฆานํ ติโยชนสตํ, มุขาธานํ ๕- ติโยชนสตํ คมฺภีรํ, หตฺถตลปาทตลานํ ปุถุตลา
ทฺวิโยชนสตา. ๖- องฺคุลิปพฺพานิ ปณฺณรส ๗-  โยชนานิ. โส จนฺทสุริเย ๘- วิโรจมาเน
ทิสฺวา อิสฺสาปกโต เตสํ คมนวีถึ โอตริตฺวา มุขํ วิวริตฺวา ติฏฺติ. จนฺทวิมานํ
สุริยวิมานํ วา ติโยชนสติเก มหานรเก ปกฺขิตฺตํ วิย โหติ. วิมาเน อธิวตฺถา
เทวตา มรณภยตชฺชิตา เอกปฺปหาเรเนว วิรวนฺติ. โส ปน วิมานํ กทาจิ
หตฺเถนจฺฉาเทติ, กทาจิ หนุกสฺส เหฏฺา ปกฺขิปติ, กทาจิ ชิวฺหาย ปริมชฺชติ,
กทาจิ อวคณฺฑการกํ ภุญฺชนฺโต วิย กโปลนฺตเร เปติ. เวคํ ปน ธาเรตุํ ๙- น
สกฺโกติ. สเจ ธาเรสฺสามีติ ๑๐- คณฺฑกํ กตฺวา ติฏฺเยฺย, มตฺถกํ วาสฺส ๑๑-
ภินฺทิตฺวา นิกฺขเมยฺย, อากฑฺฒิตฺวา ๑๒- นํ โอณาเมยฺย. ตสฺมา วิมาเนน สเหว
คจฺฉติ. ปชํ มมาติ ๑๓- จนฺทิมสุริยา กิร เทฺวปิ เทวปุตฺตา มหาสมยสุตฺตกถนทิวเส
โสตาปตฺติผลํ ปตฺตา. เตน ภควา "ปชํ มมา"ติ ๑๓- อาห, ปุตฺโต มม
เอโสติ อตฺโถ. ทสมํ.
                            ปโม วคฺโค
                            --------
@เชิงอรรถ: ๑ ฉ.ม. วิโรจตีติ เวโรจโน  ๒ ฉ.ม., อิ. พหลตฺเตน  ๓ ฉ.ม. นลาฏํ
@๔ ฉ.ม., อิ. อิเม ปาา น ทิสฺสนฺติ     ๕ สี. มุขทฺวารํ
@๖ ฉ.ม., อิ. หตฺถ... ตลานิ ปุถุโต ทฺวิโยชนสตานิ, อิ. หตฺถ...ตลานํ
@ปุถุลโต ทฺวิโยชนสตานิ  ๗ ฉ.ม., อิ. ปณฺณาส
@๘ ฉ.ม. จนฺทิมสูริเย, อิ. จนฺทิมสุริเย, สี.จนฺทสูริเย
@๙ ฉ.ม., อิ. วาเรตุํ    ๑๐ ฉ.ม., อิ. วาเรสฺสามิ   ๑๑ ฉ.ม., อิ. ตสฺส
@๑๒ ฉ.ม., อิ. อกฑฺฒิตฺวา วา นํ โอนเมยฺย  ๑๓ ฉ.ม., อิ. มมนฺติ

             อรรถกถาภาษาบาลีอักษรไทย เล่มที่ ๑๑ หน้า ๑๐๔.
http://84000.org/tipitaka/atthapali/read_th.php?B=11&A=2721&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=11&A=2721&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=15&i=246
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=15&A=1577
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=15&A=1316
             The Pali Tipitaka in Roman Character :-
http://84000.org/tipitaka/read/roman_read.php?B=15&A=1316
             สารบัญพระไตรปิฎกเล่มที่ ๑๕
http://84000.org/tipitaka/read/?index_15