อรรถกถาเล่มที่ ๑๖ ภาษาบาลีอักษรไทย
 องฺ.อ. (มโนรถ.๓)

                            ๔. ทานวคฺค
                        ๑. ปฐมทานสุตฺตวณฺณนา
     [๓๑] จตุตฺถสฺส ปฐเม อาสชฺช ทานํ เทตีติ ปตฺวา ทานํ เทติ. อาคตํ
ทิสฺวาว ๓- ตํ มุหุตฺตํเยว นิสีทาเปตฺวา สกฺการํ กตฺวา ทานํ เทติ, ทสฺสามีติ น
กิลเมติ. ภยาติ "อยํ อทายโก อการโก"ติ ครหภยา, อปายภยา วา. อทาสิ
เมติ มยฺหํ ปุพฺเพ เอส อิทํ นาม อทาสีติ เทติ. ทสฺสติ เมติ อนาคเต
อิทํ นาม ทสฺสตีติ เทติ. สาหุ ทานนฺติ ทานํ นาม สาธุ สุนฺทรํ พุทฺธาทีหิ
ปณฺฑิเตหิ ปสตฺถนฺติ เทติ. จิตฺตาลงฺการจิตฺตปริกฺขารตฺถํ ทานํ เทตีติ
สมถวิปสฺสนาจิตฺตสฺส อลงฺการตฺถญฺเจว ปริกฺขารตฺถญฺจ เทติ. ทานญฺหิ จิตฺตํ มุทุํ
กโรติ. เยน ลทฺธํ โหติ, ๔- โส "ลทฺธํ เม"ติ มุทุจิตฺโต โหติ. เยน ทินฺนํ, โสปิ
"ทินฺนํ มยา"ติ มุทุจิตฺโต โหติ, อิติ อุภินฺนํ จิตฺตํ มุทุํ กโรติ. เตเนว
"อทนฺตทมนนฺ"ติ วุจฺจติ. ยถาห:-
           "อทนฺตทมนํ ทานํ          อทานํ ทนฺตทูสกํ ๕-
            ทาเนน ปิยวาจาย ๖-     อุนฺนมนฺติ นมนฺติ จาติ.
@เชิงอรรถ: ๑ สี. นิมฺมิตกาโยปิ  ๒ ฉ.ม. เสสํ สพฺพตฺถ อุตฺตานเมวาติ
@๓ ฉ.ม. ทิสฺวา  ๔ ฉ.ม. เยน ลทฺโธ
@๕ สี. ทานํ สพฺพตฺถสาธกํ, วิสุทฺธิ. ๒/๑๐๘ พฺรหฺมวิหารนิทฺเทส  ๖ ก. อเนน
@ปิยวาเจน, สุ.วิ. ๓/๓๓๖/๒๔๓
อิเมสุ ปน อฏฺฐสุ ทาเนสุ จิตฺตาลงฺการทานเมว อุตฺตมนฺติ.

             อรรถกถาภาษาบาลีอักษรไทย เล่มที่ ๑๖ หน้า ๒๕๓-๒๕๔.
http://84000.org/tipitaka/atthapali/read_th.php?B=16&A=5682&modeTY=2
             The Pali Atthakatha in Roman :-
http://84000.org/tipitaka/atthapali/read_rm.php?B=16&A=5682&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=23&i=121
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=23&A=4877
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=23&A=5126
             The Pali Tipitaka in Roman Character :-
http://84000.org/tipitaka/read/roman_read.php?B=23&A=5126
             สารบัญพระไตรปิฎกเล่มที่ ๒๒
http://84000.org/tipitaka/read/?index_23