บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
๔๓๒. ๓. อปราอุตฺตมาเถรีคาถาวณฺณนา ๒- เย อิเม สตฺต โพชฺฌงฺคาติอาทิกา อปราย อุตฺตมาย เถริยา คาถา. อยมฺปิ ปุริมพุทฺเธสุ กตาธิการา ตตฺถ ตตฺถ ภเว วิวฏฺฏูปนิสฺสยํ กุสลํ อุปจินนฺตี วิปสฺสิสฺส ภควโต กาเล พนฺธุมตีนคเร กุลทาสี หุตฺวา นิพฺพตฺติ. สา @เชิงอรรถ: ๑ ม. อวิราเชตฺวา, อิ. วิราเชตฺวา ๒ ก. อญฺญตรา... เอกทิวสํ สตฺถุสาวกํ เอกํ ขีณาสวตฺเถรํ ปิณฺฑาย จรนฺตํ ทิสฺวา ปสนฺนมานสา ตีณิ โมทกานิ อทาสิ. สา เตน ปุญฺญกมฺเมน เทวมนุสฺเสสุ สํสรนฺตี อิมสฺมึ พุทฺธุปฺปาเท โกสลชนปเท อญฺญตรสฺมึ พฺราหฺมณมหาสาลกุเล นิพฺพตฺติตฺวา วิญฺญุตํ ปตฺตา ชนปทจาริกํ จรนฺตสฺส สตฺถุ สนฺติเก ธมฺมํ สุตฺวา ปฏิลทฺธสทฺธา ปพฺพชิตฺวา นจิรสฺเสว สห ปฏิสมฺภิทาหิ อรหตฺตํ ปาปุณิ. เตน วุตฺตํ อปทาเน ๑-:- "นคเร พนฺธุมติยา กุมฺภทาสี อโหสหํ มม ภาคํ คเหตฺวาน คจฺฉํ อุทกหาริกา. ปนฺถมฺหิ สมณํ ทิสฺวา สนฺตจิตฺตํ สมาหิตํ ปสนฺนจิตฺตา สุมนา โมทเก ตีณิทาสหํ. เตน กมฺเมน สุกเตน เจตนาปณิธีหิ จ เอกนวุติกปฺปานิ วินิปาตํ น คจฺฉหํ. ๒- สมฺปตฺติญฺจ ๓- กริตฺวาน สพฺพํ อนุภวึ อหํ โมทเก ตีณิ ทตฺวาน ปตฺตาหํ อจลํ ปทํ. กิเลสา ฌาปิตา มยฺหํ ฯเปฯ กตํ พุทฺธสฺส สาสนนฺ"ติ. อรหตฺตํ ปน ปตฺวา อตฺตโน ปฏิปตฺตึ ปจฺจเวกฺขิตฺวา อุทานวเสน:- [๔๕] "เย อิเม สตฺตา โพชฺฌงฺคา มคฺคา นิพฺพานปตฺติยา ภาวิตา เต มยา สพฺเพ ยถา พุทฺเธน เทสิตา. [๔๖] สุญฺญตสฺสานิมิตฺตสฺส ลาภินีหํ ยทิจฺฉกํ โอรสา ธีตา พุทฺธสฺส นิพฺพานาภิรตา สทา. [๔๗] สพฺเพ กามา สมุจฺฉินฺนา เย ทิพฺพา เย จ มานุสา วิกฺขีโณ ชาติสํสาโร นตฺถิ ทานิ ปุนพฺภโว"ติ อิมา คาถา อภาสิ. @เชิงอรรถ: ๑ ขุ.อป. ๓๓/๓๐/๓๐๑ ๒ อคญฺฉหํ (สฺยา) ๓ ฉ.ม. สมฺปตฺติ ตํ ตตฺถ สุญฺญตสฺสานิมิตฺตสฺส, ลาภินีหํ ยทิจฺฉกนฺติ สุญฺญตสมาปตฺติยา จ อนิมิตฺตสมาปตฺติยา จ อหํ ยทิจฺฉกํ ลาภินี, ตตฺถ ยํ ยํ สมาปชฺชิตุํ อิจฺฉามิ ยตฺถ ยตฺถ ยทา ยทา, ตํ ตํ ตตฺถ ตตฺถ ตทา ตทา สมาปชฺชิตฺวา วิหรามีติ อตฺโถ. ยทิปิ หิ สุญฺญตาปฺปณิหิตาทินามกสฺส ยสฺส กสฺสจิปิ มคฺคสฺส สุญฺญตาทิเภทํ ติวิธมฺปิ ผลํ สมฺภวติ. อยํ ปน เถรี สุญฺญตานิมิตฺตสมาปตฺติโยว สมาปชฺชติ. เตน วุตฺตํ "สุญฺญตสฺสานิมิตฺตสฺส, ลาภินีหํ ยทิจฺฉกนฺ"ติ. เยภุยฺยวเสน วา เอตํ วุตฺตํ. นิทสฺสนมตฺตเมตนฺติ อปเร. เย ทิพฺพา เย จ มานุสาติ เย เทวโลกปริยาปนฺนา เย จ มนุสฺสโลก- ปริยาปนฺนา วตฺถุกามา, เต สพฺเพปิ ตปฺปฏิพทฺธฉนฺทราคปฺปหาเนน มยา สมฺมเทว อุจฺฉินฺนา, อปริโภคารหา กตา. วุตฺตญฺหิ "อภพฺโพ อาวุโส ขีณาสโว ภิกฺขุ กาเม ปริภุญฺชิตุํ, เสยฺยถาปิ ปุพฺเพ อคาริยภูโต"ติ. เสสํ วุตฺตนยเมว. อปราอุตฺตมาเถรีคาถาวณฺณนา นิฏฺฐิตา. --------------------อรรถกถาภาษาบาลีอักษรไทย เล่มที่ ๓๔ หน้า ๖๒-๖๔. http://84000.org/tipitaka/atthapali/read_th.php?B=34&A=1329&modeTY=2 The Pali Atthakatha in Roman :- http://84000.org/tipitaka/atthapali/read_rm.php?B=34&A=1329&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=432 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=9063 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=9121 The Pali Tipitaka in Roman Character :- http://84000.org/tipitaka/read/roman_read.php?B=26&A=9121 สารบัญพระไตรปิฎกเล่มที่ ๒๖ http://84000.org/tipitaka/read/?index_26
|
บันทึก ๒๖ มกราคม พ.ศ. ๒๕๖๑.
การแสดงผลนี้อ้างอิงข้อมูลจากอรรถกถาภาษาบาลีอักษรไทย.
หากพบข้อผิดพลาด กรุณาแจ้งได้ที่ [email protected]