อรรถกถาเล่มที่ ๕๕ ภาษาบาลีอักษรไทย
 ปญฺจ.อ. (ปรมตฺถที.)

                        ๑๐. ผลาณกถาวณฺณนา
     [๔๔๓-๔๔๔] อิทานิ ผเล าณกถา นาม โหติ. ตตฺถ "พุทฺธาปิ
สตฺตานํ อริยผลุปฺปตฺติยา ธมฺมํ เทเสนฺติ สาวกาปีติ อิมินา สามญฺเน พุทฺธานํ
วิย สาวกานมฺปิ เตน เตน สตฺเตน ปตฺตพฺเพ ผเล าณํ อตฺถี"ติ เยสํ ลทฺธิ
เสยฺยถาปิ อนฺธกานํ, เต สนฺธาย สาวกสฺสาติ ปุจฺฉา สกวาทิสฺส, ปฏิญฺา
อิตรสฺส. อถ นํ "ยทิ สาวกสฺส ผเล าณํ อตฺถิ, ยถา พุทฺธา สมาเนปิ
โสตาปตฺติผเล อตฺตโน าณพเลน `อยํ เอกพีชี อยํ โกลํโกโล อยํ สตฺตกฺขตฺตุ-
ปรโม'ติ ผลสฺสกตํ ปญฺาเปนฺติ, กินฺเต เอวํ สาวโกปี"ติ โจเทตุํ สาวโก
ผลสฺสกตํ ปญฺาเปตีติ อาห, อิตโร ปฏิกฺขิปติ.
     อตฺถิ สาวกสฺส ผลปโรปริยตฺตีติอาทิ ผเล าณสฺส อตฺถิตาย ปจฺจยปุจฺฉนตฺถํ
วุตฺตํ. อยเญฺหตฺถาธิปฺปาโย:- พุทฺธานํ "อิทํ ผลํ ปรํ, อิทํ โอปรนฺ"ติ เอวํ
ผลานํ อุจฺจาวจภาวชานนสงฺขาตา ผลา ๔- ปโรปริยตฺติ นาม อตฺถิ. ตถา
@เชิงอรรถ: ๑ ม. ปสฺสนฺโตติ   ๒ ฉ.ม. ภงฺคานุปสฺสเนเนว
@๓ ฉ.ม. อยํ ปาโ น ทิสฺสติ  ๔ ฉ.ม. ผเล
อินฺทฺริยปุคฺคลปโรปริยตฺติโย, ตาสํ อตฺถิตาย ตสฺส ตสฺส ปุคฺคลสฺส เตสํ เตสํ
อินฺทฺริยานํ วเสเนว ตํ ตํ ผลํ ชานนฺติ, กินฺเต สาวกสฺสาปิ เอตา ปโรปริยตฺติโย
อตฺถีติ.
     อตฺถิ สาวกสฺส ขนฺธปญฺตฺตีติอาทีนิปิ "ยทิ เต สาวกสฺส พุทฺธานํ วิย
ผเล าณํ อตฺถิ, อิมาหิปิสฺส ปญฺตฺตีหิ ภวิตพฺพํ, กิมสฺส ตา อตฺถิ, สกฺโกติ
โส เอตา ปญฺตฺติโย อตฺตโน พเลน ชานิตุํ วา ปญฺาเปตุํ วา"ติ โจทนตฺถํ
วุตฺตานิ. สาวโก ชิโนติอาทิ "ยทิ สาวกสฺส พุทฺธานํ วิย ผเล าณํ อตฺถิ,
เอวํ สนฺเต เสฺวว ชิโน"ติ โจทนตฺถํ วุตฺตํ. สาวโก อนุปฺปนฺนสฺสาติ ปเญฺหปิ
อยเมว นโย. อญฺาณีติ ปเญฺห อวิชฺชาสงฺขาตสฺส อญฺาณสฺส วิหตตฺตา
ปฏิกฺขิตฺโต, น ปนสฺส พุทฺธานํ วิย ผเล าณํ อตฺถิ. ตสฺมา อปฺปติฏฺิโตว
ปรวาทีวาโทติ.
                      ผลาณกถาวณฺณนา นิฏฺิตา.
               ปญฺจโม วคฺโค นิฏฺิโต. มหาปณฺณาสโก สมตฺโต.
                          -------------

             อรรถกถาภาษาบาลีอักษรไทย เล่มที่ ๕๕ หน้า ๒๑๕-๒๑๖.
http://84000.org/tipitaka/atthapali/read_th.php?B=55&A=4838&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=55&A=4838&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=37&i=1075
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=37&A=10337
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=37&A=6882
             The Pali Tipitaka in Roman Character :-
http://84000.org/tipitaka/read/roman_read.php?B=37&A=6882
             สารบัญพระไตรปิฎกเล่มที่ ๓๖
http://84000.org/tipitaka/read/?index_37