อรรถกถาเล่มที่ ๕๕ ภาษาบาลีอักษรไทย
 ปญฺจ.อ. (ปรมตฺถที.)

                           ๘. อฏฺมวคฺค
                         ๑. ฉคติกถาวณฺณนา
     [๕๐๓-๕๐๔] อิทานิ ฉคติกถา นาม โหติ. ตตฺถ อสุรกาเยน สทฺธึ
ฉ คติโยติ เยสํ ลทฺธิ เสยฺยถาปิ อนฺธกานญฺเจว อุตฺตราปถกานญฺจ, เต สนฺธาย
ปุจฺฉา สกวาทิสฺส, ปฏิญฺา อิตรสฺส. อถ นํ สกวาที "ปญฺจ โข *- ปนิมา
สาริปุตฺต คติโย"ติ ๑- โลมหํสนปริยาเย ปริจฺฉินฺนานํ คตีนํ วเสน โจเทตุํ
นนุ ปญฺจ คติโยติอาทิมาห. อิตโร สุตฺตวิโรธภเยน ปฏิชานาติ. กสฺมา ปน
สกวาที ฉ คติโย น สมฺปฏิจฺฉติ, นนุ "จตูหปาเยหิ ๒- จ วิปฺปมุตฺโต"ติ
เอตฺถ อสุรกาโยปิ คหิโตติ. สจฺจํ คหิโต, น ปเนสา คติ. กสฺมา? วิสุํ
อภาวโต. อสุรกายสฺมิญฺหิ กาลกญฺชิกา อสุรา เปตคติยา สงฺคหิตา, เวปจิตฺติปริสา
เทวคติยา, อสุรกาโยติ วิสุํ เอกา คติ นาม นตฺถิ.
     อิทานิ เอตเมว อตฺถํ ทสฺเสตุํ นนุ กาลกญฺชิกาติอาทิ อารทฺธํ. ตตฺถ
สมานวณฺณาติ สทิสรูปสณฺานา พีภจฺฉา วิรูปา ทุทฺทสฺสิกา. สมานโภคาติ
สทิสเมถุนสมาจารา. สมานาหาราติ สทิสเขฬสิงฺฆานิกปุพฺพโลหิตาทิอาหารา.
สมานายุกาติ สทิสอายุปริจฺเฉทา. อาวาหวิวาหนฺติ กญฺาคหณญฺเจว กญฺาทานญฺจ.
สุกฺกปกฺเข สมานวณฺณาติ สทิสรูปสณฺานา อภิรูปา ปาสาทิกา ทสฺสนียา
ปภาสมฺปนฺนา. สมานโภคาติ สทิสปญฺจกามคุณโภคา. สมานาหาราติ สทิสสุธาโภชนาทิ-
อาหารา. เสสํ วุตฺตนยเมว. นนุ อตฺถิ อสุรกาโยติ อิทํ อสุรกายสฺเสว
สาธกํ. ตสฺส ปน วิสุํ คติปริจฺเฉทาภาเวน น คติสาธกนฺติ.
                       ฉคติกถาวณฺณนา นิฏฺิตา.
                            --------
@เชิงอรรถ: ๑ ม.มู. ๑๒/๑๕๓/๑๑๓   * ปาลิ. อิมา   ๒ ฉ.ม. จตูหาปาเยหิ

             อรรถกถาภาษาบาลีอักษรไทย เล่มที่ ๕๕ หน้า ๒๓๒.
http://84000.org/tipitaka/atthapali/read_th.php?B=55&A=5219&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=55&A=5219&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=37&i=1193
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=37&A=11711
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=37&A=7760
             The Pali Tipitaka in Roman Character :-
http://84000.org/tipitaka/read/roman_read.php?B=37&A=7760
             สารบัญพระไตรปิฎกเล่มที่ ๓๖
http://84000.org/tipitaka/read/?index_37