Atthakatha Book 2 : PALI ROMAN
Vinaya.A. (samanta.2)

     {471} Aṭṭhamasikkhāpade. Adhikaraṇajātānanti etehi bhaṇḍanādīhi
anuppannavivādādhikaraṇānaṃ. Upassutinti 1- sutisamīpaṃ yattha ṭhatvā
sakkā hoti tesaṃ vacanaṃ sotuṃ tatthāti attho. Gacchati āpatti
dukkaṭassāti ettha padavāre padavāre dukkaṭaṃ. Mantentanti
aññena saddhiṃ aññasmiṃ mantiyamāne. Mantenteti vā pāṭho.
Ayamattho. {473} Vūpasamissāmīti upasamissāmi upasamaṃ gamissāmi kalahaṃ
na karissāmi. Attānaṃ parimocessāmīti mama akārakabhāvaṃ
kathetvā attānaṃ mocessāmi. Sesamettha uttānameva.
     Theyyasatthasamuṭṭhānaṃ kāyacittato kāyavācācittato ca samuṭṭhāti
siyā kiriyā sotukāmatāya gamanavasena siyā akiriyā ṭhitaṭṭhānaṃ āgantvā
mantayamānānaṃ ajānāpanavasena. Rūpiyaṃ aññavādakaṃ upassutīti
imāni hi tīṇi sikkhāpadāni ekaparicchedāni. Saññāvimokkhaṃ
sacittakaṃ lokavajjaṃ kāyakammaṃ vacīkammaṃ akusalacittaṃ dukkhavedananti.
                  Upassutisikkhāpadaṃ aṭṭhamaṃ.
@Footnote: 1. upassutītipi pāṭho.


             The Pali Atthakatha in Roman Book 2 page 478.
http://84000.org/tipitaka/atthapali/rm_line.php?B=2&A=10088&pagebreak=1
             อรรถกถาบาลีอักษรไทย :-
http://84000.org/tipitaka/atthapali/read_th.php?B=2&A=10088&pagebreak=1
             อ่านอรรถกถาแปลไทย :-
http://84000.org/tipitaka/attha/attha.php?b=2&i=711
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=2&A=13737
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=2&A=8400
             The Pali Tipitaka in Roman Character :-
http://84000.org/tipitaka/read/roman_read.php?B=2&A=8400
             Contents of The Tipitaka Volume 1
http://84000.org/tipitaka/read/?index_2