Atthakatha Book 55 : PALI ROMAN
Panca.A. (paramatthadi.)

                        10. Phalananakathavannana
     [443-444] Idani phale nanakatha nama hoti. Tattha "buddhapi
sattanam ariyaphaluppattiya dhammam desenti savakapiti imina samannena buddhanam
viya savakanampi tena tena sattena pattabbe phale nanam atthi"ti yesam laddhi
seyyathapi andhakanam, te sandhaya savakassati puccha sakavadissa, patinna
itarassa. Atha nam "yadi savakassa phale nanam atthi, yatha buddha samanepi
sotapattiphale attano nanabalena `ayam ekabiji ayam kolamkolo ayam sattakkhattu-
paramo'ti phalassakatam pannapenti, kinte evam savakopi"ti codetum savako
phalassakatam pannapetiti aha, itaro patikkhipati.
     Atthi savakassa phalaparopariyattitiadi phale nanassa atthitaya paccayapucchanattham
vuttam. Ayanhetthadhippayo:- buddhanam "idam phalam param, idam oparan"ti evam
phalanam uccavacabhavajananasankhata phala 4- paropariyatti nama atthi. Tatha
@Footnote: 1 Ma. passantoti   2 cha.Ma. bhanganupassaneneva
@3 cha.Ma. ayam patho na dissati  4 cha.Ma. phale
Indriyapuggalaparopariyattiyo, tasam atthitaya tassa tassa puggalassa tesam tesam
indriyanam vaseneva tam tam phalam jananti, kinte savakassapi eta paropariyattiyo
atthiti.
     Atthi savakassa khandhapannattitiadinipi "yadi te savakassa buddhanam viya
phale nanam atthi, imahipissa pannattihi bhavitabbam, kimassa ta atthi, sakkoti
so eta pannattiyo attano balena janitum va pannapetum va"ti codanattham
vuttani. Savako jinotiadi "yadi savakassa buddhanam viya phale nanam atthi,
evam sante sveva jino"ti codanattham vuttam. Savako anuppannassati panhepi
ayameva nayo. Annaniti panhe avijjasankhatassa annanassa vihatatta
patikkhitto, na panassa buddhanam viya phale nanam atthi. Tasma appatitthitova
paravadivadoti.
                      Phalananakathavannana nitthita.
               Pancamo vaggo nitthito. Mahapannasako samatto.
                          -------------


             The Pali Atthakatha in Roman Book 55 page 215-216.
http://84000.org/tipitaka/atthapali/rm_line.php?B=55&A=4838&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=55&A=4838&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=37&i=1075
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=37&A=10337
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=37&A=6882
             The Pali Tipitaka in Roman Character :-
http://84000.org/tipitaka/read/roman_read.php?B=37&A=6882
             Contents of The Tipitaka Volume 36
http://84000.org/tipitaka/read/?index_37