AtthaPali Vol.35

10 Nalapanajatakam disva padamanuttinnanti idam sattha kosalesu carikancaramano nalakapanagamam patva nalakapanapokkharaniyam ketakavane viharanto naladindake arabbha kathesi. Tada kira bhikkhu nalakapanapokkharaniyam nhatva sucigharatthaya samanerehi naladandake gahapetva te sabbatthakameva chidde disva sattharam upasankamitva bhante mayam sucigharatthaya naladandake ganhapema te mulato yava agga sabbatthakameva chidda kim nu kho etanti pucchimsu. Sattha idam bhikkhave mayham poranakadhitthananti vatva atitam ahari. Atite pubbepi kira so vanasando arannam ahosi. Tassapi pokkharaniya eko dakarakkhaso otinnotinne khadati. Tada bodhisatto rohitamigapotappamano kapiraja hutva asitisahassa- mattavanaraparivuto yutham pariharanto tasmim aranne vasati. So vanaraganassa ovadam adasi tata imasmim aranne visarukkhapi amanussapariggahitajatapokkharaniyopi tattheva honti tumhe akhaditapubbam phalaphalam khadanta va apitapubbam paniyam pivanta va mam patipuccheyyathati. Te sadhuti patissunitva ekadivasam agatapubbatthanam gata tattha bahudeva divasam caritva paniyam gavesamana ekam pokkharanim disva paniyam apivitvava bodhisattassa agamanam olokayamana nisidimsu. Bodhisatto agantva kim tata paniyam na pivathati aha. Tumhakam agamanam olokemati. Sutthu tata katanti bodhisatto tam pokkharanim avijjhitva padam paricchindanto otinnameva passi no uttinnam. So nissamsayam esa amanussapariggahitati natva sutthu vo katam tata paniyam apivantehi amanussapariggahita ayanti aha. Dakarakkhasopi tesam anotaranabhavam natva nilodaro pandaramukho surattahatthapado bhayanakarupo vibhacchadassano hutva udakam dvidha katva nikkhamitva kasma tumhe nisidatha idam pokkharanim otaritva paniyam pivathati aha. Atha nam bodhisatto pucchi tvam idha nibbattadakarakkhasoti. Ama aham Nibbattomhiti. Tvam pokkharanim otinnotinne labhasiti. Ama labhami aham idhotinnam antamaso sakunikam upadaya na kinci muncami tumhepi sabbe khadissamiti. Na mayam attanam tuyham khaditum dassamati. Paniyampana kim pivissathati. Ama mayam paniyanca pivissama na ca te vasam gamissamati. Atha katham paniyam pivissathati. Kim pana tvam mannasi otaritva pivissantiti mayam hi anotaritva asitisahassavanarapi ekamekam naladandakam gahetva uppalanalena udakam pivanta viya tava pokkharaniya paniyam pivissama evam no tvam khaditum na sakkhissasiti. Etamattham viditva sattha abhisambuddho hutva imissa gathaya purimapadadvayam abhasi disva padamanuttinnam disvanotaritam padam nalena varim pivissama neva mam tvam vadhissasiti. Tassattho bhikkhave so kapiraja tassa pokkharaniya ekampi uttinnapadam naddasa otaritam padam otinnapadameva addasa evam disva padamanuttinnam disvana otaritam padam addha ayam pokkharani amanussapariggahitati natva tena saddhim sallapanto mahapuriso aha nalena varim pivissamati. Tassattho mayam tava pokkharaniya nalena paniyam pivissamati. Puna mahasatto aha neva mam tvam vadhissasiti. Evam nalena paniyam pivantam saparisampi mam tvampi neva vadhissasiti attho. Evam vatva pana bodhisatto ekam naladandakam aharapetva Paramiyo avajjitva saccakiriyam katva mukhena dhami. Nalo anto kinci ganthim anavasesetva sabbatthakameva susiro ahosi. Imina niyamena aparampi aharapetva dhamitva adasiti evam sante pana na sakka nitthapetum tasma evam na gahetabbam. Bodhisatto pana idam pokkharanim parivaretva jata sabbepi nala ekacchidda hontuti adhitthasi. Bodhisattananhi hitupacarassa mahantataya adhitthanam samijjhati. Tato patthaya sabbepi tam pokkharanim parivaretva utthitanala ekacchiddava jata. Imasmim hi kappe cattari kappatthitiyapatihariyani nama. Katamani cattari. Cande sasalakkhanam sakalampi idam kappam thassati. Vattakajatake aggino nibbutatthanam sakalampi idam kappam aggi na jhapessati. Ghatikaranivesanatthanam sakalampi idam kappam anovassakam thassati. Idam pokkharanim parivaretva utthitanala sakalampi idam kappam ekacchidda bhavissantiti imani cattari kappatthitiyapatihariyani nama. Bodhisatto evam adhitthahitva ekam nalam adaya nisidi. Tepi asitisahassabanara ekekam nalam adaya pokkharanim parivaretva nisidimsu. Tepi bodhisattassa nalena akaddhitva paniyapivanakale sabbe tire nisinnava pivimsu. Evam tehi paniye pivite dakarakkhaso kanci alabhitva anattamano sakanivesanameva gato. Bodhisattopi saparivaro arannameva pavisi. Sattha pana imesam bhikkhave nalanam ekacchiddabhavo nama mayhamevetam poranakam adhitthananti idam dhammadesanam aharitva anusandhim ghatetva jatakam samodhanesi tada dakarakkhaso devadatto ahosi asitisahassabanara buddhaparisa upayakusalo pana kapiraja ahameva ahositi. Nalapanajatakam dasamam. Silavaggo dutiyo. ----------

The Pali Atthakatha in Roman Book 35 page 256-260. http://84000.org/tipitaka/atthapali/rm_line.php?B=35&A=5319&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=35&A=5319&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=20 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=129 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=127 The Pali Tipitaka in Roman Character :- http://84000.org/tipitaka/read/roman_read.php?B=27&A=127 Contents of The Tipitaka Volume 27 http://84000.org/tipitaka/read/?index_27