Atthakatha Book 55 : PALI ROMAN
Panca.A. (paramatthadi.)

                     4. Anusayaanarammanakathavannana
     [554-556] Idani anusaya anarammanatikatha nama hoti. Tattha yesam
anusaya nama cittavippayutta ahetuka abyakata, teneva ca anarammanati
laddhi seyyathapi andhakananceva ekaccananca uttarapathakanam, te sandhaya
anusayati puccha sakavadissa, patinna itarassa. Atha nam anarammanena nama
evamvidhena bhavitabbanti codetum rupantiadimaha. Kamaragotiadi kamaraganusayato
anannatta dassitam. Sankharakkhandho anarammanoti panhe cittasampayuttam
sankharakkhandham sandhaya patikkhipati. Anusayanca jivitindriyam kayakammadirupanca 1-
sankharakkhandhapariyapannatam sandhaya patijanati. 1- Iminava upayena sabbavaresu attho
veditabbo. Sanusayoti panhe pana appahinanusayatta sanusayata anunnata,
na anusayanam pavattisabbhava. Yo hi appahino, na so atito nanagato na
paccuppanno ca. Maggavajjhakileso panesa appahinattava atthiti vuccati. Evarupassa
ca idam nama arammananti na vattabbam. Tasma tam patikkhittam. Tampanetam na
kevalam anusayassa, ragadinampi tadisameva, tasma anusayanam anarammanatasadhakam
na hotiti.
                   Anusayaanarammanakathavannana nitthita.
                           -----------
@Footnote: 1-1 cha.Ma. sankharakkhandhapariyapannam, tam sandhaya patijanati


             The Pali Atthakatha in Roman Book 55 page 244.
http://84000.org/tipitaka/atthapali/rm_line.php?B=55&A=5497&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=55&A=5497&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=37&i=1327
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=37&A=13222
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=37&A=8683
             The Pali Tipitaka in Roman Character :-
http://84000.org/tipitaka/read/roman_read.php?B=37&A=8683
             Contents of The Tipitaka Volume 36
http://84000.org/tipitaka/read/?index_37