Atthakatha Book 12 : PALI ROMAN
Saṃ.A. (sārattha.2)

                           5. Attadīpavagga
                        1. Attadīpasuttavaṇṇanā
    [43] Attadīpavaggassa paṭhame attadīpāti attānaṃ dīpaṃ tāṇaṃ leṇaṃ
gatiṃ parāyanaṃ patiṭṭhaṃ katvā viharathāti attho. Attasaraṇāti idaṃ tasseva vevacanaṃ.
Anaññasaraṇāti idaṃ aññassa saraṇaṃ paṭikkhepavacanaṃ. Na añño aññassa
saraṇaṃ hoti aññassa vāyāmena aññassa samijjhanato vuttampi cetaṃ:-
@Footnote: 1 Sī. maggo
---------------------------------------------------------------------------------------------
page295.
    "attā hi attano nātho ko hi nātho paro siyā"ti. 1- Tenāha
"anaññasaraṇā"ti. Ko panettha attā nāma? lokiyalokuttaro dhammo. Tenevāha
"dhammadīpā dhammasaraṇā anaññasaraṇā"ti. Yonīti kāraṇaṃ "yoni hesā bhūmija
phalassa adhigamāyā"tiādīsu 2- viya. Kiṃpahotikāti kiṃpabhutikā, kuto pabhavantīti
attho. Rūpassa tvevāti idaṃ tesaṃyeva sokādīnaṃ pahānadassanatthaṃ āraddhaṃ.
Na paritassatīti na gaṇhāti na gahati 3-. Tadaṅganibbutoti tena vipassanaṅgena
kilesānaṃ 4- nibbutattā tadaṅganibbuto. Imasmiṃ sutte vipassanāva kathitā. Paṭhamaṃ.


             The Pali Atthakatha in Roman Book 12 page 294-295.
http://84000.org/tipitaka/atthapali/rm_line.php?B=12&A=6483&pagebreak=1
             อรรถกถาบาลีอักษรไทย :-
http://84000.org/tipitaka/atthapali/read_th.php?B=12&A=6483&pagebreak=1
             อ่านอรรถกถาแปลไทย :-
http://84000.org/tipitaka/attha/attha.php?b=17&i=87
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=17&A=948
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=17&A=1048
             The Pali Tipitaka in Roman Character :-
http://84000.org/tipitaka/read/roman_read.php?B=17&A=1048
             Contents of The Tipitaka Volume 16
http://84000.org/tipitaka/read/?index_17