Atthakatha Book 55 : PALI ROMAN
Pañca.A. (paramatthadī.)

                6. Navattabbaṃsaṃghodakkhiṇaṃpaṭiggaṇhātītikathāvaṇṇanā
     [791-792] Idāni na vattabbaṃ saṃgho dakkhiṇaṃ paṭiggaṇhātītikathā
nāma hoti. Tattha "paramatthato maggaphalāneva saṃgho, maggaphalehi añño saṃgho
@Footnote: 1 cha. pavattapariyāpannabhāvaṃ, Ma. parivattapariyāpannabhāvaṃ
Nāma natthi, maggaphalāni ca na kiñci paṭiggaṇhanti, tasmā na vattabbaṃ saṃgho
dakkhiṇaṃ paṭiggaṇhātī"ti yesaṃ laddhi seyyathāpi etarahi mahāpuññavādīsaṅkhātānaṃ
vetullakānaṃ, te sandhāya na vattabbanti pucchā sakavādissa, paṭiññā
itarassa. Atha naṃ "yadi saṃgho na paṭiggaṇheyya, na naṃ satthā āhuneyyotiādīhi
thomeyyā"ti codetuṃ nanu saṃgho āhuneyyotiādimāha. Saṃghassa dānaṃ
dentīti "ye te saṃghassa denti, te paṭiggāhakesu asati  kassa dadeyyun"ti
codanatthaṃ vuttaṃ. Āhutiṃ jātavedovāti suttaṃ parasamayato āgataṃ. Tattha mahāmeghanti
meghavuṭṭhiṃ sandhāya vuttaṃ. Vuṭṭhiñhi medanī paṭiggaṇhāti, na meghameva. Maggo
paṭiggaṇhātīti "maggaphalāni saṃgho"ti laddhiyā vadati, na ca maggaphalāneva saṃgho,
maggaphalapātubhāvaparisuddhe pana khandhe upādāya paññattā aṭṭha puggalā saṃgho,
tasmā asādhakanti. 1-
              Navattabbaṃsaṃghodakkhiṇaṃpaṭiggaṇhātītikathāvaṇṇanā niṭṭhitā.
                           -----------


             The Pali Atthakatha in Roman Book 55 page 293-294.
http://84000.org/tipitaka/atthapali/rm_line.php?B=55&A=6617
             อรรถกถาบาลีอักษรไทย :-
http://84000.org/tipitaka/atthapali/read_th.php?B=55&A=6617
             อ่านอรรถกถาแปลไทย :-
http://84000.org/tipitaka/attha/attha.php?b=37&i=1708
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=37&A=17841
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=37&A=11542
             The Pali Tipitaka in Roman Character :-
http://84000.org/tipitaka/read/roman_read.php?B=37&A=11542
             Contents of The Tipitaka Volume 36
http://84000.org/tipitaka/read/?index_37