AtthaPali Vol.13

6. Patimokkhasamvarasuttavannana [412] Chatthe patimokkhasamvarasamvutoti catunnam silanam jetthakasilam dassento evamaha. Tipitakaculanagatthero panaha "patimokkhasamvarova silam, itarani tini silanti vuttatthanam nama natthi"ti vatva tam anujananto aha "indriyasamvaro Nama chadvararakkhanamattameva, ajivaparisuddhidhammeneva samena paccayuppattimattakam, paccayasannissitam patiladdhapaccaye idamatthanti paccavekkhitva paribhunjanamattakam. Nippariyayena patimokkhasamvarova silam. Yassa so bhinno, ayam chinnasiso viya puriso hatthapade, sesani rakkhissatiti na vattabbo. Yassa pana so arogo, ayam acchinnasiso viya puriso jivitam, sesani puna pakatikani katva rakkhitumpi sakkoti"ti. Tasma patimokkhasamvarova silam, tena patimokkhasamvarena samvutoti patimokkhasamvarena samvuto, upagato ^1- samannagatoti attho. Acaragocarasampannoti acarena ca gocarena ca sampanno. Anumattesuti appamattakesu. Vajjesuti akusaladhammesu. Bhayadassaviti bhayadasSi. Samadayati samma adiyitva. Sikkhassu sikkhapadesuti sikkhapadesu tam tam sikkhapadam samadiyitva sikkha, yam yam pana kinci sikkhapadesu sikkhakotthasesu sikkhitabbam kayikam va vacasikam va, tam tam sabbam sammadaya sikkhassuti ayamettha sankhepattho. Vittharo pana visuddhimagge ^2- vutto. Iti imasmim sutte patimokkhasamvarasilameva kathitam.

The Pali Atthakatha in Roman Book 13 page 304-305. http://84000.org/tipitaka/atthapali/rm_line.php?B=13&A=6661&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=13&A=6661&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=19&i=827 เนื้อความพระไตรปิฎกฉบับหลวง :- http://84000.org/tipitaka/read/r.php?B=19&A=4945 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=19&A=4819 The Pali Tipitaka in Roman Character :- http://84000.org/tipitaka/read/roman_read.php?B=19&A=4819 Contents of The Tipitaka Volume 18 http://84000.org/tipitaka/read/?index_19