Atthakatha Book 12 : PALI ROMAN
Sam.A. (sarattha.2)

                       7. Anattalakkhanasuttavannana
    [59] Sattame pancavaggiyeti annakondannattheradike pancajane
puranupatthake. Amantesiti asalhapunnamadivase dhammacakkappavattanato patthaya
anukkamena sotapattiphale patitthite 2- "idani nesam asavakkhayaya dhammam
desessami"ti pancamiya pakkhassa amantesi. Etadavocati etam "rupam bhikkhave
@Footnote: 1 cha.Ma. maggakovido        2 Ma. tesu patitthitesu
Anatta"tiadinayappavattam anattalakkhanasuttam avoca. Tattha anattati pubbe vuttehi
catuhi karanehi anatta. Tam kim mannatha bhikkhaveti idam kasma araddham? ettakena
thanena anattalakkhanameva kathitam, na aniccadukkhalakkhanani, idani tani
dassetva samodhanetva tinipi lakkhanani dassetum idamaraddhanti veditabbam.
Tasmati yasma ime pancakkhandha anicca dukkha anatta, tasma. Yankinci
rupantiadisu vittharena katha visuddhimagge pannabhavanadhikare khandhaniddese
vuttava. Sesam sabbattha vuttanusareneva veditabbam. Imasmim pana sutte
anattalakkhanameva kathitanti. Sattamam.


             The Pali Atthakatha in Roman Book 12 page 305-306.
http://84000.org/tipitaka/atthapali/rm_line.php?B=12&A=6725&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=12&A=6725&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=17&i=127
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=17&A=1472
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=17&A=1648
             The Pali Tipitaka in Roman Character :-
http://84000.org/tipitaka/read/roman_read.php?B=17&A=1648
             Contents of The Tipitaka Volume 16
http://84000.org/tipitaka/read/?index_17