Atthakatha Book 55 : PALI ROMAN
Panca.A. (paramatthadi.)

                        2. Sunnatakathavannana
     [832] Idani sunnatakatha nama hoti. Tattha sunnatati dve sunnata
khandhananca anattalakkhanam nibbananca. Tesu anattalakkhanam tava ekaccam
ekena pariyayena siya sankharakkhandhapariyapannam, nibbanam apariyapannameva.
Imam pana vibhagam aggahetva "sunnata sankharakkhandhapariyapanna"ti yesam laddhi
seyyathapi andhakanam, te sandhaya puccha sakavadissa, patinna itarassa.
Animittanti sabbanimittarahitam nibbanam. "appanihito"tipi tasseva namam. Kasma
panetam abhatanti? avibhajjavadivade dosaropanattham. Yassa hi avibhajitva
"ekadeseneva sunnata sankharakkhandhapariyapanna"ti laddhi, tassa nibbanampi
sankharakkhandhapariyapannanti apajjati. Imassa dosassaropanattham "animittam
appanihitan"ti abhatam. Itaro tassa pariyapannabhavam anicchanto patikkhipati.
Sankharakkhandho na aniccotiadi nibbanasankhataya sunnataya aniccabhavapatti-
dosassa dassanattham vuttam.
     [833] Sankharakkhandhassa sunnatati "yadi annassa khandhassa sunnata
annakkhandhapariyapanna, sankharakkhandhasunnatayapi sesakkhandhapariyapannaya
bhavitabban"ti codanattham suttam. Sankharakkhandhassa sunnata na vattabbatiadi "yadi
sankharakkhandhasunnata sesakkhandhapariyapanna na hoti, sesakkhandhasunnatapi
sankharakkhandhapariyapanna na hoti"ti patilomadassanattham vuttam.
     [834] Sunnamidam bhikkhave sankharati suttam parasamayato abhatam. Tattha
sankharati "sabbe sankhara anicca"ti agatatthane viya pancakkhandha, teva 1-
attattaniyasunnatta sunnatati sasanavacaram hoti, na virujjhati, tasma anunnatam.
Yasma panetam na sunnataya sankharakkhandhapariyapannabhavam dipeti, tasma
asadhakanti.
                      Sunnatakathavannana nitthita.
                          ------------


             The Pali Atthakatha in Roman Book 55 page 304-305.
http://84000.org/tipitaka/atthapali/rm_line.php?B=55&A=6854&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=55&A=6854&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=37&i=1775
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=37&A=18680
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=37&A=12105
             The Pali Tipitaka in Roman Character :-
http://84000.org/tipitaka/read/roman_read.php?B=37&A=12105
             Contents of The Tipitaka Volume 36
http://84000.org/tipitaka/read/?index_37